2011年10月3日星期一

10-3(mon) tvb“邁向45”周年台慶亮燈+梁詠琪今閃婚 報復鄭伊健

今日終於做第一集"荃加福祿壽探案"…嘩! 都真係幾胡鬧吓...好似有d想學當年"難兄難弟"的style, 但"難兄難弟"其實係幾有劇情又幾好睇的…呢套胡鬧十倍! 我作福祿壽fan屎都唔係好頂得順...佢哋都係做番綜藝節目罷啦! 不過都可以俾多幾集機會佢o既, 無謂太快下定論! 但呢套都可以係台慶劇, 我又真係估佢唔到囉!

之前兩個星期"不速之約"悶咗好多, 今日o個集忽然又幾有驚喜! 最尾楊怡同姜大衛o個part估佢唔到, 唔知搞咩? 查實楊怡會唔會係姜大衛個女之類? 仲有今集講人遇到逆境會表露真性情…控制唔到情緒亂發身邊所愛的人脾氣, 然後眾叛親離…幾有意思...結局篇好似開始好睇番!

睇tvb個44周年台慶 (sorry, 係”邁向45’周年) 亮燈, 六叔又真係好犀利, 百幾歲仲咁壯健…真心勁! 同埋見到阿視帝黎耀祥呢兩年企到o係第一行正中心, 諗起佢之前十幾年可能連台慶亮燈都無得出席…所以話呢個世界又係永遠你都估佢唔到, 人有三衰六旺, 風水輪流轉…未到最後你都唔會知!

Tbb究竟係咪以後都唔會同五大唱片公司好番? 已經一連兩年亮燈都係得由巨聲幫孭飛! 同埋我想話…點解何晶晶真係只係每年台慶亮燈先會見到佢 (好似”歡樂滿東華”o既梅小惠咁…:p)…咁佢平時做咩o既呢? 佢係咪仲o係呢個娛樂圈度打滾緊呢?..

至於星期日o既"超級巨聲3"…真係比前兩輯遜色好多, 如果唔係有趙增熹, 可能我都唔睇好耐喇! 係因為d參賽者真係唱得唔多好聽, 定係因為去到第三輯已經無晒新鮮感?!

我仲要其實有好多集skip咗都完全無意欲睇番! 平時做咗咁多集都認得晒d參賽者, 今輯真係唔知邊個打邊個! 下一集有番巨聲1,2幫…可以一睇!

尋日個小朋友唱得好唔掂…點解咁耐都未foul?! 個日本妹妹唱“默契”又係比平時差好多, 今輯d參賽者真係無辦法吸引大家睇落去…可惜!

呢段新聞勁好笑…姑勿論係咪真, 都真係講到似層層…不過話實, 一年365日偏偏揀呢一日, 又的確好難唔俾d記者大造文章…,至少配合”好勝gigi”的人物角色設定…:p




http://www.libertytimes.com.tw/2011/new/oct/3/today-show1.htm

梁詠琪今閃婚 報復鄭伊健

35歲的「Gigi」梁詠琪今天閃嫁拍拖數月的36歲西班牙男友Sergio,最新一期香港「東方新地」週刊報導,Gigi在06年與「伊麵」鄭伊健結束7年戀情後,全速展開新戀情,連閃婚都刻意選在伊麵生日前一天,好強的她發憤實踐「活得比你好」,向伊麵一較高下的意味相當濃厚。

連結婚也要拚輸贏

東方新地報導,當年伊麵帶著新歡蒙嘉慧到日本東京朝聖瑪丹娜演唱會,和他黯然分手的Gigi也在當地上演宣戰戲碼,揚言一定要過得比他還好,今年初,伊麵驚傳有意和蒙嘉慧步入禮堂,字典裡沒有「輸」字的Gigi,只好搶先一步找到另一半「閃嫁」。

要鄭伊健永遠記住她

更重要的,今天當新娘的梁詠琪刻意選在10月4日、鄭伊健生日前一天完婚,東方新地報導,梁詠琪是要讓鄭伊健每逢生日就要想起她已嫁作人妻,要他永遠記住她,不過梁詠琪「活得比你好」的好勝心,卻也讓她心中的那個「你」,從未放下過。

東方新地指出,鄭伊健是梁詠琪入行後第一個男友,也是拍拖最久的,當年分手後,Gigi有長達好一陣子沒談感情,她全心投入事業,就算後來跟Sly及Matthew等人拍拖,但都不太投入,直到伊麵放風聲計劃結婚,Gigi才轉而搶先完婚。

蒙嘉慧大方祝福梁詠琪

而一向對婚姻Say「No」的鄭伊健,去年為老友陳小春擔任伴郎,被追問婚期時態度明顯軟化,進而表示「有計劃,但未有時間表」,據悉蒙嘉慧和伊麵達成共識,決定婚後不生,二人最快將於農曆年前到美國註冊結婚,返港才會公布喜訊;昨天截稿前一刻,蒙嘉慧在微博大方祝福Gigi要「一直幸福到老」,但遭部份網友質疑她的誠意,相當諷刺。

17 Comments:

Blogger William said...

梅小惠有人講去了歐洲坊集團做公關, 之前 Sandy 演唱會晚晚都有落去幫手招呼客人

1:51 上午  
Anonymous 匿名 said...

睇完 "自由時報" 篇野, 成件事即刻清晰晒! 初時見佢揀10月初結婚, 以為佢只係想同佢好姊妹KAREN睇齊 (講到尾, 都係唔想輸俾人, 那怕係好姊妹, 都唔要俾人威晒, "好勝GIGI" 呢個花朵真係唔係浪得虛名!!), 原來鄭伊健先係背後主因, 明晒喇, 完全解得通呀!

不過講真, 如果佢真係因為咁而閃婚 (仲要閃個老外, 大佬, 如果個老外係英文人都仲好D, 但佢老公係西班牙人, 佢兩個母語都唔係英文, 點溝通? 佢自己英文都唔係特別好啦, 真係好想知佢兩個點傳情達意!), 就真係好可憐, 咁多年都放唔低, 都係因為好勝累事...

2:15 上午  
Anonymous 匿名 said...

"魔鬼"劇水準好飄忽.一時勁悶(EVEN唔合理劇情),但突然一集又勁好睇.究竟潘SIR點做QC?
GIGI真係"閃"得好緊要.好似真係有D計算在內.唔係話黑心,但成事真係怪怪地.相比,KAREN就自然大方得多.

响溫哥華電影節睇咗"桃姐".比我想像中更有娛樂性.感人之餘有D位好好笑.勁多猛人客串.杜汶澤一出全場大笑.其實都唔知笑咩,哈哈.

溫哥華匿名人

12:39 下午  
Anonymous 匿名 said...

"難兄難弟" 係超經典.因為真係有劇情,唔係純胡鬧.
又係伊健生日!1999年呢一日,GIGI出門慶祝大龍鳳事件.大家一定好記得!

溫哥華匿名人

12:47 下午  
Blogger Jack said...

台慶亮燈有古巨基wor
不止巨聲幫

12:07 上午  
Anonymous 匿名 said...

收皮啦tvb打手 你到底係電視精定係tvb忠實fans呀

1:06 上午  
Anonymous 匿名 said...

咁佢又唔只睇tvb嘅,佢都有睇好多atv劇!

4:37 下午  
Anonymous 匿名 said...

但係佢差唔多套套都有讚冇彈咁滯 叫我點唔信佢唔係打手呀

5:34 下午  
Anonymous 匿名 said...

佢又未至於套套都有讚冇彈嘅,因為佢其實唔係套套都睇,至少古裝民初佢都唔睇先啦!

佢未必係tvb忠實fans,但好喜歡林峰同好支持陳志雲就應該真嘅!

10:32 下午  
Blogger Jerome said...

查實楊怡會唔會係姜大衛個女之類<--bingo, that's y 楊怡's daughter match 姜大衛-.-"

12:16 上午  
Anonymous rainbow said...

re第一個匿名XD

其實梁詠琪英文係絕對見得人架喎!我唔係佢FANS.不過聽過佢D英文確實唔流!而且佢上兩個男朋友都係老外.唔慌差!

but anyway.佢選擇呢日結婚.即使有冇心都好.都係件幾蠢既事囉.簡直比位d記者入啦!哈哈~~

芒姐...魔鬼呢套野我真係冇咩心機睇落去啦.完全唔合理得太過份啊我覺得!所以初初睇左頭幾集就冇再追.係呢幾日得閒先睇到少少.但都頂唔順啊-_-"好似上兩集.DR O要驗芳芳個肚係咪自己根本用自己既頭髮咪得囉.洗鬼整損唐生咁煩先!?!?

其實TVB幾時先唔再迫林生做呢D角色呢?話就話魔鬼.咪又係CHOK樣~

4:13 上午  
Anonymous 匿名 said...

re rainbow

但我記得好耐之前佢同何超儀上香港電台玩一個考英文的遊戲節目, 當時佢表現好差 (何超儀就真係好流利好native), 好肉酸, 可能果次印象太深刻, 所以一直都覺得佢英文麻麻地!

第一個匿名

10:46 上午  
Blogger 芒姐 said...

梁gigi事件...姑勿論佢有心定無意 (不過一年365日偏偏揀呢日, 你話無嘢我都唔太信), 只係反映到佢o係記者心目中的形象係點...無論佢做咩, 大家都覺得佢係有心...:p

11:52 下午  
Blogger 芒姐 said...

至於梁gigi的英文水平...我最深刻印象依然係十幾年前"倫住o黎試""on behalf of my school"事件...當年好喜歡佢的我, 都真心戥佢肉酸...:p

http://hejnom.blogspot.com/2006/10/10-25wed-o.html

11:54 下午  
Blogger 芒姐 said...

"不速之約"尾段ok番...中間兩星期就真係悶到要勁飛o黎睇!

11:55 下午  
Blogger 芒姐 said...

其實我係咪tvb打手無咩significance o架, 你覺得我係咪係囉...有咩所謂..:p

11:56 下午  
Anonymous 匿名 said...

re: Gigi's english. FYI: her more 'recent' conversational english.

http://www.youtube.com/watch?v=1ibSxkpELfk

i guess with time, (most) people change. working on one's weakness and improving is encouraging, isn't it? you can't base someone on how they were 10 yrs ago. it's a bit sad if anyone's still the same as 10 yrs ago... haha.

8:03 上午  

發佈留言

Links to this post:

建立連結

<< Home