6-18(sat) 林子祥Vintage Lamusic Concert 2011
嘩! 第一次去睇林子祥演唱會…完全無expect可以咁好睇…連encore都可以有高潮位…真係薑愈老愈辣!
雖然我唔太屬於佢個年代, 但原來佢d歌真係首首都耳熟能詳...仲要係超級好好好聽! d慢歌勁冧, d快歌又真係令人勁興奮...好驚喜! 成個演唱會完全無花巧嘢...齋唱已經好掂! 睇完之後成晚俾佢d歌螢繞住我腦海!
佢啲慢歌固之然得…"千憶個夜晚", "最愛是誰", "似夢迷離"…好多好多隻都好好聽…但啲快歌仲掂, 好有感染力, 簡直想彈起身一齊跳，真係好驚喜囉!
呢兩首我都好鍾意...簡直聽到人想聞歌起舞...yay!!!
(成吉思汗+海市蜃樓)
同埋佢真係好中氣十足囉….六十幾歲人, 唱足三個鐘都完全無甩一粒音, even我哋呢代最唱得的eason都做唔到…直頭係驚為天人…同埋我真係無諗過會咁好睇, 就算我唔太屬於o個個年代都唔覺悶!
呢首我又係好鍾意…返到屋企要即係摷番晒阿lam啲歌出o黎聽!
(千億個夜晚)
posted by 芒姐 at 11:32 下午
9 Comments:
八十年代嘅樂壇個個歌手都聲色藝俱全, 無論係香港,日本, 抑或係歐美,經濟蓬勃,歌舞升平,個時最鍾意哥哥,聽歌次選係阿Lam,依家上Youtube睇返先知道阿Lam,阿Sam改編咗咁多英文歌.都係個句回憶總是美好嘅. 阿Lam嘅"結伴同航","海誓山盟","誰能明白我","花街70號","活色生香","在水中央", "故園風雪後","追憶","投降吧","邁步向前"全部都正到痹.
嘩,不得不提,深夜重播時段(12:15)變左鄧萃雯時間,
《師奶兵團》6/30做完之後7/1做《金枝慾孽》,好似好幾年前傳過會重播但撻左Q之後而家係第一次響tbb重播,希望今次唔會詐糊,暑假深夜係最好既追劇時間,7/4晏晝又出《尋秦記》
另外因乜解究《潛行狙擊》咁趕住播,預計7月拍完8月1就出街?(係9:30時段《真相》之後)
(資料來源:維基百科)
Oh,剛岩又搵到呢樣野,是甚麼?有冇電視迷解答到?
第十五屆香港國際影視展被無綫電視推介的六部重頭劇集《潛行狙擊》、《法證先鋒3》、《飛虎》、《萬凰之王》、《回到三國》、《心戰》,唔通6套劇要輪住出?所以咁快出第1套?
《天與地》不在呢6部之列?
其實幾年前eason同阿lam個拉闊
兩個人放埋一齊, 完全係高下立見囉
我係陳醫生超級粉絲都係甘話
阿lam真係, 好.鬼.勁.!
芒姐，我都有相同感受呀。上年(!?)我陪媽咪去睇阿lam既十分十二吋演唱會，初時都驚唔知會唔會悶，怕唔識佢d歌。不過結果整晚d歌我都識囉，好同意佢d歌真係好耳熟能詳，果然係經典金曲呀。佢呢d演唱會真係聽佢唱歌，質素好高!
我好驚d歌手唱live因為唔夠氣，無啦啦在一d應用拖長唱既地方停頓，而格硬在最後果粒音到拖返長，首歌走哂樣，例如楊千嬅在最近演唱會唱"愛人"，真係聽到好驚。(希望不要得罪千嬅fans，我都buy佢的，屋企都有齊佢由"狼來了"到"make up"(?!)既cd，不過佢唱live真係...雖然已進步了很多)
芒姐，我認為你可以睇睇呢篇專訪：
明報周刊 第2224期 結束與無綫賓主情 廖碧兒首認愛過陳豪「〇八年已經分手」
http://www.ihktv.com/mingpaoweekly-2224-bernice.html
受害者係咪真係受害者，拜金女係咪真係拜金女
我當年都係因為eason先會買咗佢同阿lam隻拉闊o黎聽...點知一聽真係高下立見, 仲驚覺原來阿lam d歌咁好聽同埋原來我都識唔少...真係耳熟能詳o個批喎!
真係完全估唔到會咁好睇!
哈哈...咁我又真係唔知點解咁趕住播喎! 但係播完一套律師戲"怒火街頭"接住又播"真相"呢個安排都有D怪!
oh,多謝你篇廖碧兒專訪...其實自從佢上次o係蘋果篇專訪我已經覺得佢未必係講大話, 因為大家都係女人, 我有d明白佢講咩! 不過佢形象差真係無辦法...從來都話睇娛樂新聞唔需要去考究真相, 因為真相無人會知...娛樂圈最講形象, 佢形象差, 同記者關係差係好蝕底的...一沉百踩嘛!
發佈留言
<< Home