12-1(mon) 李思捷@鐵甲無敵獎門人
平時無咩點睇“獎門人”…尋晚咁好彩睇到…居然有特登為李思捷度身訂造的表演環節…好精彩! 好彩無miss到o者!
前幾日又同d電視精朋友討論開, 佢o地覺得“珠光寶氣”o個個twist好似唔係咁簡單, 好可能係twist上twist…因為之後d劇情好似話係邵美琪會同o左黃德斌, 同埋片頭都有佢o地嘴o既場面…佢o地都話覺得其實黃德斌係扮基, 等邵美琪同林保怡一齊都唔會內疚, 同埋又可以名正言順咁繼續同佢o地兩個一齊, 所以筅叫邵美琪唔好講俾林保怡聽佢係基!
嘩! 如果真係咁樣twist上twist…又真係未免太twist喇o卦?! 我真係又估你唔到喎!
posted by 芒姐 at 10:27 下午
15 Comments:
我星期六去睇話劇有黄德斌做神秘嘉賓,佢嘅出現好unexpected,跟住全場女觀眾全部大叫拍掌, 佢跟住仲因為劇情須要除咗件衫添! 佢個身形好正, 連男仔(ie 我男友)都話佢身形一流!之後仲走咗去同佢影相!超興奮!!都唔知幾想同佢講好鍾意sunny個twist,但最後都係唔好意思!覺得好抵呀！又有話劇睇,仲有猛男送添!!嘻嘻
豐豐
李思捷果段真係正到爆，形神俱似，我覺得無線真係要掹番d 扮嘢節目出來，咁就保證有收視喇。
哇，咁又真系几twist喔。難為左個編劇，82集，要作咁多嘢
李思捷系youtube有段片係扮阿城城又唱又跳失憶諒解備忘錄…都好正！你有無睇過啊？
芒姐, 有冇留意周家怡, 三線劇都見到佢...
tfil,
有呀, 佢o係"畢打自己人"做"被懷疑係殷賞1979年出生o既妹"呀嘛? 哈哈...其實我幾ok佢, 幾有格, 同埋做戲都幾自然!
原來佢今年已經同林峰/楊怡/唱k等人一齊拿十年金牌...真係估唔到! 99年佢作為新人"刑偵4"佢有份做古天樂差館裡其中一員都幾多戲, 估唔到反而愈做愈少...真可惜! 其實佢都做得幾好呀!
匿名,
係咪指呢段?
http://hejnom.blogspot.com/2007/11/11-30fri.html
李思捷真係幾得o架!
匿名,
咪係...依家仲有50集, 應該仲有排twist...
敏兒,
咪係, 祖藍都可以有個特輯 (雖然因為佢出碟), 咁李思捷都應該有個特輯show o下quali, 或者三寶一齊整個節目都好呀!
oh 豐豐! 你睇咩話劇? 做咩會有黄德斌做神秘嘉賓? 做咩唔帶埋我去? 同埋做咩佢要除衫? 咁做咩你又唔show張相俾我睇?!
Re: 周家怡
我都幾鐘意佢㗎，但係會唔會係佢把沙沙地嘅聲累事？
葉凱茵又點睇？佢都幾靚，但係身材蝕底少少（連佢本人都係咁話）。
仲有簡慕華，佢有美貌有身材，但係又係紅唔起。
其實佢地全部都各有令人難忘嘅角色，但係始終冇辦法擔正。真係唔抵。
周家怡幾好, 幾有格, 個樣都唔錯.
葉凱茵就麻麻喇, 樣稱唔上靚, 而且太有風塵味.
簡慕華個鼻好唔順眼, 同埋硬係覺得佢有D老土.
我諗沙聲又無咩太大影響...好多把聲都唔係話十分好聽, even關詠荷把聲都有少少沙...但周家怡確係無主角格!
葉凱茵我同樣係麻麻...唔係話有咩唔好, 但同樣真係唔特別順眼同埋太大隻...但原來佢係李思捷女友!
簡慕華其實幾ok o既, o個時佢選港姐又好似係20號 (?!)(總之好似係last o個個...), 之前一年有個又係最後號碼o既陳詠嫻我成日覺得佢o地有少少似...不過後尾簡慕華好似做得好d...不過同樣o地, 佢個樣都係無主角格...不過或者可以好似佢"同事三分親"個拍檔黎耀祥咁, 做配角然後殺出一條血路o既...
芒姐：
係呢個啊！唔知你有無留意過呢？^^真係正到呢…
http://hk.youtube.com/watch?v=TEJ9tQuuTEE
世界真細小，又或者可以講，好似 Six Degrees of Kevin Bacon.
我點都諗唔到兜咗一個圈，原來葉凱茵係李思捷嘅女朋友！
或者香港娛樂圈係 Three Degrees of 曾志偉，又可能係 Two Degrees of 汪明荃。。。
Marky
發佈留言
<< Home