8-5(fri) 陳展鵬
終於有時間睇番最後一個禮拜o既真相! 呢套真係幾好睇…係近期o既佳作! 雖然唔係o個d咩劇力萬鈞大製作, 又或者似當年的”刑事偵緝檔案”咁, 但各方面都幾平均吓…唔錯!
唐詩詠同馬國明o個段幾好睇, 大c死o個段真係睇到人個心都la住晒! 同埋最後講馬明o既報應係失去咗身邊最愛o既人然後一世內疚都好警世! 仲有就係帶出人在江湖, 身不由己, 千祈唔好行錯第一步呢個message亦都好入腦! 同埋做殺唐詩詠個兇手o個個演員都做得好好囉我覺得!
仲有後尾田蕊妮同阮兆祥o個段又係幾好睇…輕鬆得o黎都幾sweet…但陳芷菁做大塊田個阿姨, 感覺有d怪…佢哋個樣好似差唔多大咁!
呢套又有”同事三分親”o既marco同gary…呢兩個名真係好深入民心, 永遠都會覺得佢哋係叫marco同gary! 但係gary做唐詩詠個細佬又係略欠說服力囉, 似佢大佬多好多!
噢! keith同wallace都咁好真係好難揀, 但我估唔到mavis最後真係會兩個都唔揀囉 (我指作為一套戲)!
因為陳展鵬呢期太熱, 連帶連呢個十幾年前的陳曉東"心理遊戲"mv都大熱起來...話說我當年其實幾鍾意阿”陳東師傅”, 而呢個mv亦都睇+唱過無數次, 不過個搞笑程度都幾高...係睇一次笑一次, 完全唔知佢想點?! 不過個story同成個setting都好深刻!
Wow, 呢個十幾歲o既陳展鵬對比起依家三十幾歲o既陳展鵬即刻高下立見…男人真係要去到三十幾先開始散發魅力! 同埋呢個mv除咗東東同陳展鵬...其實個女主角都有段古…話說幾年後去某大律師樓聽d trainee講座, 見到佢係其中一個講者, 原來佢都係讀law…真係又讀得又睇得…咁講佢拍呢個mv時應該已經讀緊hku llb, 可能同張燊悅係同期! 所以話呢個mv都可算經典!
(oh btw, 結他"...oh, 其實東東o個期d歌全部都好好聽, 同埋幾有趣味...仲有"結他劇烈帶引我倆快脫軌, 舞姿彷彿似兩個急轉硬幣~~~"都係超級like!)
新o個套"潛行狙擊"都ok, 不過只係睇咗少少…laughing一日到晚o係度唱”小明上廣州”真係好難頂!
至於"紫禁驚雷"真係一d都唔係我杯茶…雖然o個日都larp咗少少…又有馬明同唐詩詠一齊, “真相”時裝完又古裝, 呢期佢哋變咗螢幕情侶? 仲有呢排d cast真係成日都overlap囉!
哈哈, 之前咁o岩同朋友講開, 即刻search番呢個"絕代商驕"超經典"扮公室四大絕學"o黎睇…幾年後睇番依然咁好笑, 仲要充滿智慧! 咩"hea做,虛應,假度,陪笑"...仲有"頭七尾七"…印尼report vs印尼resort…笑死! 如果可以靈活運用, 在吹水唔抹嘴的職場上包保無往而不利...wahahaha! 子華真係好有計…好少可以有d劇輕鬆搞笑得o黎仲有咁多大智慧…真係幾時睇番都咁警世!
呢套劇簡直係辦公室智慧天書...要得閒重溫吓先學到嘢…:p
posted by 芒姐 at 11:53 下午
12 Comments:
噢,明天就係質素相當平均,又少有地有人咁多新聞既港姐決賽,提提芒姐要睇同comment,
好多選美blog既comment都各自各精彩,真係好似個個都有機會,咩賽果都有可能(都係近幾屆賽果既特色)...
同埋話有新賽制,8強先有泳衣問答...即係有d佳麗可能全晚都唔需要真人發聲
東東既歌真係果期既特別好聽同入腦,個人推介仲有水瓶座同一萬年
近期2套劇都麻麻,laughing可以再睇下既,但都overlap左之前套團圓個徐子珊,又有一星期六晚都見到既MC Jin (連埋功夫新星),chok華又做得有少少誇,係松哥好睇d!!!
紫禁冇乜睇過,卡士唔吸引同埋overlap都係一大原因
我反而覺得"真相"既大結局麻麻地, 因為配角阮兆祥既感情戲居然仲多過男女主角陳展鵬、楊怡、黃浩然既三角戀戲份，搞到好突兀。
"真相"其中一集有一場講陳展鵬扮飛仔，去搵"0靚妹"李綺雯，企圖問佢拿料，成場戲得佢兩個，0個幾分鐘直情好似睇緊亞視咁!
wow...Al佛!!! 好耐無見到呢個名...你去咗邊呢? haha!
其實可能係想留伏線去拍續集...所以都費事揀住喇...分分鐘下一集換女主角添呀!
哈哈...多謝提醒! 港姐雖然一年比一年唔吸引, 不過作為電視精同埋前港姐fan屎, 我點都會支持吓o既...密切留意! hoho!
東東o個期仲有"猜猜猜", "心有獨鍾", "愛妳躲妳"我都勁鍾意...佢o個期d歌真係好得!
見到芒姐你提《心理遊戲》忍不住要留言講幾句，當年睇陳小東個mv時吾等(當年的少女)當年睇到嘩嘩聲，跟住一齊讚搶女友個男仔型好多…典知原來係個女仔既阿哥…哈哈…
《結他》都係陳小東名曲之一，聽親都有聞歌起舞的感覺…哈哈哈哈
《真相》個結局真係幾突兀，突然變咗偉大律師條感情線做主導，keith等三人條線就完全唔見咗，可能真係舖路出續集掛。同埋呢馬明單case好虎頭蛇尾，完全無壓軸的緊張感，如果擺《殺警》做結尾會仲好…
Domotoiceko,
哈哈...貢我當年又覺得東東型好多喎...同埋陳展鵬無一忽似個姐姐個阿哥...不過成個story好好笑!
唐詩詠死o個part都好慘啊!
之前講過唔鍾意陳展鵬,不過今次真相,身邊人的都讚他做得好,咁比起某D TBB 1線小生,演技真係幾好,有進步gei!
佢係ATV時不少劇都係佢做主角,所以先至唔睇,仲要同小雪唱主題曲添!
但結局無端端加個陳芷青,即刻差左好多,好無謂law!
樓上AI佛咁講,我又真係冇留意喎!只係現在睇緊李綺雯,都做呢D港女,飛女角色,好唔鍾意law
現在靚的有身材的,又想出名的都唔去選港姐啦,做o靚模肯脫就紅,錢又賺得快和多!
笑哈哈
之前羅樂林事件,有傳媒講返原因,原來是TVB某年開始減BUDGET CUT了某個部門,所以沒有人審D劇,便開始了同一時期的劇都是有相同人主演,所以現在睇TVB劇都覺得好亂好厭,更加覺得TVB冇人!
你看以前馬海倫專做惡女人呢D小角色,好少劇有佢ga,家陣齣齣劇都有佢,仲改行做賢妻良母!
戴耀明又係,之前都冇咁多劇,近兩年勁多,雖然戲份不多,但好搶!
呢個唔同你話之前陳總D"男朋友",個個同佢熟,就晚晚都出現咁滯
笑哈哈
係啦...呢排D演員OVERLAP到呢...仲要係連主角都勁OVERLAP喎!
“真相又有馬明同唐詩詠一齊,actually,
I like Kenneth pair with Natalie
唐詩詠同馬國明o個段幾好睇, 大c死o個段真係睇到人個心都la住晒! 同埋最後講馬明o既報應係失去咗身邊最愛o既人然後一世內疚都好警世! 仲有就係帶出人在江湖, 身不由己, 千祈唔好行錯第一步呢個message亦都好入腦! 同埋做殺唐詩詠個兇手o個個演員都做得好好囉我覺得!
agree with you !
馬國明 last scene with amazing acting, he try hard and improve a lot .
至於"紫禁驚雷 is not my cup of tea,
horrible storyline,bad script ,
Steve Ma is the leading male actor,
plain dull acting skill.
發佈留言
<< Home