2011年11月3日星期四

11-3(thurs) 那些年, 我們一起追的女孩…

嘩! 呢幾個禮拜真係好忙好忙好忙…公又忙私又忙…連電視都無時間睇番! “法證先鋒III”, 我居然只係睇到第3集…係第3集…人哋已經做到第十幾廿集喇…實在太唔要得! 坊間口碑好似唔錯, 人人都話算係近期的佳作! 咁我睇咗o個幾集都覺得唔差…第一, tbb一向製作呢d專業人士劇集都有一手; 第二, d主角個個都演得幾好…但其實徐子珊同吳唱k呢一pair點解o係呢兩年不停咁出現出現再出現…雖則我係幾ok佢兩個, 亦覺得佢哋十分襯…但其實可以搵吓第二d人拍檔增加d新鮮感都得啩?!

陳茵媺呢期真係多劇出, 再加埋佢同陳豪o既半真人show…呢期人氣最旺一定係佢!

"荃加福祿壽探案"同"誰家灶頭無煙火"話咁快已經做完…但我仲有幾個禮拜未追番!

"福祿壽"套劇真係超爛, 完全無內容可言, 但又唔見得特別好笑, 不過呢...其實個cast係唔錯…d靚女演員多到呢, 又官恩娜又鍾嘉欣又苟芸慧…仲要個個都演得唔錯! 苟芸慧雖然愈搞愈肥, 但又真係幾靚, 同埋佢d演技算係improve咗好多…比起佢年幾前同王祖藍做"情人眼裡高一d", 係真係有顯著進步…雖然佢d廣東話依然係睇完字幕有時都唔知佢o翕咩…但整體算係great improvement…要讚! 同埋佢其實幾適合做呢d傻大姐角色! 當然最靚o個個我首推官恩娜…自從"超級巨聲"之後佢真係發熱發亮咗…又唱得又睇得仲要講嘢幾抵死…我欣賞佢!

至於本來最鍾意睇o既“誰家灶頭無煙火”…又係尾段o個兩個禮拜都未睇…但有時出街食飯又larp到d…反而結局篇講歐錦棠對眼有事之後係拖拉得太耐…無之前咁好睇!

新o個套"萬凰之王"…擺明係"宮心計"d friend…雖然我唔太buy古裝劇…但呢d台慶重頭宮廷爭鬥劇通常都拍得幾好o既…o個日又係出街食飯睇咗半集…都幾緊湊! 同埋個班底唔知點解我覺得好"流金歲月"(唔係鍾楚紅張曼玉o個套)…又胡杏兒又宣萱又黃淑儀! 但係胡杏兒同宣萱個感覺同個look都好時裝…其實坦白講佢哋每一次拍古裝我都覺得有d怪! 尤其係宣萱講古裝對白o既時候(e.g. "尋秦記)…hehe!

嘩! 深夜又重播"學警雄心"…呢套我鍾意睇喎…"學警3部曲"之中我反而最鍾意睇呢部…o個時o既楊怡雖然無依家咁"靚" (以o個d眼大鼻高的標準), 但清秀好多…我好buy o個個年代o既佢!



前幾日仲去咗睇套舞台劇, 同上年o既"瘋狂夜宴搞偷情"o既班底差唔多…又係朱茵同何偉龍…仲有o係舞台劇界好出名o既陳淑儀! 喂…今次呢套"再見女郎"幾好睇喎! 有劇情有內容過上年o個套 (雖然上年o個套都ok, 但o個d偷情呀錯摸呀, 幾乎套套舞台劇都有呢d情節)…今次呢套值得推介!



終於睇咗"那些年"…嗱! 即是咁…都話好多嘢都係expectation的問題…因為坊間真係講到太好太好睇, d人話要一星期入場睇三次…o係咁overwhelming o既評論影響下, 本人的expectation少不免受到影響…所以好難作出太公平公正不偏不倚的評論 (哈哈, 不過我成日都話…呢個世界邊有得公平公正不偏不倚o架? 世上所有嘢, 都係subjective o架啦…hoho!)…

Um…我呢…就覺得絕對係好睇o既…好清純, 好簡單, 好sweet…但就有d overrated…無d人講到貢貢貢震撼囉! 所以我可能應該早d睇, 咁就可以不受其他人的評論影響! 佢哋話如果你讀男女校, 會有共鳴d…而如果你係男仔, 又會再有共鳴d…我兩樣都唔係…不過都會有清葱歲月的回憶...畢竟, 人人也年青過! 所以不多不少, 亦會勾起不同程度的回憶…所以呢套戲可以引起咁大迴響, 我絕對可以理解! 同埋d主角身處o既年代, 亦正好係我哋o既年代! 報紙話因為本書同套戲紅到令真正的沈佳儀處境有d尷尬 (當然佢老公更尷尬), 搞到佢要出走咗台灣成年…真係呢…:p



套戲講出o既道理, 好似"曖昧永遠係戀愛最甜蜜的一part…好多關係都係未開始先結束, 因為好多時雙方都係死要面, 驚俾人拒絕而錯過咗大好姻緣,,,又或者因為種種誤會錯配wrong timing而有緣無份…而你開始咗, 幻想又可能即刻幻滅咗…同你一齊o個個, 往往又未必係你最愛o個個…而你得唔到o既, 又永遠都係最好o既喎…"etc etc…呢d全部都係老生常談…但佢又的確拍得幾細膩, 幾sweet…

而d人話估唔到個女主角陳妍希已經28歲, 仲keep得咁好, 可以演到純情學生妹…呢樣我又覺得唔出奇, 依家好多三十幾四十歲o既女星, 個樣都真係仲好嗒得杯落…仲要有埋o個種人生閱歷加少量成熟韻味, 絕對吸引過d妹妹仔好多! 我反而估唔到個男主角得廿歲咁細…同埋估唔到佢哋原來相差成8年…但睇落又真係一d都唔似…仲好襯添!

不過個女主角成熟o個個樣, 絕對靚過佢扮學生妹時個樣好多! 仲有佢身邊個女同學彎彎, 究竟o係邊度見過? 佢有無拍過戲? 點解咁熟面口?! 而另外d選角都好好…呢套劇紅到, 選角合適亦應記一功! 當然, 個故事o個種清新寫實, 你我身邊都總發生過o既感覺…更加係佢成功o既最大元素!

睇咗咁多篇評論…呢篇最另類…但其實幾有point...仲寫得幾抵死, 所以我讚~~~



*************************************************************

那些年,我收過的觀音兵。

重看《那些年,我們一起追的女孩》,嘗試從沈佳儀的角度出發,發現說穿了,那個讓一眾男士趨之若鶩的沈佳儀,還不就是大家在茶餘飯後都在唾罵的觀音娘娘!

綁條馬尾,還愛心考卷咧,月黑風高夜闌人靜找喜歡妳的男生孤男寡女獨處一室溫習。跟蝦兵吵個架便匆匆找個隨手可得的蟹將慰藉一下空虛的心靈。男孩好不容易掰開觀音娘娘的金剛圈,卻又被一句緊箍咒「被你喜歡過,很難覺得其他人有這麼喜歡我」召回蓮花座下。誰說沈佳儀純真的,你們不都稱這為 FLIRTY 麼?同一齣電影,如果周秀娜取代了陳妍希,嗯,你懂我說甚麼啦。

彎彎問沈佳儀:「妳不是要說被那麼多人追很煩吧?」她答:「不是啦,只是我覺得,我很幸福。」屁咧,幸福幸福,讓那擺呀擺呀的裙臣服百萬人的暗爽就是幸福。

沈佳儀自己也認了啊:「常常聽人家說啊,戀愛最美好的時候就是曖昧的時候,所以乾脆讓你追久一點,不然一旦你追到我就變懶了,那我不是很虧嗎?」柯騰:「妳真的很機巴欸。」對啦她真的超機巴的,根本就自私到不行好不好。曖昧美好的地方,其一在於二人都小心翼翼調校到最能吸引對方的頻率,要變成童話裡你愛的那個天使,可是你真的相信你們會像童話故事裡,幸福和快樂是結局?其二在於毫無負擔,也許相愛很難,就難在其實雙方各有各寄望怎麼辦,曖昧就不同了,沒寄望沒失望,況且即使失望了拍拍屁股溜走不就行了?

電影省略了小說中我認為最重要的情節,大概讓觀眾惋惜總比拆穿真相浪漫吧。是當他們為自由格鬥賽爭吵後,柯騰深深明白到他與沈佳儀之間個性的矛盾。「這個矛盾我早已知道,身邊的朋友也不斷地提醒我,但我總是以為正經八百的沈佳儀與搞怪衝動的我之間的矛盾,並不是互斥,而是一種反差的浪漫。」就這樣,柯騰決定對她追了八年的女孩說再見。所以啊,當大家都在納悶為甚麼他那麼蠢那麼遲鈍?為甚麼給你手襪時就不牽著她的手?為甚麼人家穿著你畫的T裇在雨中哭著罵你笨蛋就不衝過去抱著她?說不定不開始才是我們最好的結局。只是可惜不是妳,陪我到最後。

說那麼多,並非要褻瀆觀音娘娘,畢竟有人收兵,都總要有人東市買駿馬,西市買鞍韉,心甘命抵做隻貓做隻狗不做情人。愛情從來就無對錯之分。昨晚看高清翡翠台的《 LIFE 》,雌性甲蟲各出奇招,有些妍姿妖艷,有些薰香馥郁,只為獲得一條精蟲;雄性甲蟲要長出最大的顎,過五關斬六將,也只為輸出三千萬條精蟲。人類只不過是比牠們複雜一點點點點罷了。

每個男人心中都有一個沈佳儀?我說,每個女人心中(裙下?!)都有一個柯景騰,噢,對不起,還有一個曹國勝、一個謝明和、一個廖英宏、一個許博淳……

17 Comments:

Anonymous 匿名 said...

Happy to see your new post.

3:10 上午  
Anonymous 匿名 said...

"學警雄心"好睇.起碼劇本實實在在,d年輕演員個個有戲做.唔似得而家,都都變晒大茄.高晧正仲係唔TVB? 係其實當年呢D年輕新演員嘅劇都叫好叫座,好似律政,再生緣.唔知點解TVB搞搞吓近年卻走另一方向.演員老老嫩嫩炒埋一碟,劇情又係唔湯唔水撈埋.你睇不速之約搞成咁.仲要係潘嘉德呀.所以話,明年開衝止2同金枝2.而家D水準同7年前比.我唔敢想像.

溫哥華匿名人

2:03 下午  
Anonymous 匿名 said...

I mean 衝上2

2:04 下午  
Anonymous javaer said...

妳同學仔"貝兒"結婚有無請妳飲啊?

12:17 上午  
Anonymous 匿名 said...

芒姐,等你D文等到頸都長 :P

9:46 下午  
Blogger 芒姐 said...

哈哈...多謝大家捧場! 放心...我唔會不動聲色咁走咗O既...:P

12:27 上午  
Blogger 芒姐 said...

javaer,

哈哈...咁你都記得? 梗係無啦!

12:28 上午  
Blogger 芒姐 said...

溫哥華匿名人,

咁又唔駛咁灰O既, TBB一年都有一部半部佳作...:P

12:29 上午  
Anonymous 匿名 said...

D女角得張可頤好D,徐子珊做督察,沈卓盈做CID,陳茵媺做化驗... 一D都唔似!!

黎耀祥同胡定欣做夫妻,更加唔似!張可頤同陳展鵬一PAIR,又唔似

3:42 下午  
Blogger 芒姐 said...

但d人話胡定欣做得好ok喎...不過我未睇o個場法庭戲!

11:42 上午  
Anonymous 匿名 said...

胡定欣做親奸角都會好ok, 呢套亦唔例外, 將凶狠、貪錢、六親不認的律師性格特質表露無遺, 不過佢個格唔夠pro, "exhibit" 又讀錯音, 把聲又唔夠響, 要扮一個尖子長勝大狀, 仍然欠缺一點說服力...... 佢今次的表現, 應該話係奸狡有餘, 但專業人士的氣質始終不足, 佢都係做D淫蕩姣婆最似!

3:33 下午  
Anonymous 匿名 said...

我都等芒姐既文等到頸都長

劇方面呢期自己都冇乜時間追,不過mytv出左iphone版,追劇容易左,
最有印象係《萬鳳之王》做乜連荔枝角公園都借唔到黎取景?而改用"好多"電腦(效果好假)同埋一間(唔知係咪蓬瀛仙館?)的地方拍,搞到多個妹仔,侍衛同主角一齊行就逼到不堪,做乜咁慳皮?近幾集未追唔知有冇改善左?

新sitcom睇左d,林峰個堂妹係咪來頭好勁?一黎就咁重飛咁多對白又有大頭出現既?好認同第2個匿名講而家係老老嫩嫩炒埋一碟,呢期忽然見返好多胡楓呢!!

另外想講下台慶獻禮《水之源》,有冇人覺得好似拍緊宣明會d片咁?硬係覺得套野怪怪地,好似想做返之前志雲去冰島果種格局,但今次仲怪左d,旁白又多,係咪因為訪問既地方現場收音有困難?
鄭子誠把聲個feel又係似志雲,唔知之後講其他地方會唔會好d,不過係咪用巨聲做主持?咁可能又會好多旁白了.

11:18 下午  
Anonymous 匿名 said...

"做乜連荔枝角公園都借唔到黎取景?" -> 但我不停見到荔枝角公園喎!

12:43 上午  
Blogger 芒姐 said...

哈哈...胡定欣的確係做淫蕩姣婆做得最好...我仲好記得幾年前的"銀褸金粉" (唔記得點寫)...專業人士係差少少...應該俾番宣萱做...宣萱做古裝咁多年都係有d怪, 尤其唸對白時...:p

10:52 上午  
Blogger 芒姐 said...

匿名,

哈哈...多謝耐心等候...我依家有時都會update吓微博o既...短d易寫d, 需時少d, haha!

"萬凰"我都係睇咗頭幾集...真係無時間追住...哎...!


林峰個堂妹來頭最勁咪因為佢係林峰堂妹囉...好似有做舞台劇...不過應該無咩關係!

係啦, 我都好奇怪修哥出番o黎...雖然我都幾buy佢!

"台慶獻禮《水之源》似拍緊宣明會d片"...勁讚同!

11:11 上午  
Anonymous 匿名 said...

林峰個堂妹中央戲劇學院畢業,講背景都係勁既,不過暫時覺得佢一般。

10:48 下午  
Anonymous 匿名 said...

彎彎就係台灣部落格+繪本天后本人咯~書入面無哩個人嘎~

3:46 下午  

發佈留言

Links to this post:

建立連結

<< Home