4-22(sat) 女人唔易做
尋晚“娛樂直播”又有林峰訪問, 真係好…但係點解兩次都係勁悶o個位敖嘉年先生訪問佢 (要再講多次, 佢個feel真係好洪朝豐)…係咪代表佢不受重視呀? (因為次次d勁o既嘉賓都係由amigo訪問!)
睇o左幾集佢主演o既“女人唔易做”, 都幾ok呀! 可能因為本身d演員個個我都幾buy, 林峰, 吳美珩, 鄧萃雯…選角非常好, 拍緊時我已經想睇! 仲要原來係我好喜歡o既監製潘嘉德o既作品…更掂! 劇情既新鮮又輕鬆, d人又做得自然…係近期一套好有質素o既戲!
林峰個角色都幾得意, 做得幾生鬼…唔好話喎, 佢同吳美珩o既姐弟戀居然出奇咁襯! 吳美珩近年又係愈o黎愈得!
今次佢居然同謝天華做兩夫妻…唔知點解睇見佢兩個, 總係會諗起“真情”o個兩姐弟羅生肖+羅生門…呢套戲果然係令人好深刻! 雖然現實生活中吳美珩係細過謝天華, 但“真情”實在太深入民心, 總係覺得佢o地係兩姐弟!
呢排睇到本舊香港電視, 講個dj叫梁穎顏唔知去英國探佢呀哥…睇睇o下原來係“真情”o既may may馬蹄露, 原來佢一開始做商台時係用真名…依家已經無人知佢個真名!
哈哈, 睇呢套戲o既另一驚喜係居然有羅慧娟, 我事前唔知佢出番o黎拍戲…好似話因為佢個好姊妹鄧萃雯力邀佢客串o下! 好耐無見過佢拍劇, 見佢同鄧萃雯拍埋一齊, 彷彿回到八十年代 (或九十年代初啦)…好令人懷念! 我覺得應該搵埋劉美娟, 黎美嫻, 邵美琪呢d八十年代尾大紅o既花旦出o黎一齊拍番套劇呀! (btw, 點解呢個年代o既花旦, 個個都叫“x美x”?)
oh, 仲有…o個位前屆港姐冠軍徐子珊小姐, 點解真係愈o黎愈樣衰?! 嘩! 大佬! 講俾人聽佢係港姐冠軍都無人信! 今次真係要sorry晒阿馬國明…佢居然要拍徐小姐!
同埋我覺得搵楊千嬅隻歌做主題曲好o岩…好貼切, 好好聽! 其實tvb今年已經儲o左咁多隻女歌手/女藝人o既歌, 隻“女兒紅”碟應該好快出得啦…不過其他姐仔d歌真係唔多吸引, 尤其係“一級豬”思琦姐首“馬戲歌”…整體o黎講同上年隻“男人魅”大碟standard差好遠!
posted by 芒姐 at 12:51 上午
16 Comments:
Monica Jeh Jeh, so do you like Kate better or Shirley Yeung better?? I would think that Shirley's acting is slightly better! Haha! So you like this drama series?? I bet it's good! It has Raymond in it!
我其實唔明點解徐子珊有冠軍, 我覺得佢一開口講野 (i mean d 訪問), 就顯得佢好唔大方得體, 好巿井... 不過佢唔知有咩過人之處, 竟然俾導演睇中, 有得拍戲, 犀利...
哈囉哈囉,好耐無見啦,因為之前套咩馬戲團,真係睇到眼火爆(well,其實都無咩點睇過),所以一直都無咩留言呢~哈哈
嗯嗯,我覺得今次的女人唔易做真係唔錯啊,三個主角都做得唔錯,六星之中果然係以林峰的演技最唔錯了,不過我最鍾意都係鄧萃雯,哇,真係由佢扮?種好堅強但其實內裡又?軟弱的女強人,襯到爆炸,加埋千fa隻歌,一絕(題外話,呢種歌都真係只有千fa先唱得出?種"腰"心"腰"肺的感覺,哈哈)~
中午的情?百子櫃啊,好好睇啊,呢套都係我比較想重睇的無線劇,哈哈~
喂?我鍾意阿梁蝦仁個大男人角色喎！其實我以往好少睇佢，除左孖仔孖心肝，但係佢呢套既大男人真係演得幾好笑下喎！成家人坐o係電視前有人按門鐘竟然無人應，要個老婆仆咩咁仆出黎開，然後食飯時搵隻筷子敲下個碗指下碟送又有人仆到咁去挾，笑到我死死下！呢套戲既男人角色對比真係做得幾好！
原本只係諗住捧鄧萃雯場點知全劇都好有驚喜，唔錯！
除左徐子珊果塊咀險，立下眼睇真係以為佢係阿夢想打鑊佢！
雲,
我都覺得梁家仁幾好笑...基本上全劇o既男人角色都舖排得幾好...直頭應該話全劇所有角色都性格特出, 真係寫得唔錯! 每集都好細膩!
鄧塔:
好耐無見!
林峰的確係好得...睇完呢套再得o左d! 做得好無特止...佢成個package都好討好! 佢暗戀吳美珩o個段都幾搞笑...唔知點解我之前4集都唔覺有咁o既舖排! 吳美珩呢個角色都幾討好, 終於唔係d professional角色但佢都fit in到! 鄧萃雯o既演技就唔洗講啦!
雪人,
哈哈...其實當初徐子珊選o左出o黎做冠軍, 我係力讚過o架...詳文可參閱:
http://hejnom3.blogspot.com/
2004_08_16_hejnom3_archive.html
依家我睇番都覺得好無taste! 又或者咁講啦, 當日我真係覺得佢係得, 而o個個賽果亦都係合理o既! 你依家問返我, 我仍然會咁講! 即係好似譚小環個case咁, 佢當選o個日真係佢咁耐以來最得最靚o個日, 到依家我仍然覺得o個日佢應該當選...只係唔知點解之後會變成咁!
所以徐子珊亦一樣, 佢依家應該收皮喇! 佢依家唔知點解連咬字都好似差過以前, 講o野一舊舊! 但當時佢對答真係幾ok喎! 哎...
bc,
well, this is a really difficult question for me? How am I supposed to choose between that two whom I dislike so much?
For acting, perhaps Shirley is a little bit better, but she has much more experience, so it's unfair to compare! For appearance, of course objectively, Shirley is also a bit better...but I just don't like her style!
Um...if I'd really have to choose, I think I can't stand Shirley even more as a whole (perhaps bcoz I didn't get to see Kate as much but Shirley appears in so many dramas and she's now one of tvb's TOP actress...it's like...what the hexx?! )
祝芒姐 hit rate 超過十萬~
m,
多謝你呀! 但我cap不到...好唔開心! 哎...算啦, 我與雙白金無緣!
芒
Dear Mon Jeh,
Congratulations on your 雙白金! Should be proud ar.....so many fans! >__<
Agree that 徐子珊 was OK when she was first chosen.....I remebered that she was very good at ballroom dancing. She was smart during interview.....
Then she became a "發水麵包" during her rumour with Leon =___=
Now, 直情慘不忍睹!
CC,
多謝你一路以o黎o既支持...亦都順道多謝埋其他讀者o既支持, 尤其係由diaryland開始o既讀者...我會為三白金, 四白金, 六白金而努力...哈哈!
徐子珊當年真係ok o架, 表現得幾好, 尤其跳舞開正佢o個瓣, 又幾有大將之風...唔知點解依家佢會跌晒watt?!
雲話佢似阿夢...某程度上我覺得阿夢仲好樣過佢!
徐子珊真係無乜貴格...一D都唔大方..
女人唔易做真係好睇呀,我已經好耐都無追劇集,但係呢套..好睇！
um...如果呢套戲無o左徐子珊同馬國明o個段會好好多! 不過overall真係幾唔錯?!
其實我麻麻地鍾意阿夢, 硬係覺得佢好唔順眼, 但係有埋徐子珊, 我prefer 阿夢多少少囉~
因為阿夢唔係走d靚女路線...佢sell懞剩剩反而無咁克人憎, 但徐子珊走d靚女路線但佢又唔靚, 所以咪唔work囉! 依家我覺得佢唔似湯寶如, 反而似唐老鴨!
發佈留言
<< Home