10-1(sat) 李氏力場+步步驚心
嘩! 估唔到10月先o黎有風打, 仲要一個接一個, 呢個世界真係愈o黎愈估佢唔到! 成兩年無試過返工時間掛得成T8, 估唔到"李氏力場"也有失效的一天...兩年來第一次被擊倒! 8號波同人生一樣, 永遠都係咁, 當你以為唔會發生, 佢又忽然出現…:p
呢期d娛樂新聞又係好趣緻, 都話今年d娛聞真係比前幾年激好多!
許廷鏗呢單真係呢…我初時睇個封面仲以為佢激到o係公園同張敬軒激嘴添…:p
至於陳豪同陳茵媺o個單…年頭初初傳出o黎時, 都覺得佢哋幾sweet幾襯, 但呢期咁日日走出o黎宣傳會唔會over咗d呢?
當然, 更爆o既係梁詠琪閃婚單新聞啦…明明舊年先話同個咩領事館人員撻著, 事隔唔夠一年已經換咗第二個仲要結埋婚…都話, 世事真係瞬息萬變!
仲有呢期個tvb挖角潮, 煩到呢…日日係咁搵d藝員o黎講吓tbb有幾好, 效果仲衰, 好此地無銀囉!
新一輯“健康奇案錄”由laughing sir做, 好似仲怪過林保怡, 哈哈…不過呢個節目依舊幾好笑!
至於“不速之約”, 唔知點解睇睇吓有d悶, 雖然話係有深度, 但又真係唔太吸引!
呢期內地套"步步驚心"好似真係爆紅喎…係咪真係咁好睇? 本來古裝劇我麻麻, 但係時空交錯o既劇情我又幾鍾意, 好似"尋秦記"咁! 見個個都推介, 搞到我都想睇吓!
o係網上見到呢幅”麥嘉vs余加”圖…又幾似喎…哈哈!
posted by 芒姐 at 11:32 下午
8 Comments:
我覺得都係bowie做健康奇案錄好D, 第一輯印象好深(thank you for your cooperation~~~~)
不速之约我而家放棄左,雖然有bobby(我寧願佢做法證3),但感覺總是不討好(可能开头太爆,後面的剧情一放慢,就覺得悶左)
反而开头勁慢既九江＋二坊的結局我就覺得不錯(演員做得好好),很煽情~
步步雖然是穿越的戲，但主角利用現代智慧解決問題的內容不多，唔似尋秦記咁，也沒有很多笑點，反而是苦戲很多（最後十集很能哭很抑壓），如果你喜歡清朝皇室爭皇位+女主角受一眾男角愛戴但很苦命的，加上國內很繞彎的台詞，那是可以一看：）
不過，戲中的鄭嘉穎做得不錯，很吸引人（我對他tvb的劇沒任何感覺），吳奇隆後面戲份較多，演技岀眾！還有劉心悠，超級漂亮，比女主角靚很多，哈哈！其他人表現也不錯，的確是一套認真製作的戲！
若單看眾人的演技，也是值得的~~~~
許廷鏗的解釋勁牽強, 單睇D相已經深深感受到佢同佢位 "麻甩老死" 有幾咁情意綿綿, 作為普通讀者/觀眾, 好難相信佢地當時唔係談緊情囉真係!
好勝GIGI閃婚單野真係爆呀! 其實佢係咪受左咩刺激? 講真我真係唔覺佢係咁洋化的人 (AS COMPARED TO 佢好姊妹莫文蔚... KAREN唔同啦, KAREN本身都係混血兒, 英文真係近乎NATIVE程度, 又識幾種外文, 佢嫁外國人, 我完全想像得到), 真唔明點解佢自似同鄭生玩完後就不停搵鬼佬拍拖... 唔係黑心, 我都想佢幸福, 但真係驚佢係太心急做錯決定, 希望佢同佢個西班牙老公可以白頭到老啦!
內地最近紅了很多穿越古代的戲
(宮鎖心玉,古今大戰秦俑情)
芒姐有興趣的話可以看看
步步驚心OK架!
我睇步步都因為係穿越劇，有尋秦記Feel!
睇完之後，覺得鄭嘉穎OK咗，做得唔錯，
個角色幫佢唔少。
鄭嘉穎不嬲都 OK.
唔明點解大家對佢有咁大偏見...
oh, 最終都未有時間睇...太忙, 要追埋現有的劇集先!
好勝GIGI之前直頭係十分LOCAL添啦...不過人會變O既, 但咁快結婚又的確危險! 人哋係咩人佢都未睇清楚!
發佈留言
<< Home