7-30(sat) 林峰Light Up My Live演唱會2011
林峰Light Up My LIVE(?!)演唱會…我當然都係有睇o既…不過好坦白講, 我都覺得開得太密, 有d嘢係要留一留, 唔可以谷得太盡…tbb同英皇成日走呢個"愛你變成害你"路線真係唔係咁得! 而我就覺得呢…成個演唱會呢個"chok"theme就最得...懂得自嘲的人係最高境界…讚好!
同埋我始終係最鍾意8,9年前做"再生緣"同埋"律政新人王"o既林峯...到佢變咗萬人迷之後, 熱情已經減退咗d…今次演唱會佢主力唱新歌, 對我o黎講梗係更加難投入! 同埋我希望英皇同tbb如果係想幫佢, 唔好再連續第四年開演唱會…見好就收的道理, 佢哋無理由唔明!
(嘩! 都真係練得幾大隻吓~~~:p)
Oh…我o個晚o既嘉賓居然係laughing+金剛+古巨基...對於我本人o黎講, 金剛已經算係最吸引o個個…點解我o個晚唔係summer pop的鐵腳草蜢+老鼠安呢? 實在差太遠! 到第三晚又有草蜢同菊姐…真係激死人! 同埋草蜢太無緣份!
回顧回顧:
2009.6.18: “峯．情無限演唱會~~~let’s get wet~~~”
2010.8.4: “come 2 me瑞士依波路表浪漫呈獻林峯演唱會~~~”
2009.11.15: “我和林峯有個約會”…:p”...
(嘩哈哈哈哈…星光大道的新成員…好cute呀!)
"真相"話咁快又做完咗, 我仲未追到最後一個禮拜…不過陳展鵬真係型咗一個! 都話男女真係永遠都唔公平, 男人永遠都係愈老愈型, 佢當年o係無綫做d死o靚仔角色時真係一d都唔討好, 到佢去咗亞視年代差不多30歲先型咗d, 不過亞視永遠都無人睇, 紅都紅唔起! 依家佢終於有運行喇! 黃浩然有勁敵!
新o個套"潛行狙擊"都幾吸引吓, d人腳亦都好似唔錯…有d期待!
至於"紫禁驚雷"…呢d style一向都唔係我杯茶, 一集都無睇過添!
啱啱睇到節目表原來亞視又重播"我和殭屍有個約會", 已經係第二千九百次喇…不過今次我miss晒添!
posted by 芒姐 at 12:48 上午
7 Comments:
原來你睇第二場，尋晚尾場感動死，佢真係好努力專業，成手血都照唱照跳。
希望兩間公司唔好摧殘一個人才...
我始終係最鍾意8,9年前做"再生緣"同埋"律政新人王"o既林峯...到佢變咗萬人迷之後, 熱情已經減退咗d
十萬個同意呀!!雖然佢果時個樣無e家咁"完美"啦,
哈哈。果時既佢個feel真係十分討好!d角色又好得人中意wo!
我同你睇同一場喎...無草蜢，我都勁失望！點解會係古怪基同佢兩個架？！我想睇草蜢！！同埋D新歌真係唔多識，都係舊歌好聽D
我都係差不多同一時期喜歡上林峯，不過熱情冇減退到，反而越來越鍾意。一個用心、努力、敬業的藝人，值得我去支持，而且佢的確有潛質同有實力。我同十年前一樣，一樣咁睇好佢，我信我眼光。
我諗佢只會越來越紅，預計到時一定又有人講：我都係鍾意以前既佢，不過與此同時，又多咗好多新人支持佢咁解啫。好正常的現象。
btw，第三場係最好睇。新歌我覺得都好好聽，不過舊歌有情意結，而且耳熟能詳些。
哈哈, 仲有美味情緣入面嘅蝦頭呀!(有冇記錯個名呢?) 雖然果時佢個鼻好扁 :P 但好青春活潑!
唔該芒姐幫我delete之前兩個comments。
純粹留言讚好潛行狙擊呢部劇。點知兩條comments都被食字。
我第2,3場都有睇.我上年睇一埸,今年睇兩場係特別想支持吓佢.見佢成手連褲都係血真係全場O哂咀.而雖然預咗佢會响今次演唱會講出近呢幾個月嘅心底話,不過都俾佢一番話感動.佢真係好努力想做自己鍾意做嘅事.不過我都同意佢近年越來越唔"大眾化"...D人一係勁鍾意佢,一係勁唔妥佢.同埋電台好似唔多播佢D歌. 尾場佢居然唱"講不出聲".OH ALFRED.菊姐一提管家仔,我就有感而發.好MISS當時嘅林峯, in all aspects.
溫哥華匿名人
發佈留言
<< Home