2011年11月11日星期五

11-11(fri) 港樂 x 張敬軒交響音樂會 + 三個小神仙吹唱會 + 蘇永康給那誰演唱會

呢期又睇咗好幾個show…幾個都好好睇!

首先係港樂x張敬軒…本身已經覺得會幾好睇, 但出o黎比我預期更好睇! 雖然九展呢個地點我真係麻麻…每次去親都好麻煩! 好彩發現咗淘大附近有間人和荳品廠d腸粉+荳類製品都好好味, 多咗一個去o個度o既incentive!

第一次睇張敬軒…其實一路都想睇吓佢演唱會, 尤其當上次o係其他人o既演唱會 (好似係周[慧敏?) 聽過佢唱live…真係好好聽! 之後就決定如果佢開演唱會, 我一定要去捧一次場! 雖然佢d歌我真係有好多都唔識 (哈哈, 我都識"my way", "笑忘書", "酷愛"呢d最hit o既歌o既)…但就算唔識o個d歌, 都ok喎…佢d歌其實真係幾唔錯吓! 仲有佢唱live真係好好好好好得!



我睇o個晚有佢o既"煙幕情侶"王菀之做嘉賓, 佢兩個把聲真係好夾…ivana唱歌又真係好好聽喎…其實佢一出道時真係好鬼怕佢把雞仔聲…但後來發現佢講嘢原來好抵死, 仲要係用把雞仔聲講d好抵死o既嘢...效果更抵死…wahahaha!

同埋管弦樂團本身我都好鍾意聽…所以成件事又係得咗! 本來想睇多一場添呀…可惜又係full晒啦!



至於另一個show係阿旦同林珊珊o既"三十小神仙吹唱會"...雖然唔太係我個年代…但都幾好睇喎! 當然, 如果我大多十年會更有共鳴! 好"那些年", 好有msg, 同埋仲星光熠熠過"星光熠熠耀保良"...又軟硬, 又草蜢, 又鄭伊健, 又周慧敏, 又劉美君, 又露雲娜, 又林子祥父子, 仲有林曉峰…可惜無何嘉麗…連出一出o黎都無, 未免有d絕情!





哈哈…開show前仲偶遇古SIR與女...助手添…:p



跟住前日又睇咗 "蘇永康給那誰演唱會"…呢個反而有少量悶, 望咗好多次電話…真係估佢唔到! 同埋佢個台居然係同林珊珊個台有9成係一樣! 未免太慳水慳力…哈哈! 但其實阿公我係ok buy o架嘛…同埋我自從睇完"大四"之後, 反而覺得佢係4個之中最型 (:p)…尤其以佢外型咁局限都居然可以扮到咁型! 難怪佢其實好受d女性歡迎!

阿公唱歌係好好聽, 不過o個幾首"臺號皇庭"同埋"妙手仁心"插曲, 真係未免有d相似…分都分唔清! 佢咁多首歌之中, 我就最鍾意"情來自有方"同埋"男人不該讓女人流淚"! 我估唔到o既係…三個演唱會之中, 反而呢個比較悶!

12 Comments:

Anonymous 匿名 said...

好like軒仔版的蔓珠沙華, 估唔到佢可以咁鬼死妖. 可惜我係睇第3場, 而我並唔喜歡黃耀明.....所以...><

5:51 下午  
Anonymous 匿名 said...

岩岩睇緊《天與地》,非常有《珠光寶氣》果時d feel,d回憶睇到人有d混亂,一時係一個演現代夾一個演回憶既人,呢個開頭方式較以往tvb劇有唔同,唔留心睇或者中途先開始睇都有d難跟...係要慢慢睇既,唔係咁易送住飯黎睇

不過呢d戲都係岩跨年播,中間多節日,收視如何都冇壓力

10:45 下午  
Anonymous 匿名 said...

《天與地》應該好有message, 試想如果你係其中一個食過人 (仲要係你朋友) 的人, 你往後一生的日子會怎麼過? 一定比《無間道》裡的劉健明更痛苦...... 雖然食人果下真係好disgusting, 我亦曾經因為人吃人這個駭人元素而唔想睇《天與地》, 不過睇完第一集後, 我暫時仍然想繼續追.

5:53 下午  
Anonymous 匿名 said...

《天與地》拍攝手法好唔TVB,讚!

芒fan

10:36 上午  
Anonymous javaer said...

《天與地》個case睇怕都係抄自The Case of the Speluncean Explorers(洞穴奇案),睇下TxB點寫. 不過法哲學咁深既野都相信都唔會寫得深入,而且又轉過人要改劇本,睇死佢又係會變互鎅戲!

4:30 下午  
Anonymous javaer said...

天與地2009年劇集巡禮張家輝預告版
http://www.youtube.com/watch?v=8JLUEBbyIgs

6:44 下午  
Anonymous javaer said...

天與地2009年劇集巡禮張家輝預告版
http://www.youtube.com/watch?v=8JLUEBbyIgs

6:45 下午  
Anonymous 匿名 said...

但又睇唔出《天與地》同 The Case of the Speluncean Explorers 有好大關係...

9:25 下午  
Blogger 芒姐 said...

"天與地"係同平時d tbb劇有d唔同, 但成個style好"珠光寶氣"...好彩佢放咗兩年先播!

同埋呢期d片太多食人橋段...撞晒!

11:02 上午  
Anonymous 匿名 said...

同埋呢期d片太多食人橋段 <- 仲有邊d片有食人橋段?

11:17 上午  
Anonymous 匿名 said...

我反而冇睇過"珠光寶氣"tim...

11:18 上午  
Blogger 芒姐 said...

同埋呢期d片太多食人橋段 <- 仲有邊d片有食人橋段?

...haha, sorry, 係我近期睇其他片的橋段!

12:07 下午  

發佈留言

Links to this post:

建立連結

<< Home