8-22(mon) 潛行狙擊
”潛行狙擊”又去到尾聲…呢套都算幾好睇, 幾緊湊! Laughing哥真係好chok, 法拉就愈o黎愈有大將之風! 仲有, 江美儀d戲又係幾得! 同埋估唔到阿”回鄉靖”mc jin除咗rap同做主持之外, d戲都唔錯喎! 但阿超級巨聲陳康健就真係呢…估唔到除咗我留意到佢之外, 同d friend講起大家都有留意佢, 因為真係做得顯著地hea…好似睇緊d中學話劇咁, 仲要講對白同埋反應都顯著係慢幾拍...真係得啖笑…俾佢唱番歌吧啦~~~
yay! 又有"超級巨聲"睇...最緊要係又有趙增熹睇...正! 簡直係賣飛佛prg呀! 但係九點o個個”變身男女chok chok chok”節目真係有d悶…快d完咗佢吧啦!
呢期d娛樂新聞又好鬼精彩, 精彩in the sense係令你O晒嘴! 之前就柏芝同霆鋒 (呢單已經勁悶, 唔該慳番d版位唔好再報導喇), 思琦姐同李泳豪…呢個禮拜就何超雲同陳山聰(葱), 廖碧兒vs陳豪vs林忠豪, 最新就有傅穎同羅仲謙! 真係鑊鑊新鮮鑊鑊甘…今年年尾選十大娛聞真係好頭痕!
最新近爆出o個單theresa+巨胸謙…真係兩個都唔抵幫! 之前d報導明明話佢哋舊年已經分開咗, 點知原來仲藕斷絲連咗成年! 哎…你明知佢一腳踏幾船呢d係有舖癮o架嘛…邊有得改o架?! 而個吃了花的傅穎就一日自爆去博宣傳, 又係肉酸…果然係臭味相投!
廖碧兒o個單就更加峰迴路轉…估佢唔到! 明明舊年十二月話一齊左, 跟住又講到俾個肥仔飛埋又雙失又咩咁…依家無啦啦又話原來一直都未追到手, 仲要扮晒”癡心情場劍”話要全心全意去追求佢…真係O晒嘴! 呢期啲娛聞真係無奇不有!
不過其實無論事情真相係點, 廖碧兒起碼攞番個彩! 因為佢呢一年真係被一沉百踩到過街老鼠咁! 雖然我一直都好buy陳豪, 但我成日都覺得世事永遠不會只是一面倒, 一隻手掌從來都拍唔響…況且感情邊有對或錯, 成件事係點亦根本無人知! 不過初時我o既睇法都係同普羅大眾一樣…但經過呢大半年睇咗唔同o既報導, 睇睇吓又發覺事情未必完全係咁…所以我反而覺得廖碧兒有啲慘! 不過佢對手係陳豪就無得好講啦…佢人緣+觀眾緣太好…傳媒一面倒企o係佢o個邊, 就自然會寫衰同記者關係唔好o既廖碧兒…寫多幾日咩形象都蕩然無存啦!
所以同之前”奪面雙琪”事件一樣, 梁詠琪最錯唔係去奪麵 (provided that佢真係第三者的話…因為後來幾個parties都話事實係鄭伊健已經同邵美琪分咗手一段時間, 只係無公開…咁呢樣無人知啦吓)…而係佢人緣差, 得罪晒d記者, 所以一有事發生大家都一致寫衰佢! 所以我成日都話, 無論你做邊行, 人緣係最緊要, 實力都係其次!
而於”雲山戀”…真係呢…賭王死都俾佢激番生…哈哈!
不過larp左啲雜誌封面, 真心覺得阿陳山聰好嘢囉! 呢d真係”有志者事竟成”的最佳例證…唔係笑佢, 我係真心覺得佢有計, 賭王個女都媾得掂…有吉士, 我為你鼓掌! 同埋係真心威囉…揮低哂啲有錢仔, 連後生靚仔過佢嘅周柏豪都輸俾佢! 所以d人笑佢, 我話笑咩呀…你追到先算啦! 哈哈!
同埋阿山窿應該真係好識冧女, oh…唔止女, 應讓係人…連賭王都冧得掂, 應該真的不是省油的燈! d人話佢追到超雲都未必入到宮啦…我諗佢唔係真係諗住可以入宮呀嘛? 超雲得o個廿歲出頭, 有排玩啦! 不過就算入唔到宮, 佢去到呢個階段玩到咁大都算超額完成啦! 吓嘩?
呢個時候, 當然要聽吓”豪情哥哥”唱”abcd我話你知”啦…hoho…
posted by 芒姐 at 12:16 上午
11 Comments:
潛行狙擊有30集wo, 現在先到一半
點解叫"豪情哥哥"?
BTW, 我之前一直都分唔清拖鞋聰同高皓正, 兩個彷彿一樣樣!
唔好意思, 頭先未睇個MV, 而家睇左就明點解叫"豪情哥哥"喇! ^^
我都係buy陳豪，但同時都認同你講－－唔會係一面倒既！所以由始至終我都唔覺得廖碧兒一定就係衰人。當中故事係點真係佢兩個先知，所以我一直鄧廖碧兒慘。
我以前都幾鍾意陳山蔥架，覺得佢靚仔，係慘無乜機會發揮。但自從見到報導話佢係微博度寸周柏豪著衰ｄ名牌子之後，就即刻覺得佢好唔得，好心啦……三十幾歲的男人居然講埋晒ｄ咁無聊既野，真係好小家！不過佢有計就真係無可否認。
茵
呢排TVB播D劇集質素真係好左D,我個人勁憎睇TVB爭產劇的,上齣"真相"都幾好,但太煽情了,我
呢D燥底人好易被牽動到D情緒.
謝天華真係型左,我喜歡的陳法拉演技都好左,睇laughing哥追陳法拉D劇情,好似睇愛情劇咁,睇得
幾開心~江美儀叫破喉嚨演,好戲! 相反,喜愛的劉松仁個髮型顯得冇咁型,同唔係好突出, 有陳法拉
和劉松仁,即刻想起"原來愛上賊",劉松仁型到迷死我 XD
mc jin第1次做戲, d戲都真係唔錯,尤其是比起阿超級巨聲陳康健,好同意你講,"HEA住呢做"<--最
佳形容,超級巨聲大細孖係TVB實有前途,事關TVB都冇孖仔/孖女,不過個樣斯文左,做黑社會冇咁
似,狄易達咁細個,最學生哥都似,但班CIB學員,個個都太斯文,完全唔似警察啦,黃智雯呢齣做得好差
"超級巨聲"出到3,已經唔想睇啦,雖然又有趙增熹,森美同田蕊妮,為左佢地,有時間就睇少少啦...
笑哈哈
呢排咁多演員的感情新聞,真係冇乜興趣睇,但係聽到咪講下law:
1. 首先我講明,勁唔鍾意陳豪,D戲好鬼屎,&我幾鍾意廖碧兒的; 其實我覺得係因為陳豪係TVB紅嘛,而廖碧兒係咪之前唔同TVB續約(定TVB唔同佢續約),冇乜係TVB見到佢,陳豪純粹係佢笑瞇瞇D人覺得佢真D,bernice假D咋?
2. 算啦,人地羅頌謙終於上到位,叫做睇TVB的人會識佢,theresa除左書展出來出所謂的"書"都冇乜代表作啦,OUT晒啦,真係覺得咪又係theresa博宣傳
3.陳山聰,算啦,經過呢次,由對佢冇乜野都變成勁憎佢,報紙話佢同老婆離婚為左追何小姐,簡直賤男一名!
4.張柏芝同謝霆鋒,兩個都係我勁憎,所以完全冇興趣理,反正張柏芝個背景,大家又唔係唔知,我只係覺得小朋友好無辜,因為父母冇得揀
笑哈哈
係喎...原來潛行狙擊有成30集, 仲有十集先完! 好嘢, 仲有得睇!
哈哈...咁高皓正同陳山聰又的確有d似
"超級巨聲3"的參賽者水準好唔得吓...今輯so far仲係幾悶!
超級巨聲大細孖的鄉音極其嚴重，比柯佬黎和木偶鼻有過之而無不及，大陸氣息強得可怕，不BUY！
發佈留言
<< Home