7-28(mon) 估人名
嘩, 今日熱到呀! 唔止熱, 其實係焗…想打風又打唔到o個隻, 好辛苦! 今朝仲要趕去灣仔做o野, 又著住對高跟鞋, 又遲o左出門口…最大鑊係去到灣仔地鐵站見到人山人海, 先醒起書展今日仲未完, 一早已經有好多年輕人塞實晒個出口, 想跑都跑唔到, 結果遲o左幾分鐘…嚇到我鼻哥窿都無肉!
今晚就開始做“溏心2”…話咁快就一年! 雖然話係全新故事, 但打正“溏心”續集旗號…對於呢d續集或者延續篇 (whatever you call it…), 一向無咩期望! 不過d人都ok吸引, 所以都會睇o下…或者睇落會有意外驚喜呢! 不過佢o地o個幾個兄弟姊妹叫什麼“家好月圓慶中秋”呢個idea我真係好頂唔順…攞晒命! 唔好話俾我聽呢套劇會o係中秋結局, 跟住搞一個賞燈會叫晒d觀眾一齊去食月餅兼睇大結局…?!
下面o既連環圖係前幾日有朋友send俾我, 都真係幾好玩o下, 後尾有d我都估唔到添…! 應該有好多朋友已經玩過, 不過可能都有d朋友未玩…post出o黎俾大家玩o下…明天開估!
posted by 芒姐 at 11:07 下午
6 Comments:
熱到我今日差啲頂唔順!
估人名~ 好易 ja 噃!
真係焗到好辛苦! 希望過幾日會好d啦。
哈哈唔好話我話丫，我覺得佢會中秋大結局XD 搞唔搞個宴會賀中秋就睇收視好唔好啦:P 不過我都覺得佢地D名好格硬，同埋好怪呀，陳法拉叫亞慶反而係男丁既林峰叫亞好（打既時候我諗起真情亞好姨呀唔知點解哈哈）...
btw, 上輯係家族成員之一既bosco今次被out出「族譜」了.. 我寧願out出既係黎諾懿哈哈（因為佢ｄ懶音同英文:P）
呢排真係好熱...
唔止係熱咁簡單...直頭係焗到透唔到氣!
"溏心2"錄o左未睇...但我依然認為"家好月圓慶中秋”呢個idea真係娘到爆!
我差第四頁第二行中間那個估唔到. 芒姐知唔知道答案?
Al佛,
有呀...有人SEND埋答案俾我...後面O個D洋人名都幾搞笑...
發佈留言
<< Home