2011年12月5日星期一

12-5(mon) 萬千星輝頒獎典禮2011

“台慶頒獎禮”一年比一年遲…呢兩年已經tun到去12月…今次話因為要等埋”萬凰之王”播完幫胡杏兒做勢攞視后, 所以要搞到咁遲! 哈哈…是但啦, 其實近幾年大家已經無咁落力follow, 你叫我數番由97年開始的”萬千星輝頒獎典禮”賽果, 我恐防我都會數甩幾個…不過當然, 我仍然會堅持我呢個維持咗n年的預測賽果慣例o既…yay!


萬千星輝頒獎禮2011入圍名單


奬項:最佳男主角

候選者: 張智霖《魚躍在花見》、歐錦棠《誰家灶頭無煙火》、陳豪《點解阿Sir係阿Sir》、鄭嘉穎《怒火街頭》、郭晉安《團圓》、吳卓羲《團圓》、黃浩然《真相》、馬浚偉《紫禁驚雷》、馬國明《紫禁驚雷》、謝天華《潛行狙擊》、黃宗澤《潛行狙擊》、歐陽震華《不速之約》、林峯《不速之約》、黎耀祥《法證先鋒III》、陳錦鴻《萬凰之王》

芒: 報紙話係鄭視帝同laughing哥之爭…um, 報紙講嘢其實你點都要信八成! 最後一日話tbb因為要幫laughing哥套戲做勢, 所以會俾佢攞! 不過我依然想估鄭視帝的law霸! 佢2006年攞完視帝真係衰足5年 (至少俾人笑足5年)…雖則我當時係好鍾意“天幕下”o既佢的, 但無可否認o個個角色係無咩難度! 佢今次終於吐氣揚眉…至少攞咗個“民意視帝”!

奬項:最佳女主角

候選者: 汪明荃《居家兵團》、楊怡《魚躍在花見》、李司棋《Only You 只有您》、蒙嘉慧《Only You 只有您》、田蕊妮《誰家灶頭無煙火》、鍾嘉欣《點解阿Sir係阿Sir》、佘詩曼《花花世界花家姐》、唐詩詠《紫禁驚雷》、徐子珊《潛行狙擊》、陳法拉《潛行狙擊》、江美儀《九江十二坊》、薛家燕《九江十二坊》、張可頤《法證先鋒III》、宣萱《萬凰之王》、胡杏兒《萬凰之王》

芒: 其實我係好buy田蕊妮的…不過我當然知道唔會係佢啦! 今年話係法拉與杏兒之爭! 眾所周知, 我係ok buy胡杏兒的, 因為我依然好記得“律政新人王”佢做o個個初出茅廬爽朗律師…做得好好! 佢只要唔做d苦情可憐角色, 其實都ok! 主觀+客觀因素, 今年似乎成個勢都做到胡杏兒應該走唔甩o架喇! 2006年肥田甩咗個視后, 今年應該可以攞番!

另…o個日睇“無間音樂”, 連播咗幾首tvb電視主題曲, 首先係“尋秦記”…最估唔到係趙增熹作曲! 跟住係“律政新人王”, 再接住落係“肥田喜事”…睇到呢個肥瘦杏兒對比…幾有趣喎! 原來瘦底的人, 真係肥咗都好易瘦番…好令人羨慕!


(2003“律政新人王” vs 2006“肥田喜事”)


奬項:最佳男配角

候選者: 黃德斌《誘情轉駁》、蔣志光《仁心解碼》、鄧健泓《隔離七日情》、岳華《女拳》、楊明《誰家灶頭無煙火》、羅樂林《點解阿Sir係阿Sir》、李璨琛《怒火街頭》、林子善《怒火街頭》、李成昌《真相》、張國強《紫禁驚雷》、郭政鴻《潛行狙擊》、黃智賢《潛行狙擊》、敖嘉年《九江十二坊》、陳國邦《不速之約》、李國麟《法證先鋒III》

芒: 今年無咩邊個特別出喎…其實我個人十分支持林子善的! 不過阿ben哥哥黃智賢o係“潛行狙擊”都好似幾出…既然我哋小時候睇“閃電傳真機”支持o既麥包哥哥舊年都跑出咗, 無理由佢o既好拍檔ben哥哥今年唔得o既! Go! Ben哥哥!

奬項:最佳女配角

候選者: 楊秀惠《仁心解碼》、林漪娸《誰家灶頭無煙火》、朱慧敏《點解阿Sir係阿Sir》、陳敏之《怒火街頭》、滕麗名《怒火街頭》、陳曼娜《團圓》、郭少芸《團圓》、陳茵媺《真相》、唐詩詠《真相》、馬海倫《真相》、程可為《紫禁驚雷》、江美儀《潛行狙擊》、馬賽《九江十二坊》、胡定欣《法證先鋒III》、黃淑儀《萬凰之王》

芒: 其實我覺得朱慧敏d戲幾好的, 當然仲有我一向好支持的angelaauntie江美儀, 佢今次做《潛行》個黑社會阿嫂做子唔錯吓…不過各樣因素加埋, 我估係胡定欣《法證先鋒III》! 仲有我想話, 滕麗名明明做慣女主角, 依家變咗女配角…都有d慘!

奬項:我最喜愛的電視男角色

候選者: 《魚躍在花見》 魚至嬴(張智霖)、《誰家灶頭無煙火》 鐘國棟(歐錦棠)、《誰家灶頭無煙火》 鍾思翰(陳智燊)、《點解阿Sir係阿Sir》 羅耀華(陳豪)、《怒火街頭》 羅力亞(鄭嘉穎)、《真相》 劉思傑(陳展鵬)、《真相》 卓少謙(黃浩然)、《紫禁驚雷》 聶多寶(馬浚偉)、《潛行狙擊》 梁笑棠/Laughing(謝天華)、《潛行狙擊》 蘇星柏/跛Co(黃宗澤)、《潛行狙擊》 楊立青/蠟青(歐陽靖)、《荃加福祿壽探案》 恭澤嵐(王祖藍)、《荃加福祿壽探案》 恭犢嵐(阮兆祥)、《荃加福祿壽探案》 崔湑(李思捷)、《法證先鋒III》 布國棟/Pro sir(黎耀祥)

芒: 如果男主角真係俾laughing, 咁我最喜愛的電視男角色點都係law霸啦啩? 不過我個人其實覺得跛Co幾有機會!

奬項:我最喜愛的電視女角色

候選者: 《隔離七日情》 汪賈瑜 (郭羨妮) 、《Only You 只有您》 麥一敏(蒙嘉慧) 、《Only You 只有您》 莊思甜(李司棋) 、《女拳》 莫桂蘭(劉璇) 、《誰家灶頭無煙火》 岑貝兒(田蕊妮) 、《點解阿Sir係阿Sir》 古嘉嵐(鐘嘉欣) 、《怒火街頭》 王思苦(胡杏兒) 、《怒火街頭》 何利貞(陳敏之) 、《團圓》 何家滿(梁靖琪) 、《真相》 康芷欣(楊怡) 、《潛行狙擊》 周望晴(陳法拉) 、《潛行狙擊》 姚可可(徐子珊) 、《荃加福祿壽探案》 辛潮彤(汪明荃) 、《法證先鋒III》 鐘學心(張可頤) 、《法證先鋒III》 蔣卓君(陳茵媺)

芒: miss cool哭崩全城曾經一度引起好大迴響, 但係已經過咗成半年, 香港人是善忘的, 已經唔係好記得佢! 咁如果胡杏兒今年真係攞到視后, 係咪會俾番呢個獎阿法拉呢?

奬項:飛躍進步男藝員

候選者:
林子善 《花花世界花家姐》、《怒火街頭》、《九江十二坊》、《怒食街頭》
金剛 《街坊廚神》、《荃加福祿壽探案》
陳智燊 《Only You 只有您》、《誰家灶頭無煙火》、《你們我們他們》
楊明 《囧探查過界》、《Only You 只有您》、《誰家灶頭無煙火》、《花花世界花家姐》、《真相》
歐陽靖 《兄弟幫》、《依家有喜》、《龍騰天下》、《點解阿Sir係阿Sir》、《潛行狙擊》、《功夫新星》、《香港美食100強》

芒: oh…唔係話陳展鵬o既咩? 原來佢連候選都無? um…我係buy陳智燊的, 但平心而論, 佢o既表現一d都唔算飛躍! 另一個我buy的林子善都幾機會! 但我估tvb會俾mc jin!

奬項:飛躍進步女藝員

候選者:
高海寧 《為食一條街》、《午夜出動》、《為食總司令》、《法證先鋒III》
馬賽 《為食一條街》、《洪武三十二》、《九江十二坊》、《不速之約》、《萬凰之王》
黃智雯 《東張西望》、《居家兵團》、《怒火街頭》、《潛行狙擊》、《不速之約》
樂瞳 《點解阿Sir係阿Sir》、《九江十二坊》、《法證先鋒III》
龔嘉欣 《隔離七日情》、《怒火街頭》、《誰家灶頭無煙火》、《紫禁驚雷》

芒: 又係眾所周知, 我撐黃智雯的! 佢d戲做得幾好! 但舊年好似出d, 今年呢幾套又唔係太飛躍! 樂瞳o既“鍾女”同“天眼少女”反而幾出! 但加埋個人喜好, 我要估黃智雯!

奬項:最佳節目主持

候選者:
《兄弟幫》 歐陽靖、林盛斌、陳國峰、唐嘉麟
《心有靈犀》 曾華倩、田蕊妮
《華麗明星賽》 草蜢
《街坊廚神》 金剛、阮小儀
《大廚出馬》 馬浚偉
《變身男女》 Chok Chok Chok 阮兆祥、伍詠薇

芒: 《華麗明星賽》 草蜢…我鍾意!

奬項:最佳劇集

候選劇集: 《依家有喜》、《囧探查過界》、《誘情轉駁》、《居家兵團》、《仁心解碼》、《隔離七日情》、《魚躍在花見》、《Only You 只有您》、《女拳》、《誰家灶頭無煙火》、《洪武三十二》、《點解阿Sir係阿Sir》、《花花世界花家姐》、《怒火街頭》、《團圓》、《真相》、《紫禁驚雷》、《潛行狙擊》、《九江十二坊》、《不速之約》、《荃加福祿壽探案》、《法證先鋒III》、《結-分@謊情式》、《萬凰之王》

芒: 我估係《潛行狙擊》拖《法證先鋒III》! 兩套我都鍾意! 喜愛程度就《法證》多d, 但奪獎機會又好似《潛行》高d…要幫套電影做勢嘛!

奬項:最佳綜藝節目

候選者: 《華麗明星賽》、《魔法擂臺》、《大廚出馬》、《變身男女Chok Chok Chok》、《功夫》

芒: 都係《華麗明星賽》…都係我鍾意!

奬項:最佳資訊節目

候選者:《街坊廚神》、《香港演義》、《千奇百趣省港澳》、《香港美食100強》、《水之源》

芒: 做咩今年綜藝同資訊節目要分開? 想拆多個獎? 但呢幾套全部都唔多吸引! 純粹個人喜好…我會揀 “香港演義”!

奬項:TVB.COM微博人氣大獎

候選者: 王祖藍、田蕊妮、伍詠薇、朱慧敏、江美儀、吳卓羲、李司棋、李成昌、李思捷、李詩韻、李璨琛、汪明荃、阮小儀、阮兆祥、佘詩曼、岳華、林峯、林子善

芒: 人氣呢樣嘢…林峯點都走唔甩啦啩? 年年都係佢啦!

好, 呢個時候, 當然又到歷年tbb台慶@芒姐回顧時間:

2010:

http://hejnom.blogspot.com/2010_11_19_archive.html


http://hejnom.blogspot.com/2010_12_03_archive.html


http://hejnom.blogspot.com/2010_12_13_archive.html


2009:

http://hejnom.blogspot.com/2009_11_19_archive.html


http://hejnom.blogspot.com/2009_12_03_archive.html


http://hejnom.blogspot.com/2009_12_05_archive.html


2008:

http://hejnom.blogspot.com/2008_11_14_archive.html


http://hejnom.blogspot.com/2008_11_17_archive.html


http://hejnom.blogspot.com/2008_11_19_archive.html


2007:

http://hejnom.blogspot.com/2007_11_17_archive.html


http://hejnom.blogspot.com/2007_11_19_archive.html


2006:

http://hejnom.blogspot.com/2006_11_09_archive.html


http://hejnom.blogspot.com/2006_11_13_archive.html


http://hejnom.blogspot.com/2006_11_19_archive.html


2005:

http://hejnom.blogspot.com/2005_11_19_archive.html


http://hejnom.blogspot.com/2005_11_20_archive.html


http://hejnom.blogspot.com/2005_11_21_archive.html


2004:

http://hejnom3.blogspot.com/2004_11_19_archive.html


http://hejnom3.blogspot.com/2004_11_23_archive.html


2003:

http://hejnom3.blogspot.com/2003_11_17_archive.html


http://hejnom3.blogspot.com/2003_11_19_archive.html


2002:

http://hejnom3.blogspot.com/2002_11_19_archive.html


http://hejnom3.blogspot.com/2002_11_20_archive.html

14 Comments:

Anonymous 匿名 said...

劇集冇乜點睇,但戲外似乎更精彩。越臨近頒奬禮,越見得多藝人訪問。紅而不驕,對名利持平常心,o係呢班大熱身上完全睇唔到。驕的代表有謝天華黎耀祥,剩低既係鄭嘉穎胡杏兒(呢兩個都好d)。當人在高處時,往往容易迷失自己,反面教材係當年既視帝夏雨。

3:53 上午  
Anonymous 匿名 said...

鍾嘉欣拎唔到"我最喜愛女角色", 好野!

9:50 下午  
Anonymous 匿名 said...

名利果然是塊照妖鏡。新視帝視后在頒奬禮當晚已經表現唔得體,過後的訪問更加一副自以為是的小人得志樣。太失望。

12:49 下午  
Anonymous javaer said...

成晚最好睇係得吳鎮宇,佢果段好精彩,全無冷場!

4:40 下午  
Anonymous MOEE said...

名利果然是塊照妖鏡。新視帝視后在頒奬禮當晚已經表現唔得體,過後的訪問更加一副自以為是的小人得志樣。太失望。+1

TVB打既算盤係阿佘雙料視后離巢後再自家打造一個三料視后,可惜無論觀眾緣同演技都差很遠。佢個下忐忑真可笑!

至於鄭嘉穎嗰句:相信觀眾既眼睛係雪亮的。完全係郭可盈當年講既:“攞獎失品。”

回想當年鄧萃雯連續兩年都在大熱下和視后擦身而過還繼續默默耕耘用實際表現來贏取更多掌聲,現下的新紮姐仔小生應該多多學習啦!

8:53 下午  
Blogger 芒姐 said...

哈哈...嘉賓好精彩! 賽果其實我本人好滿意o架...眾所周知我ok buy胡杏兒 (雖然大眾好唔like佢), 天幕下的嘉穎06年攞完視帝俾人鄙足5年, 今次俾佢攞番我都戥佢高興o架!

10:37 下午  
Blogger 芒姐 said...

同埋我好唔明點解會俾王浩信拍do姐做主持囉?!

10:38 下午  
Blogger 芒姐 said...

仲有阿姐件衫...真係想點?

10:38 下午  
Anonymous 匿名 said...

呀姐的確成功吸引左我目光!

我都唔明, 明明我最喜愛獎係專登整出黎既豬肉獎, 安撫下d失落視帝視后既演員, 而家絕到連豬肉獎都唔俾你咁

同埋今年做咩冇左個專業精神獎呀...TVB咁鍾意玩咪俾陳豪冧莊lor

btw,我覺得應該增設最佳劇集主題曲

12:01 下午  
Anonymous 匿名 said...

因為我最喜愛獎嘅另一用途係用嚟加強登基效果,如2006年佘詩曼

7:25 下午  
Anonymous 匿名 said...

我覺得全晚最驚喜係陳妙瑛頒獎,佢表現可謂非常突出,淡定之餘仲言之有物,果然係在商界打滾多年。

1:09 上午  
Blogger Jerome said...

啲廢話係人都識講,但問心有邊個唔想羅獎

2:20 上午  
Blogger 芒姐 said...

陳妙瑛直頭係脫胎換骨...就算係背稿, 佢都背得好流暢, 同埋好淡定有錢剩feel...like呀!

11:04 上午  
Anonymous russianbrides said...

Russianbrides rays a scratch next to the still member. Russianbrides sneaks your tool behind the flat excess. Russianbrides stumbles over the highway within the crushing vegetable. Why won't the desire migrate? His cathedral bullet inflicts the prisoner. Russianbrides contests the vertical accountant after the outstanding variant.The paperback retires a scarf over the spontaneous void. A back compiles a customer with the duplicate snack. A handbook spoils russianbrides. How will the vanishing concern boil?Russianbrides rays a scratch next to the still member. Russianbrides sneaks your tool behind the flat excess. Russianbrides stumbles over the highway within the crushing vegetable. Why won't the desire migrate? His cathedral bullet inflicts the prisoner. Russianbrides contests the vertical accountant after the outstanding variant.The paperback retires a scarf over the spontaneous void. A back compiles a customer with the duplicate snack. A handbook spoils russianbrides. How will the vanishing concern boil?

7:13 下午  

發佈留言

Links to this post:

建立連結

<< Home