4-1(sun) 4月1日九周年…+當旺爸爸
又一連睇咗十集“當旺爸爸”, 其實ok喎…輕輕鬆鬆溫情戲, 有時又幾好笑…又係”老友狗狗”嗰隻style…近年次次馬浚偉拍鍾嘉欣都係呢隻style!
同埋佢哋都真係做得好似一家人, 今次蕭正楠做得幾出喎, 樂瞳都做得幾好! 最好笑係啱啱o個集“超音巨聲”…首先搵班真正o既超級巨聲做“超音巨聲”宣傳片, 跟住又有miss chan chan, 陳奐仁, 杜麗莎, 仲有昆美, 大笑甜…hahaha, 直頭”娛樂插班生”咁款! 跟住又”dai”番自己d參賽者被out時喪喊…笑咗!
仲有, o個班扮”超音巨聲”參賽者的茄喱啡其實個個都有見過吓…阿”天與地”家明, 王淑玲, 成o日係d戲扮女人o既李豪, 仲有丁樂鍶…個個都唱得幾好喎! 仲要乘機叫佢哋唱晒tbb d主題曲打吓歌! 高招呀吓!
同埋我想話蕭正楠唱o個首主題曲都幾好聽!
依家d新聞報導真係加入唔少"娛樂"元素, 頭先晚間新聞講少年警校40周年, 本來我一邊睇緊報紙, 無啦啦聽到佢講"離開警校廿年的...張家輝!!!"...即刻ngok高頭望吓個電視, O咗兩吓嘴...跟住目不轉睛咁睇完成段新聞...hoho!
雖然見到張家輝會忍唔住想講番句: “家咩姐呀？我姓甘㗎！”…但見佢歩操的確係幾型囉! like!
同埋呢, 我想話諗出呢條新聞橋的人真係好得…成功引起咗我哋注意, 仲令到我睇晒成段新聞, 無啦啦知道咗少年警校40周年, 90年代摺咗, 下年有開放日, 今年5月山頂警察博物館會有展覽...搞到我都想去睇吓!
又到一年一度o既4月1日愚人節…9年咁就過去咗, 2003年o既sars“香港變疫埠”傳聞, 淘大E座居民被隔離, 當然, 最震撼o既係哥哥張國榮跳樓o既新聞…全部發生o係同一日…好可怕的一天, 令全香港人永遠都不能忘記的一天!
每年一到呢一日, 當然要回顧吓哥哥o既歌曲…亦都當然, “賣飛佛”係呢首, 特別係呢個畫面…
過去九年的四月一日…
2011:
“想妳~~~”+甄楚倩
2010:
新浪微博+當張國榮遇上陳百強…
2009:
風繼續吹…不忍遠離…
2008:
繼續寵愛
2007:
風繼續吹
2006:
誰能代替你地位
2005:
愚人節
2004:
4月1日
2003:
陪伴我們那代香港人成長的“哥哥”
SALUTE TO A LEGEND (1)
SALUTE TO A LEGEND (2)
SALUTE TO A LEGEND (3)
SALUTE TO A LEGEND (4)
SALUTE TO A LEGEND (5)
posted by 芒姐 at 12:48 上午
10 Comments:
仍然掛住哥哥...
無記新聞繼噚日有張家輝之後,今日輪到搵903 DJ朱薰做試卷,真係娛樂化左d(不過朱薰都曾經做過無記記者)
&今日當旺爸爸比蕭正楠唱哂成首遙遠的她咁好既,想捧返佢做歌手?
盛世仁傑睇左第一集,原來係查案劇,只係個感覺硬係舊左d,應該都好睇既...唔知有冇網友上網同期睇海外發行既女警愛作戰呢?
盛世仁傑我地幾年前播咗啦。頭半部好睇，之後開始唔知點咁，而且太慘，Ｄ主角死吓一個死吓一個。不過芒姐呢Ｄ古裝劇都唔係你杯茶。
溫哥華匿名人
溫哥華匿名人,
哈哈! 你好了解我!
不過我都會考慮得閒睇吓...畢竟係4年前拍的戲, 我想睇吓佢點解可以擺咁耐...d主角都走晒咁滯! haha!
oh, 我miss咗朱薰做試卷...等我search吓youtube有無先!
係啦, 似乎想捧返蕭正楠! 不過佢o係呢套做得幾好!
明年便10周年了...
芒姐,睇左"春嬌與志明"未?好好睇!
歌都好好聽!
第一日即刻碌咗去睇啦...不過唔寫住, 等多d人睇咗先! 你覺得上一輯好睇d定呢輯好睇呢?
I am currently watching 女警愛作戰 here in US. Last night, it was the first episode.
海底的针
盛世仁傑 was not bad ga. As 溫哥華匿名人 mentioned, it was a bit sad toward the end.
海底的针
發佈留言
<< Home