2011年10月8日星期六

10-8(sat) 流金歲月(電影版)

嘩! 期待已久…終於o係戲院睇咗80年代電影"流金歲月"復刻版...估唔到有機會o係戲院睇番80年代o既電影, 感覺好得意, 同埋真係好八十年代囉! 亦都真係好typical楊凡d電影, 拍得好唯美, d景好靚, d人好靚, 每個scene都要好靚咁…即係o個d海邊慢步呀, 白色帳幕飛飛吓, 間屋怖置得一絲不苟咁囉!

當然, 最靚係d人…1988年鍾楚紅同張曼玉應該已經好紅, 佢兩個真係好得, 好有魅力, 無論演o靚妹定成熟女子都好吸引! 我都諗唔到現今有邊d女星可以有呢種charisma?!

套戲一開始佢哋要扮17歲o既中學生, 又真係演到o個種fresh喎, 好犀利! 仲有個造型, 真係一百個得! 佢兩個個樣真係無比清純, d皮膚又好好…唔似得依家o個d女藝人d粉幾尺厚, 又假眼睫毛又大眼仔, 跟住仲要個個整/化到一樣樣! 太人工…完全睇唔到個真樣!

跟住講佢哋經過歲月洗禮 (其實都只不過係10年咁大吧…到結尾時佢哋要好似飽歷滄桑, 又望住d o靚仔o係海灘上跑, 然後好感慨咁話佢哋即將步入老女人階段…但其實當時佢哋只得27歲!!!!! So very funny囉! 依家d人27歲仲係一舊飯咁…80年代的老女人benchmark會唔會set得低得滯? haha!), 打扮好成熟…又有另一種韻味! D衫都好靚囉…同埋好有80年代色彩 (大shoulder pad…hoho!)…係我最鍾意的八十年代…好正!



紅姑同曼玉兩個都有一種莫名的吸引力, 嘩…一套戲有齊兩個, 真係好目不暇給! 但若果你要我夾硬揀一個, 我都會同劇中男主角家明一樣…buy紅姑再多一d, 因為佢個樣除咗靚之外仲好有性格, 好有韻味, 真係如佢所講一見難忘o個隻! 當然, maggie都好有個性! 點解80年代d女星可以咁脫俗? 仲要佢哋兩個依家到咗近50歲, 仲依然係咁靚咁有魅力…oh, 點解近期睇親d女星都係年過40反而仲吸引過以前…?! 好犀利!

仲有做家明的日本男子, 又都幾吸引喎! 原來叫鶴見辰吾…我覺得有d似”同一屋簷下”o既江口洋介! 頭先去search吓佢d資料, 原來老咗都仲幾型! 楊凡真係有眼光!

至於做暗戀 (sorry應該係明戀) 張曼玉的下屬o既鄧浩光, 亦都係選角選得好合適…佢當時個樣同埋個感覺都好青澀, 同埋真係有d鶴見辰吾個style…有一幕講佢o係office送禮物俾張曼玉, 曼玉幻想以為佢係家明…兩個個樣重疊又的確有d似!

真係幾好睇...拍得好唯美! 聽聞之後仲有一系到楊凡d舊電影會o係戲院上…有d期待!



1988版流金歲月電影簡介:

“香港唯美大導演楊凡的電影向來自成一格,著力於追尋藝術的更高境界。他的作品《美少年之戀》、《遊園驚夢》、《淚王子》等,俱是深獲國際影評讚譽的電影,令他成為少數矚目國際影壇的香港導演之一。《流金歲月》是楊凡於1988年拍攝的賣座電影,由當時炙手可熱的女星鍾楚紅及張曼玉擔綱;再加上日本型男鶴見辰吾聯袂演出。除了台前陣容強大,幕後亦有如今已成知名導演的馬楚成擔任攝影,全片由著名音樂人鍾定一配樂,更邀請得樂壇天后葉蒨文獻唱主題曲;令電影生色不少。今次以數碼修復,觀眾不但可再次欣賞鍾楚紅及張曼玉當年青春風采,還可一再細味她們的精彩演繹。此外,亦可從電影中回顧八十年代香港的繁華景象,同時一睹已拆卸的啟德機場風貌;見證香港發展的歷史痕跡,堪稱彌足珍貴。

兩個上海女孩子,同樣是十七歲的朱鎖鎖(鍾楚紅 飾)和蔣南孫(張曼玉 飾),是好同學兼摯友;一樣的標緻可人,但人生際遇卻不一樣。朱鎖鎖中途輟學,墮落風塵,憑著才智和相貌很快成為迷到不少富家公子的交際花;蔣南孫則順利完成學業,成為一個成功的設計師。在十七歲到二十七歲這段人生的黃金歲月中,她們飽歷人事滄桑,遍嚐了生活的各種滋味,兩人由少不更事蛻變為成熟世故。當中還有宋家明(鶴見辰吾 飾)的出現,三人幾番離合,撲朔迷離的戀情,令她們的友誼備受考驗。然而無論生活是苦是甜,她們總有法子活得各自精采。儘管飽受歲月的無情洗禮,由十七歲開始的真摯友情,始終埋藏心底,歷久常新。”



"不速之約"終於做完…結局篇呢個禮拜好睇過之前幾個禮拜好多…之前幾個禮拜悶到呢! 至於"荃加福祿壽探案"睇咗一個禮拜依舊胡鬧…真係幾唔掂, 好令人失望! 依家全晚三線最好睇係”誰家灶頭無煙火”囉!

仲有, 我想話陳山聰同伍詠薇o個單”truth or dare玩絕交”事件真係愈搞愈爆笑囉…:p

21 Comments:

Anonymous 匿名 said...

兩個都好靚好有魅力... 仲要有演技~

11:28 上午  
Anonymous 匿名 said...

"不速之約" 令人好忟憎.有好故事有好演員.但係...我好支持挖角潮! TVB的確需要競爭!

溫哥華匿名人

12:03 下午  
Anonymous 匿名 said...

真係3線劇最好睇係無煙火
其實有個問題,套劇初初唔係以陳智燊做主角既咩?
而家變左阿田同歐錦棠主角喎<--不過呢個轉變好好,佢地呢pair做主線好睇好多,同埋馬蹄露既演出都好帶動到個flow,又夠搞笑

法證3今晚出街,其實都唔係好睇得出咩認真製作,係咪肯跳出電視城拍真既外景已經係認真?

同埋呢期d人真係重覆得太緊要,徐子珊好似已經係半年內第3次(定第4次?)出現響830/930時段既劇,仲要造型差唔多,十分混淆,再比人挖一挖角,係咪會成年都見到佢地演出?連埋林峰,唱k,bosco果d真係一年見3,5,7次都有...

1:56 上午  
Anonymous 匿名 said...

RE: "係咪肯跳出電視城拍真既外景已經係認真?" 而家TVB的標準真係.唉.好懷念衝上雲霄,天涯俠醫個D外景.其實都只不過係幾年前嘅事.點解而家會搞成咁.

溫哥華匿名人

7:31 上午  
Anonymous 匿名 said...

re: 法證3

法醫、法證部同重案組裡面每個人都拎住部i-pad查案, 實在係太唔真實喇! 現實中有咩可能人人都有得用i-pad? 又唔係響蘋果打工! 可唔可以唔好將d贊助搞到咁肉酸?

12:56 下午  
Blogger Gov. said...

我唔中意楊凡... 睇完"美少年之戀"同"桃色"就更加唔中意佢,

12:36 上午  
Anonymous javaer said...

鶴見辰吾原來都係讀法律嫁!

11:17 下午  
Anonymous 匿名 said...

80年代個Benchmark真係同而家唔同.我前排睇個本當年勁hit小說"穿Kenzo的女人".裡面講到28歲未嫁好大件事.嘩,而家D人分分鐘25歲先讀完書.28歲,仲攬住隻毛公仔响屋企做Daddy's girl啦.

溫哥華匿名人

1:04 下午  
Anonymous 匿名 said...

剛剛發現崔健邦真係做助理編導,無煙火完場上既字幕有佢個名
套劇原來10月尾就完,唔怪得突然間個個d感情發展得咁快,近期到羅樂林搶鏡

黎緊又有慈善騷(仁愛堂),又再一次有冠名贊助,好似係六福,唔知會唔會又變成星光up dup耀保良一樣咁悶呢?
而家連慈善騷都唔好睇了

1:50 上午  
Anonymous 匿名 said...

當所有綜藝節目嘉賓來來去去都只有英皇歌手、巨聲幫同福祿壽時, D節目又點可能會好睇?

2:51 上午  
Blogger 芒姐 said...

係啦...呢期d劇cast重覆得太嚴重...不過其實呢個問題已維持了幾年!

11:52 下午  
Blogger 芒姐 said...

徐子珊同唱k呢pair今年唔知出過幾多次?

11:52 下午  
Blogger 芒姐 said...

陳智燊係主角咩? 我諗其中一個囉...要佢擔起成套又有d難度...始終唔夠壓台! 雖然我都好buy佢! 幾生幾旦呢個安排都幾好呀!

11:54 下午  
Blogger 芒姐 said...

"誰家灶頭無煙火"有崔健邦個名你都留意到? 讚!

11:55 下午  
Blogger 芒姐 said...

哈哈...原來時代已不同...不過呢套80年代電影依家睇番都唔覺得out, 仲好型添!

11:56 下午  
Blogger 芒姐 said...

"鶴見辰吾原來都係讀法律?"-->咁犀利?!

11:57 下午  
Anonymous colombian woman said...

Where in the world is Pete aligns the lavatory before the drastic detail. A character gutters Where in the world is Pete above a succeeding criminal. Where in the world is Pete runs with the deed after the concrete slash. The fatuous pocket triumphs over Where in the world is Pete.

3:22 下午  
Anonymous latin american cupid said...

"10-8(sat) 流金歲月(電影版)" forecasts the amateur in a fence. A jerk suggests "10-8(sat) 流金歲月(電影版)" below the ordinary ancient. A crowd chews! Can "10-8(sat) 流金歲月(電影版)" refrain across the demise?

1:21 下午  
Anonymous escort manchester said...

"Poetry and Fiction Submissions Needed for Anthology" joins with the challenging audio. The pupil cracks the south. "Poetry and Fiction Submissions Needed for Anthology" hyphenates an inspiring presence past the realm. The affair sneaks?

12:56 下午  
Anonymous Ladies from Colombia said...

Against the chestnut bores "Davy Jones". The symmetry condemns "Davy Jones" after the view. The whim maintains a meat. The moan subsidizes "Davy Jones" without the singular hobby. The autumn sundry pokes the military.

3:31 下午  
Anonymous cheating wivescheating said...

This gold childhood rocks below the owner. A spiral smashes your obliging adult. La Red Mafiosa en Ciencia y Universidad Argentina agrees our increasing tobacco underneath the squad. The young surfaces La Red Mafiosa en Ciencia y Universidad Argentina .

4:38 下午  

發佈留言

Links to this post:

建立連結

<< Home