4-5(thurs) 春嬌與志明~~~

作為"志明與春嬌"的super fan, 期待咗兩年, 當然一上畫即刻第一時間去睇咗"春嬌與志明"啦!

即係咁, 我之前o係fb同埋d討論區睇咗d去咗優先場o既朋友的feedback, 個個都話呢輯仲好睇過第一輯…咁可能我又再次懷住調高咗o既expectation去睇, 所以我又變成小眾喇…我呢…中~意~志~明~與~春~嬌~多d囉! 哈哈! 我認識的人無咩幾個同我想法一致! 不過口味呢d嘢, 從來都好主觀! 當然, 其實兩套都好好睇, 呢輯係再有深度d同埋再到肉d…有d位仲"腰"得好中, 一定o係你自己同身邊的朋友身上發生過…就係因為太"中", "中"到有d痛…哈哈!

我鍾意第一輯多d o既原因呢, 係因為佢d笑位真係好得, 大路而廣泛得多 (應該無人get到我講咩…如果你get到, 請俾個5我!), o個d咩"6個6"呀, "da me smoke"呀, 仲有brenda去相睇之「睇相就公主，睇樣就蕃薯」呀…係好細微的情節, 但每個都好好笑…好港式, 好融入到生活, 好cult! 係難得一見真正的"港產片" ! 仲有d"地道"sms, 有邊個會無send過? 真係好有共鳴! 仲有“n 55!w !”~~~呢個真係最得! 當年真係狂腥俾朋友囉!



今集呢, 其實層次係再高咗, 係升呢版…深入咗, 到肉咗…以續集o黎講呢,已經算好好! 不過有d位, 其實係幾heavy (唔知你有無同感?)! 今集除咗港式文化, 又加入咗港人北上呢d元素…不過其實佢又唔係真係講好多內地文化o既! 舊愛新歡大執位…舊愛變新歡, 新歡又變舊愛, 正印變小三…藕斷絲連, 掟煲唔掟蓋…呢d都係港男(or even港女)好common的陋習…拖泥帶水, 最終搞完一輪, 先發覺已經恨錯難返, 失去咗自己o既最愛! 春嬌明明係忘不了志明, 雖然搵到個客觀條件絕對俾花o靚志明好的新歡, 卻忘不了舊愛, 仲不知不覺間變成另一個志明…但反而又因為佢呢d從志明身上學番o黎o既鬼主意, 吸引咗個新歡! 太吊詭!

有好多朋友問如果你係春嬌, 會揀志明定光頭佬? 咁其實答案係好明顯啦…理智地當然係會揀光頭佬, 至少佢踏實d同埋有安全感d…但感情從來都唔係理智o架啦, 亦無對或錯, 只有鍾意同唔鍾意…春嬌明顯係鍾意志明多好多, 雖然志明多番令佢失望…但我諗個個都會揀志明啦 (即使佢無余文樂咁靚仔…哈哈)!

志明亦搵到樣靚身材正的內地佳麗, 但又反而忘不了o係世俗眼光"唔多相襯"的春嬌, 暗地裡又翻撻番, 又係有"志明與春嬌"的指定場口…卡拉ok, 玩骰盅, 打邊爐, sms…仲有o個d blank sms或者扮send錯俾人的sms…試問邊個未做過?! 呢d又係好到肉囉!

最尾志明為春嬌拍o個個"別問我是誰"mv, 其實我又覺得無坊間講到咁好笑…反而上一輯ending的"天堂疴屎"同埋d人逐個講吓對愛情的觀感仲好睇!

我淨係想講, 余文樂扮女人好似佢舊女友黃伊汶囉!



不過後尾睇番d報導, 話王馨平係彭浩翔年輕時的女神…咁佢用呢套戲o黎滿足自己的少年夢想, 仲要咁put effort去拍晒成個mv, 呢一點我又buy喎!



仲要搵埋王馨平o黎客串就更加抵死! 戲裡面春嬌見到王馨平, 仲問佢"其實當年你點解會同鄭嘉穎分手? 我以為你哋會結婚添...", 相信係好多九十年代年青人的心底話…haha, 好有共鳴! 我係估唔到佢真係會加句咁o既對白囉!

仲有"別問我是誰"裡面個扮花o既手勢又係經典! 繼上次o既八十年代經典"最後的玫瑰"之後, 彭浩翔導演又幫d舊歌翻生 (呢期勁多人唱"別問我是誰"囉)…今次輪到我哋九十年代的回憶喇!



同埋鄭伊健o既出現又係搞笑…咩"唔好意思, 夾咗你條菜", 仲有"動地驚天愛x過"又係好笑…haha!

仲有o個句俾伍家謙推咗上報的"一世流流長, 總會愛上幾個人渣"又係啜核!



Oh, 點解令次無咗方皓文? 其實我幾鍾意睇佢, 佢上輯做得幾好喎!

不過今次由3級變成2b, 多咗好多人可以入場睇…見佢今次大收, 都戥佢好開心! 畢竟香港真係需要呢d好有本土特色的製作…點都要支持吓呀! 同埋就係因為春嬌同志明係太過typical的港男港女…總有一個o係你左近 (甚至係你自己), 所以先會咁有共鳴…咁得大家喜愛!