1-23(mon) 芒姐龍年祝大家…“借咗聾耳仔隻耳”!!!
YO!!!! 龍年喇! 正如我踏入2012年時同所有朋友講…新o既一年, 我唔會再要求d咩事事順景呀, 想呢樣要o個樣咁...因為有朋友o係2011最後幾日同我講咗一番好警世的說話: 要發生的事改變唔到, 好多時一件事的好與壞, 在乎你的心態...與其要改變世界, 點解唔嘗試改變自己的心態? 同埋當你能做到無欲無求...反而每日的生活也會充滿驚喜! 我希望新一年我可以學會做到......Happy 2012!!! & HAPPY YEAR OF THE DRAGON!!!
不過龍年我依然有一樣嘢想祝大家: 就係可以做到“借咗聾耳仔隻耳”…因為當你咩都聽唔到 (順耳o個d你自然會聽到o架啦…哈哈), 會減少好多爭拗, EQ亦自然提升! 所有事都會稱心好多! 咁就一定會事事順利喇…hoho!
最後, 再祝埋大家: “芒心暗許”…wahahaha! 許留山呢張意見表真係好得! 仲要好襯我囉! 我個friend仲話一睇以為係我o既新書封面添! wahaha! 雖然呢個咁姣的書名唔太襯我o既人物性格…不過, 的確好有gimmick…如果我出新書, 一於用呢個名! hoho!
呢期兩線劇集“換樂無窮”同“缺宅男女”…初初睇好似幾爛…但睇睇吓又幾好睇!
其實d cast又唔算好差 (“換樂”差d…同埋講交換條命o個d…太天馬行空, 仲要同類型的story拍過好多次…)! “換樂”我覺得係鄧梓鋒做得比較好笑囉!
“缺宅”好似話係抄”蝸居”…劇情都ok o既…咁多個反而係黃智雯做得最出! 佢平時做開d斯文乖女, 今次又真係好有突破…做得好好, 好乞人憎囉! 一路都好欣賞佢, 今次終於有咁多迴響, 好戥佢高興! 同埋呢套幾寫實, 香港人應該好有共鳴! Laughing同鍾嘉欣o個段亦都幾好睇!
我終於睇番之前套“我的如意狼君”…其實又唔係咁差喎, 雖然劇情係老套婆媽…但其實幾好睇! 黃浩然做感情騙子都做得吸引過人囉…同埋d女角個個都幾靚…尤其d民初造型唔錯! 仲有, 姚子羚好似靚咗好多!
嘩! 原來禮拜四晚開始深夜12點幾做“獵鷹”…要睇喇! 我本來仲以為做完“學警1,2部曲”應該做laughing哥o既“學警3”添!
之前攞o黎攝期的“鐵翼驚情”同埋“天降橫財心驚驚”都ok騎呢, 但又幾奇趣! 我都兩套都睇咗d…d artists個個都好young好搞笑囉! 當然最奇趣係d劇情啦!
上個禮拜睇到修哥個二二二二十歲賀壽show, 嘩! 真係話咁快又十年…我仲好記得佢六十歲時個show, 佢d孫仔孫女同梅小惠姐姐一齊唱歌…嘩! 依家大個晒! 真係時光飛逝! 修哥每次o既十年show都令人好深刻…又提醒你過咗十年! 佢真係好犀利! 80歲仲咁老當益壯! 勁!
呢張"核心論"圖又係搞笑...唐唐同老黎應該真係會惺惺相惜...:p
posted by 芒姐 at 12:03 上午
6 Comments:
其實睇返2套無線電影都好令人想搵返哂之前d無線電影黎睇,記得都有d唔錯既,鐵翼驚情係其中之一,另一套想睇返既係雯女既紅杏劫,都係有唐文龍的,check返資料,原來03,04年播完一ja既戲之後就冇再做過無線電影,近年有套講南華既都完全唔係果回事
黃智雯今期呢個惡師奶角色係好出,不過唔知之後有冇承繼,好驚佢又變成好似黃泆潼,黃紀瑩果d咁,好快就做左主角側邊d八卦師奶角色,齋嘈冇野做...
真係有鐵翼驚情呢套嘢咩? 我好耐之前睇過巡禮仲以為係嗰D最後拍唔成嘅嘢!
RE:匿名
我都覺得黃智雯呢個角色好似另一女演員,係啦就係黃泆潼. (WHY黃智雯黃泆潼黃紀瑩ALL黃?!) 不過希望黃智雯好運D,起碼佢仲可以做女仔角色.不過一切要睇公司點安排. 呀小環好地地一個港姐冠軍信和賣相天后未到30就俾TVB定咗去專做八婆師奶呀陰公.
溫哥華匿名人
以前D無線電視電影好正! D故事又出位拍攝手法又創新.霓虹姊妹花好似都係電視電影? 非常經典! 點解而家唔拍呢? 成本貴? 可以放收費台呀! 我成日都好希望睇到D小生花旦演出D奇怪特別角色.普通電視劇就難D,電視電影可以呀.例如變態佬之類.
溫哥華匿名人
芒姐,送你一段好正嘅說話. 做人正確態度應該係咁. 共勉.
"由我入行第一日已經知道，如果肯接受我，肯睇我做過啲乜嘅人，只要我做好本份，佢哋已經睇到。如果唔願意接受，就算我講再多，或者做再多，佢哋永遠都唔會睇。 唔緊要㗎，我做嘅嘢唔係要討好全世界，係要對得住我身邊嘅人、屋企人同肯睇我嘅人，咁已經足夠。我一直都堅持呢個理念，因為成日計住度住，不如將精力做好自己本份先，唔好理其他唔關事嘅嘢。"
溫哥華匿名人
哈哈...咁我個人認為黃智雯一出道演技已經好過黃泆潼好多o既(not to mention黃紀瑩)...雖然我都覺得有d似! haha!
溫哥華匿名人,
哈哈...多謝你! 不過知易行難, 我會學習!
無線以前d電視電影的確好得囉!
發佈留言
<< Home