10-31(fri) 吳君如@志雲飯局
上個禮拜六去剪頭髮, 睇o左一本新出爐o既明周, 除o左有do姐同呂方分手的報導, 仲睇o左一篇係志雲飯局o既文字版, 訪問吳君如! 平時o既“志雲飯局”都好少刻意去集集上網睇, 只係一d好有興趣o既artistes先會睇o下…但今次因為睇o左個文字版, 好有好有興趣去youtube搵番個真人版…嘩! 真係幾好睇…吳君如個人真係幾funny…我buy呢d!
吳君如 (1/10)
其實一向都ok欣賞吳君如, 是關佢幾爽朗, 大癲大肺, 好好笑…最重要係轉數快, 聰明又有自信…呢d都係我好buy o既o野…同埋佢寸寸o地, 但又寸得有point加抵死嘛…呢樣好最緊要…寸而唔好笑就係一個大忌…成日都話寸人係一門好高深o既學問! 前幾年佢o係有線主持o既《先睇星期四》同《再睇星期五》, 又係好多集都笑死我!
呢集志雲飯局真係幾好睇…可惜youtube未有下集…我o個次睇文字版就一氣呵成兩集內容講晒!
同埋阿君如拍埋志雲大師度又係有一定化學作用…平時我又係好少聽電台, 但o個次有個friend極度推介仲send埋志雲上“嘩嘩嘩打到o黎”o既錄音o黎俾我聽…一聽之下又真係超好聽, 笑爆嘴喎! 平時見志雲正正經經, “大方得體”咁訪問o下人, 原來佢搞笑同自嘲都有一手…係有d計o既…抵佢可以o係tvb坐到呢個位!
一開始阿志雲大師話因為吳君如係第一百集嘉賓, 所以有特別的歡迎儀式…但佢就話震到佢耳仔都聾埋…好抵死!
吳君如 (2/10)
同埋我知我點解咁buy吳君如喇…原來佢真係同我有d相似! 又係好鍾意食o野, 仲要係好識得欣賞食物, 見佢食o野個樣真係衷心食得好開心就知! 其實咁多樣開資之中, 我最捨得就係用係食o野度…咁人各有志啦, 有d人鍾意買手袋, 有d鍾意買化妝品咁…我同佢都係對食有要求, 佢識得enjoy 食o野都係一種藝術o黎o架嘛…我buy!
睇番wiki, 原來佢又係獅子座…唔怪得知我o地咁似…哈哈哈哈哈哈哈!
吳君如 (3/10)
吳君如 (4/10)
吳君如 (5/10)
posted by 芒姐 at 11:02 下午
7 Comments:
睇緊翡翠歌星賀台慶o既直播, 忍唔住要問下mon姐有無都睇緊, 因為實在太太太太太好睇喇!
無線今次又係玩懷舊, 無論造型、中文歌、英文歌... 由初初六七十年代開始玩, 玩到後尾阿倫同克勤唱番八十年代o既hit歌, 全場都起晒身跳舞, 大家都好似好high咁, 超級熱鬧兼有氣氛!
不過薑還是老的辣! 中文歌英文歌快歌慢歌阿倫都得! 如果無左阿倫, 個節目都唔知會變成點!
Amazing
係呀係呀 我都覺得今年奀星賀台慶好得
首先d歌星造型夠晒搶呀 Kay 個look超靚
d 造型好過晒早幾年啦
又多前輩歌手個d！
最重要係無再搞無聊表演 正正經經唱歌
好多part 都好正！bandsound 個part勁high
菊姐個part 又係好聽
雖然我得十幾歲不過最尾個堆medley 都聽過下
又係正野
今年搞得真係好太多喇
好似好多年無睇大show睇得咁開心
btw dodo真係pro！同埋個兩個新mc都唔錯！
by PKL
RE: "翡翠歌星賀台慶"
今年簡直係"喜出望外"...本來睇頭幾PART都有D悶, 但一去到草蜢出場之外D氣氛就出晒, 一路落有幾PART都好得!
尤其係原本今年全無EXPECTATION, 所以特別覺得好得...前兩年係唔掂到要熄機, 今年居然可以有番05年復辦O既水準...我同D電視friend都一致激讚!
RE: "翡翠歌星賀台慶"
節目初段, 我一聽到阿Sa同謝安琪唱到甩晒嘴就即刻轉台, 乜原來後面咁好睇既咩? 咁要download睇返先.
一向對容祖兒冇好感. 但睇完嗰晚佢同關菊英合唱嗰 part, 喂, 好掂!
極有潛質直逼梅豔芳~
梁巔巔,
哈哈...對容祖兒本人一向都唔太buy, 但坦白講, 佢o既唱功係無容置疑o既....
Al佛,
咁你一定要download番o黎睇...尤其草蜢o個part...真係好得!
發佈留言
<< Home