2011年7月16日星期六

7-16(sat) 2011香港先生選舉+我的字典裡沒有放棄, 因為你鎖定你~~~

又係一年一度o既香港先生選舉大日子…但係做到第七屆, 真係愈o黎愈雞肋…食之無味, 棄之可惜! 你問番我之前兩年邊個贏咗…我都係要好勉強先答得出! 仲要咁多屆o既香港先生都無咩邊個紅到, 咁你搵鬼參加咩?

睇番原來我舊年無寫到香港先生添呀…證明呢個節目o既吸引力真係愈o黎愈低, 呢d話題性o既嘢真係頭幾年先會引起好大迴響, 但睇多幾年又會不外如是…仲要質素一年比一年低, 同埋男人谷胸show body真係笑料多過真心欣賞囉…男性永遠都係有才華吸引過有body o既…hoho! 新鮮感不再o既時候…tbb應該諗吓呢個節目係時候接埋喇…

今年無咗鐵腳伍姑娘…無咗佢搞氣氛, 又係再失色咗…d人騎呢又唔夠騎呢, 靚仔又唔夠靚仔, 真係好難搞…同埋我唔明點解每個都要幫佢哋整d假紋身囉? 好肉酸!

tvb香港先生@芒姐再現:

2009香港先生選舉

2008香港先生選舉

2008香港先生選舉

2007香港先生選舉

2006香港先生

2005香港先生

呢段真係笑咗...原來呢首歌呢期好紅...點解劉家昌要咁樣整古佢個仔?! 定係佢哋諗住正正常常紅唔起, 要搵呢個方法出吓位? 咁佢又真係成功喎, 呢期真係熱爆網絡!



高登紅人劉子千(劉家昌個仔)最近推出新碟《感動》,宣傳鋪天蓋地,佢首俾人質疑由父親代唱嘅四洲廣告歌「腫果蝸跌挨而牙~(中國我的愛)」蠶食廣告時段無限 loop,已令人「震憤」,點知千千轉個頭又有給力新作,推出冧女情歌《唸你》,仲請埋寶島索女鬼鬼拍 MV。不過首歌俾網民笑為「生化武器」,睇埋 MV仲以為坐時光機返咗 70年代!



(我的字典裡沒有放棄, 因為你鎖定你~~~)

仲有呢段又係好得…d名改得好正囉! 都話蘋果d娛聞真係寫得精彩過單娛樂新聞本身...:P


"重口味娛樂:鼎李
豪琦鬧劇連日上演,孭重飛嘅狠琦、頹豪、唔帥、癡漢、鬼眼兩幫人互數,惟獨鼎爺喪插思琦粗口橫飛,越鬧越開心,反而有 fans支持。鼎爺霸氣非一天儲滿,由佢當初做龍虎武師,至娶施明生孖仔,到騎馬贏國際獎項,威水史的確一籮籮,唔怪得講句「黐 X線」都大聲過人。 撰文:辰秀"


呢幅"鄧梓峰幫李家鼎梳頭"都係好得...笑咗!


Last but not least…"李克勤.香港小交響樂團演奏廳2011"真係好好睇…好耐未如此震撼過…下期先講! 但真係好想睇多一場囉!

5 Comments:

Anonymous MOEE said...

芒姐好啊。

終於都播晒啦,中段稍微好睇少少,但係劇情、人物性格好牽強,兼冇高潮位。就算有郭晉安、銘sir都於事無補。

陳錦鴻同吳卓羲D演技每況愈下。個個都玩萬子上身......LOL

到而家都仲係好好睇。王心慰今年兩部戲同都好睇。

5:54 下午  
Anonymous MOEE said...

芒姐好啊。

終於都播晒啦,中段稍微好睇少少,前段
同後段都好難睇。劇情、人物性格好牽強,兼冇
高潮位。就算有郭晉安、銘sir都於事無補。

陳錦鴻同吳卓羲D演技每況愈下。個個都玩萬子上身......LOL

到而家都仲係好好睇。
陳展鵬表現唔錯,證明tvb需要新面孔擔正。
王心慰今年兩部戲同都好睇。
同埋呢部,都好睇。

(芒姐,唔知點解先前既comment會食字,希
望呢篇唔會。)

5:59 下午  
Anonymous 匿名 said...

真相真係好好睇
勝在夠寫實同大膽!
同埋裡面d人好順眼

今年tvb d戲質素好左

12:27 上午  
Blogger 芒姐 said...

團圓都尚可以接受o既...係老套咗d囉!

真相我仲有好多集未追得番添!

5:46 下午  
Blogger Centaur Wanderer said...

王祖藍"唸你"的惡搞版
http://youtu.be/pIehQfhHXRk

10:05 下午  

發佈留言

Links to this post:

建立連結

<< Home