2011年7月11日星期一

7-11(mon) 真相

不經不覺套”真相"都做咗一半咁滯…其實都算幾好睇! 兩個男主角又吸引過個女主角喎! 以前好鍾意楊怡, 但自從佢成個look變咗之後就有d怪, 仲要唔知點解會變埋痴脷筋同埋d鄉音出晒o黎…變咗第二個人一樣…點解會咁?

至於兩位男主角, 唔知點解我成日覺得黃浩然同陳展鵬個style有d似! 仲要兩個都有一期去過亞視添!

陳展鵬第一次o係無綫擔正, 都做得唔錯呀! 佢個樣就亦正亦邪, 黃浩然就中d, 靚仔d嗰隻…各有market! 同埋陳展鵬比起當年 (98/99年) 做寶麗金歌手唱佢隻首本名曲"迷你"時 (唔知大家有無聽過? 但當年我去k都有唱過幾次…佢o個時一轉做歌星都有幾多妹妹仔fan屎o架喎, 唔知點解後勁咁不繼?) 感覺成熟咗好多…吸引好多! 男人都係成熟d比起d花o靚仔更有吸引力! 不過點解tbb忽然間會捧佢做主角呢? 同埋唔知仲有無人記得佢十九幾年前有份做松松姐姐主演o個套 "水餃皇后"呢?! 哈哈!

至於套"團圓"已經進入結局篇…又真係好睇咗喎! 郭晉安真係做得ok型, 同埋佢對徐子珊o個段感情都寫得幾好, 佢哋亦做得唔錯…之後佢兩個係咪真係會o係埋一齊呢?! 仲有ming sir…雖然個角色好乞人憎, 但又係做得幾好…有d令人諗番起"今生無悔"程朗個爸爸添呀!

嘩, 原來呢套戲係2010年頭拍, 拍咗成年幾先播, 唔怪得知個feel咁倉底…

Oh, 呢個禮拜d娛樂新聞依舊係鋒芝變同埋楊思琦+李泳豪九年情變暨三角戀…哎! 愈搞愈肉酸…我相信兩邊講o既嘢都會有幾成真, 因為正如我成日講, 每件事都從來唔會只係得一方啱/錯晒o架啦! 但互揭"蒼巴"只會令雙方形象進一步跌入谷底…咁又何必呢?!

不過鼎爺依舊好多金句…笑死我!

"鼎爺則力撐兒子,否認永豪搞生日會有人放料,他說:「我不講大話,不是幫個仔,個仔與她一起好與壞都不出聲,個仔不識講這些。(有否叫泳豪對思琦死心?)對這個女人死心,不是叫他對女人死心,既成事實,我有叫他放開一點,這幾日我亦陪著他、安慰他。」思琦說鼎爺知道她搬走?鼎爺說:「知個死人頭,她住在施明家,我點知她搬走,3、4月時她才來我家玩狗。」

問鼎爺可認識Andy?他說不認識,相信泳豪也不知道有Andy這個人存在,知道一定會詐型,他們一家人對她沒有戒心,但不要屈得就屈,鼎爺說:「我有練神打,但無通天眼。」"



仲有呢個"而我不知道陳偉霆是誰"mv…唔知大家有無睇過呢? 原來真係o係google search一打個"而"字, 已經會彈埋"我不知道陳偉霆是誰"出嚟…真係好抵死!

7 Comments:

Anonymous 匿名 said...

睇到今日集《真相》,終於被安排響《怒火》之後呢個舖排搞到超混亂
今日真相果集入面個香港先生出場,我以為係上一套《怒火》夾埋幾個o靚仔打死澤鋒果個角色,造型咁似都有既...

1:52 上午  
Blogger b. said...

楊怡又真係做咩無啦啦攪個鼻 其實個個都整 不過都唔好一次過整得咁明顯....
不過楊怡今次係"真相"講對白唔清係情有可願 睇新聞話 佢拍"真相"時感冒菌導致個臉部神經"梗"哂 都幾陰公
TVB應該要俾佢抖下啦 感覺佢真係冇停過!

2:14 下午  
Anonymous ++ said...

陳偉霆究竟發生過咩事?我對佢以往真係唔了解,點解佢會到咗個個針對佢、全民嘲笑佢的地步呢?

9:09 下午  
Anonymous MOEE said...

楊怡向來都有少少痴脷筋(不嚴重的),拍完之後已經現晒形。正如古天樂先生,其實都有少少。

呢套戲楊怡表現唔錯。不過始終都係襯托兩大男主角多D。楊怡很多部戲已經出左街,居然去到呢部先至稍微順眼。之前魚躍在花見、點解阿sir係阿sir,猶如隱形,十分淒慘。

真相真係好好睇,晚晚追。希望收視可以創新高,展鵬係時候升做一線。

12:35 上午  
Anonymous MOEE said...

補充:拍完賭場風雲之後已經現晒形

12:36 上午  
Blogger 芒姐 said...

真相其實好好睇...楊怡表現係ok, 但"痴脷筋"同鄉音忽然間嚴重咗好多, 唔知點解?!

個樣我真係prefer以前清純o既佢!

12:17 下午  
Blogger 芒姐 said...

陳偉霆...哈哈, 我都唔知...係咪因為佢成日自命舞王?!

12:18 下午  

發佈留言

Links to this post:

建立連結

<< Home