9-15(thurs) 林峯@lam fung street
”潛行狙擊”終於都大結局咗…到呢幾日先有時間睇番! 結局篇我又反而覺得無之前咁好睇, 最後仲要d主角幾乎死晒又係慘絕人寰咗d…雖然咁樣o既結局係會令人印象深刻好多! Madam jo死得會唔會有少少無謂? 係要令大家記得一個淒美的結局? 有遺憾先會深刻? 咁佢個咩電影版甚至續集可以點搞呢?
雖然無一開始咁好睇, 但都算係今年比較可觀的劇集…又臨近台慶, 都應該有d機會攞獎o既!
接佢o個套"不速之約"雖然d人我ok, 但套劇其實我唔係好知佢講咩! 反而再下個禮拜上的"福祿壽"我就幾有興趣! 雖然福祿壽應該係做綜藝節目好睇d, 但係呢套都應該可以睇吓o既…佢套電影都出奇地比我想像中好笑好多, 所以都應該ok!
嘩…d網友真係好眼利…林峯@臨豐街…:p
我諗我有十年無睇過商台d拉闊音樂會…前幾日去咗睇"阿LAM X HACKEN拉闊音樂會"...一次過滿足晒兩個願望...呢個組合真係超正囉!!!!
阿lam真係好勁! 六十幾歲依然中氣十足，佢唱"30624700~~~"係好似不費吹灰之力咁, 克勤咁好氣面對佢都明顯有啲吃力, 把聲仲俾阿lam蓋過左…我第一次見克勤係唱唔過個對手囉! 不過呢個組合真係喪正！多謝晒攞飛請我睇的朋友!
posted by 芒姐 at 12:19 上午
12 Comments:
不速之約係講啲人點面對生命!?
幾覺得"不速之約"係重拍"飛越十八層"
"講人點面對生命..."
我估無咁宏大的message
潘嘉德話係講人善惡,是否環境造成定係心魔(自己心中惡念)做成.我信今次佢地係有心拍D"sophisticated"少少嘅劇.我不嬲都好BUY潘嘉德! 此劇應該係誠意之作.希望觀眾會支持啦.
個人極度唔鍾意福祿壽.開始時OK好笑但而家覺得佢地無處不在好煩同埋有D過咗火位.個人意見.
溫哥華匿名人
好多帶動到話題既劇而家都擺9:30,林峰之後就係台慶劇法證3
其實係咪香港人既生活習慣越黎越夜呢?
而家連8:30既劇都唔係日日追到(不論好睇唔好睇),
8點既無煙火都係靠夜晚12點幾高清台睇返,黎緊既福祿壽,同埋再之後既萬鳳之王都擺8:30,冇咁易追,myTV收視又會高d...
咁既陣容,今年既台慶劇都幾包羅萬有,搞笑,爭鬥,查案都有
係呀，晚晚都要開OT，返到屋企已經9點幾，有時一個唔該唔好彩連930套劇都睇唔到, 真係好慘！
細個時930已經播EYT，「日頭猛做，到依家輕鬆下」，可憐我依家930仲OT緊！
http://bbs.ent.163.com/bbs/tvb/231015703.html
mud 律政署 可以上訴 gei mei?
RE: 其實係咪香港人既生活習慣越黎越夜呢?
其實10年多前,第一檔劇好似仍然係晚上7點播唔知從幾時開始D劇TUN後,而處景劇就調前.
溫哥華匿名人
哈哈...你哋講得啱...睇睇吓原來"不速之約"真係幾有深度o個隻...估佢唔到喎!
oh, 潘嘉德我都好buy的...…我最喜愛的"刑偵", "浪族闊少爺"同"再生緣"...hohoho!
嘩! 7點幾做第一線劇真係those were the days...九十年代都仲有呢支歌仔唱o既...haha!
律政司當然可以上訴啦...佢都係訴訟的一個party o黎o架嘛! haha!
發佈留言
<< Home