2006年4月16日星期日

4-16(sun) 翡翠群星大贏家

嘩! 簡直係“六月飛霜”呀…有咩可能四月會咁凍o架? 仲要係前幾日係熱到著短袖衫都出晒汗, 有咩可能呢兩日忽然間會凍成咁…直頭好似返o左聖?節! 咁o既天氣實在太令人無所適從喇! 等我前幾日仲懶醒咁洗晒d冬天衫, 諗住凍極都有個譜呀…點知就“lai”o野!

好彩o係咁凍o既一日打o左個邊爐 (但之前好有聊咁去o左效遊…真係唔凍o個日都唔去!), o係隔離“木台”仲見到有線個陸浩明…我覺得好樣過上鏡喎! 大家都知道有線娛樂新聞台o既主播我比較buy就係佢同janis…其他o個d係就係幾靚仔靚女, 但都係佢兩個就最有台型, 最淡定有錢剩! 初時睇有線, 唔明點解會揀“六號”做主播, 因為佢o地擺明要d sell樣o架嘛…但睇o左無耐就明白o左喇! 佢唔算靚仔但都有得做頭號主播, 一定有佢過人之處 (即係好似不嬲舉開o既kary@cookies例子咁!)…咪就係佢夠鬼馬囉! 今次見到佢真人, 發覺原來佢作為一個普通人, 其實已經幾好樣o下!


呢期買o左呢個好搞笑o既game, 係tvb經典角色版o既大富翁, 叫“翡翠群星大贏家”…最初o係yesasia個site見到, 覺得好搞笑, 之後有朋友話我聽佢買o左o黎玩, 都幾得意o下! 於是我又買o黎睇o下, 都幾趣怪…尤其係加插o左好多tvb經典角色o既口頭禪同埋其他場景! 諗到呢個crossover o既員工確係勁…六叔應該加佢人工! 我絕對唔係打算幫ya sell佢o地d產品…只係作為一個tvb fan屎…點都要同大家分享o下! 因為我唔知市面上邊度有得賣, 唯有用佢o地條link!


《翡翠群星大贏家》是首個榮獲電視廣播有限公司(TVB)授權的合家歡電腦遊戲。本作突破傳統的紙板式大富翁遊戲,並加入風趣抵死的整蠱卡片和道具等,玩法簡單直接。遊戲有超過20多個經典的電視節目人物共治一爐,每個角色都會以原裝角色發聲,說出經典對白,保證爆笑連場!


睇番d舊雜誌, 忽然好多疑問…咩原來吳岱融同陳美琪拍“奇幻人間世”時曾經戲假情真咩?! 點解我一d印象都無? 我o個時都曾經係“奇幻人間世”fans o黎o架嘛…幾年前佢重播我都有追多次! 雖然我唔鍾意睇古裝劇, 而o個時亦都未鍾意邵美琪…但係呢套戲本身個劇情出奇地吸引我…真係好“奇幻”囉! 同埋劉華同吳婉芳唱o個隻主題曲“秋意中等我”真係超好聽! 但係吳岱融同陳美琪…真係好姊弟feel…佢o地當年有無承認過戀情o架?!

原來有套舊戲叫“末代天師”咩?! 睇到杜德偉一個同名mv, 係播呢套劇o既片段…佢自己有份主演, 仲有李婉華, 許志安, 陳庭威, 何美婷, 蔡嘉莉…幾時播o架?! 點解我又係一d印象都無?!

仲有, 忽然醒起八十年代中後期, 係咪逢禮拜日6點倒, 有個由林憶蓮主持o既音樂節目? 我印象好模糊, 但又忽然記得我好似當時都偶然有睇過個咁o既節目, 唔知我有無記錯呢?!

10 Comments:

Anonymous 匿名 said...

mon jeh,
I don't know 'bout 吳岱融同陳美琪 gossip. Hm, interesting.
More about “奇幻人間世” @ :
http://www.maggieshiu.net/bbs/dispbbs.asp?boardID=9&ID=988&page=2

吳岱融,陳美琪 have fans club at baidu.com .

12:03 上午  
Blogger 芒姐 said...

oh shaw_mag,

睇番d雜誌好似講到真咁...但我一d印象都無! 不過呢套劇我細個時已經好鍾意睇!

2:05 上午  
Anonymous 匿名 said...

星期日的音樂節目叫新地任你點,但我不記得sandylam做過主持

9:02 上午  
Blogger 芒姐 said...

moo,
原來叫"新地任你點"...咁可能往後o既"週未任你點"同"sunday新地帶"就係由呢個節目分拆出o黎!

12:47 上午  
Anonymous 匿名 said...

八十年代後期o既林憶蓮已經彈起o左, 應該唔會做"新地任你點"o既主持喎... 佢出完唱片之後連611都無做啦!

後期我就真係唔記得, 我淨係記得84/85年o既"新地任你點"主持係盧敏儀, 再之後, 我就唔係好記得, 直到91年左右, 呢個節目就由梁榮忠、林映輝同唔知邊個接棒做主持。

1:04 上午  
Blogger 芒姐 said...

但係我真係有個咁o既recollection...我諗大約86,87左右...會唔會佢做替工?!

九十年代o既"sunday新地帶"我就記得喇, 個個禮拜都追...第一代主持係王翊 (好似之後變o左阮兆祥)+梁榮忠+林映輝...後來祥仔仲同時間做埋禮拜六"週點"主持...拍檔就係我當時最喜歡的sammi!

1:11 上午  
Anonymous 匿名 said...

做替工... 都有咁o既可能。86年佢應該仲未上位, 佢起碼到87, 88年先叫做有d 號召力。

阮兆祥拍Sammi 主持禮拜六o既"週點"... 呢樣我有印象呀, 我仲記得o個時Yes話阮兆祥追Sammi, 笑佢係癩蝦蟆!

2:45 上午  
Blogger 芒姐 said...

唔知點解呢個林憶蓮主持禮拜日音樂節目o既畫面好深刻, 但只係睇過一次半次...大約係87年倒...

阮兆祥追sammi咁又唔出奇喎...雖然佢唔靚仔, 但好似好受d靚女歡迎...佢d女友個個質素都唔差...可能因為佢個人funny!

不過o個期係勁傳克勤同sammi, 因為播緊"浪族闊少爺"...仲傳o左好耐...我相信都有幾成真!

3:20 上午  
Anonymous 匿名 said...

Hello! 我是翡翠群星大贏家製作人。多謝你欣賞我的game,真的有老懷安慰之感。

打爆機了嗎?有沒有寄回說明書的問卷?會送你300點給你買game內的卡的!

再一次多謝你!

8:05 上午  
Blogger 芒姐 said...

翡翠群星大贏家製作人,

真的嗎?! 可惜我近期無時間玩, 有排都未打爆機!

你的遊戲很有創意, 請繼續努力啊!

6:45 下午  

發佈留言

<< Home