2009年1月3日星期六

1-3(sat) 2008年度十大勁歌金曲頒獎典禮

本來想講o左年頭第一個頒獎禮先, 但勁歌今年無啦啦提早o左一個禮拜, 搞到兩個頒獎禮只差兩日, 前o個個未寫得切, 咁當然寫o左更多人會留意o既tvb勁歌總選先啦…

首先都係o個句, 大家最緊要放鬆d唔洗咁緊張, 亦唔需要o係呢度展開罵戰…我近十年都係本住個show好唔好睇o既大前提去睇, 今年算ok…個賽果幾估佢唔到, 高潮迭起…同埋d賽果o係分豬肉o既大前提下都分得尚算稱心…至少稱我心, 至於稱唔稱大家心, 好明顯就係見仁見智o架啦…睇o下你buy o既歌手得唔得到獎 (更重要o既係你唔buy o既歌手得唔得到獎o者…係咪?)…



最驚喜當然係女歌星獎啦…真係發夢都估唔到…真心替楊千嬅高興, 仲開心過佢上次當紅時候攞女歌手…佢未必係最實至名歸, 雖然我都唔知邊個算係實至名歸, 因為今年樂壇真係一池死水, 除o左謝安琪隻“囍帖街”我都唔係好知有邊隻算係hit歌…但你話佢攞最受歡迎女歌手又真係未夠班! 至於容祖兒小姐…雖然我絕對認同佢唱歌係好聽, 但我同我的朋友無一個buy佢 (千萬唔好問我點解, 喜好呢d o野無得解, 同埋我亦都唔會o係呢度解!)…加上今次對千fa o係講係“雪中送炭” (當然, 我明白頒獎並唔係安慰獎), 比起錦上添花地俾容小姐超越埋梅姐個紀錄攞六連霸更有意思…雖然我都真係無估到會係千嬅!

我見崔建邦初時宣怖唔係容祖兒o個時, 佢個樣即刻禁不住la一la, 但知道係楊千嬅而唔係呢期o既死敵謝安琪o既時候, 反而有d relieved! 可惜我o個日出o左街唔係即場睇, 如果唔係應該更加刺激…呢個高潮位搞得幾好! 同埋千fa都算精神可嘉o架喇, 年年無論有獎無獎都照o黎…而佢o係之前訪問, 都算答得ok得體…

被 問 到 會 否 覺 得 無 綫 分 豬 肉 時 , 她 說 : 「 唔 好 話 分 豬 肉 , 係 睇 o下 我 個 file 厚 唔 厚 , 我 邁 向 中 女 的 祈 禱 , 玩 得 呢 個 遊 戲 會 遵 守 規 則 , 除 非 自 己 退 休 唔 做 , 我 會 接 受 賽 果 , 攞 得 入 場 券 就 志 在 參 與 , 總 會 奉 陪 到 底 , 做 歌 手 要 配 合 公 司 marketing 。 」

睇番勁歌wiki, 原來咁多年來千嬅只係攞過一次最受歡迎女歌手…我以為佢都至少攞過兩次添…可見近年來邊個攞最受歡迎男女歌星, 原來個震撼程度同八/九十年代真係完全無得比 (至少o係我心目中啦o下!)



至於男歌手, 又唔算好出人意表…但都有少少估佢唔到, 今年成個trend都係咁! 同埋我以為阿古巨基喊晒又好似失控咁, 會乘機公開佢女友身份…點知最後都係稱佢為助手lorraine! 記得96年佢唱緊“第二最愛”都ok紅o既年代, 走o黎我o地學校TQ表演, 佢個“助手”已經係一副女友姿態o係隔離管呢樣o個樣…估唔到佢到今日仍然稱呼人o地做助手…不過是但啦…佢鍾意點就點!

至於每年由阿利孝和夫人以一貫磁性聲線宣怖o既金曲金獎, 今年一定係“囍帖街”無走雞啦!

最尷尬位就當然係關心妍vs關菊英o個part啦…真係想點? 每年都要搞d咁o既o野…上年就頒錯獎, 今年就o黎一個攞錯獎…我睇到都戥佢好尷尬! 定係佢一早知道自己會有獎, 早o左衝出o黎? 如果唔係無理由會聽錯o架? 不過其實你話俾個傑出表現獎佢都合理過俾首金曲佢囉!

恕我孤陋寡聞, 關心妍隻金曲“龐貝.21世紀”, 我呢d已經無熱烈追樂壇新聞的“老餅”真係連個名都未聽過, 係佢唱到chorus我先勉強覺得好似有聽過一次半次! 同埋都要恕我無taste…我真係唔覺得呢首歌有幾好聽, 仲要攞埋金曲…佢初出道時是但拿起首歌咩“你有心”, “負擔不起”whatever都好聽過呢首100倍! 菊姐首"無心害你"點都hit過佢好多…如果佢兩個交換獎都合少少…可能關心妍自己都覺得係咁, 所以就衝o左出o黎諗住自製一個較合理o既賽果! (提外話:
菊姐呢個年紀, 真係算keep得幾好, 靚過好多女歌星!)

至於其他獎項…要分到人人有獎真係好高難度…連小肥, kary, 王浩信都分到個獎, 算係咁啦…係唔明點解反而無綫人王祖藍會食白果囉!

新人獎亦都算ok o既…自己人當然要有獎啦…台台都係咁, 如果唔係我點會幫你做o野? 呢樣我覺合理喎…親疏有別, 呢個世界一定係咁o架啦! 又係用個“新人薦場飆星獎”o黎夾硬加多個獎俾同金獎叮噹馬頭o既新人…查實呢, 我個人認為論唱功, 胡杏兒真係唱得好過鍾嘉欣喎, 雖然依家d人好唔鍾意佢, 一日到晚俾人叫胡囧囧都幾慘o下 (雖然我唔否認都幾抵死o下!)…我就淨係唔buy佢做喊苦喊忽戲o者, 佢本人我覺得好ok o架喎, 係無綫成日派呢d角色俾佢害o左佢, 當晚佢唱live唱得唔差呀!

鍾嘉欣我以為佢一定攞金獎添, 估唔到無綫俾個銀佢, 咁都顯~得~公平d!

阿G.E.M.小妹妹又真係唱得好好, 個樣都唔差, 有d黎瑞恩o既影子, 同埋唔知點解仲覺得佢有少少似翁美玲, 可能因為大家都細細粒個感覺有d相似, 當然阿翁靚d! 以17歲o黎講, 佢講o野都算好淡定同埋有紋有路, 雖然lur lur[月利]有d似徐子淇…但都ok可愛! 同埋佢勁歌o個晚個look幾靚!

但銅獎個馮曦妤我就真係麻麻, 個造型唔講喇, 佢唱都唔見得有d人講到咁好, 同埋我本人好怕呢d“氣聲”唱歌的歌手!

男新人方面, 陳偉霆真係進步o左好多, 無論跳同唱都係! 我記得幾年前睇佢參加新秀, 雖然攞o左金獎, 但當時其實唔係話十分得…依家真係有好大進步, 抵佢攞金獎!

而今年個新舊歌手crossover環節, 個idea其實幾好o既, 除o左頒獎仲可以有d o野睇o下, 又可以俾機會新人露o下面…但係, 佢無啦啦安排黃宗澤同陳奕迅合唱, 就真係擺明玩佢, 又一次愛佢變成害佢o既最佳例子! 阿bosco黃歌藝不嬲都唔係好o個隻, 唱自己d簡單歌都好“mun”水o下, 仲要佢拍住eason唱, 係咪玩o野呀? 你見佢個樣同埋身體語言都表達到佢超級緊張, 手都震晒, 青筋暴現…無綫又一次玩自己人! 而另一個愛你變成害你o既例子, 當然係無啦啦頒個唱作歌手獎俾鄧健泓啦!

唯一“後浪”受歡迎過“前浪”應該係王祖藍o個part, 古巨基真係慘…抽中o左王祖藍! 雖然今次祖藍唱得已經無平時咁好, 但又真係估唔到佢受歡迎成咁喎!

唔知點解一睇呢個“後浪vs前浪”環節…忽然令我諗番起10年前去現場睇勁歌o既情景, 可能因為見佢話叫eason/千嬅呢d"前浪"去同d"後浪"合唱, 我就番諗起10年前佢o地仲係後浪…時間未免過得太快! 同埋我想講, 千嬅呢期真係靚番, 唱歌亦好番d, 似番我以前鍾意o既佢…上次睇 “東亞華星”個show已經有呢個感覺!

仲有, 可唔可以唔好每年都叫志偉唱歌呀? Why why why? 佢又唱得辛苦, 大家又聽得辛苦! 同埋佢安排千嬅同阿sa一齊坐…又真係係咪玩o野呀?



《 2008 年 度 十 大 勁 歌 金 曲 頒 獎 禮 》 得 獎 名 單

最 受 歡 迎 男 歌 星 : 古 巨 基

最 受 歡 迎 女 歌 星 : 楊 千 嬅

金 曲 金 獎 : 《 囍 帖 街 》 謝 安 琪

亞 太 區 最 受 歡 迎 香 港 男 歌 星 : 陳 奕 迅

亞 太 區 最 受 歡 迎 香 港 女 歌 星 : 容 祖 兒

最 受 歡 迎 男 新 人 獎
金 獎 : 陳 偉 霆   銀 獎 : 黃 宗 澤   銅 獎 : 狄 易 達

最 受 歡 迎 女 新 人 獎
金 獎 : G.E.M.   銀 獎 : 鍾 嘉 欣 : 銅 獎   馮 曦 妤

最 受 歡 迎 組 合 獎
金 獎 : 農 夫   銀 獎 : HotCha   銅 獎 : Mr.

最 受 歡 迎 唱 作 歌 星
金 獎 : 王 菀 之   銀 獎 : 側 田   銅 獎 : 鄧 健 泓

2008 年 度 傑 出 表 現 獎
金 獎 : 關 菊 英   銀 獎 : 麥 浚 龍   銅 獎 : 陳 柏 宇

2008 四 台 聯 頒 音 樂 大 獎 大 碟 獎 : 《 Binary 》
監 製 : 周 博 賢 、 Eric Kwok   主 唱 : 謝 安 琪

新 人 薦 場 飆 星 獎 : 胡 杏 兒

最 受 歡 迎 華 語 歌 曲 獎
金 獎 : 《 心 裏 話 》 孫 楠   銀 獎 : 《 小 酒 窩 》 蔡 卓 妍 、 林 俊 傑   銅 獎 : 《 Love Song 》 方 大 同

最 受 歡 迎 廣 告 歌 曲 獎
金 獎 : 《 Lucky Star 》   容 祖 兒 銀 獎 : 《 I Miss You 》 陳 柏 宇   銅 獎 : 《 You Are My Best Friend 》 HotCha

最 受 歡 迎 合 唱 歌 曲 獎
金 獎 : 《 一 事 無 成 》 周 柏 豪 、 鄭 融   銀 獎 : 《 逼 得 寵 物 太 緊 》 小 肥 、 吳 雨 霏   銅 獎 : 《 最 難 過 今 天 》 胡 杏 兒 、 王 浩 信

最 受 歡 迎 改 編 歌 曲 獎
金 獎 : 《 渴 求 》 黃 伊 汶   銀 獎 : 《 只 要 和 你 在 一 起 》 孫 耀 威   銅 獎 : 《 千 嬌 百 媚 》 可 嵐

幕 後 大 獎
最 佳 作 曲 : Eric Kwok 《 囍 帖 街 》
最 佳 編 曲 : 王 雙 駿 《 跑 步 機 上 》
最 佳 填 詞 : 黃 偉 文 《 囍 帖 街 》
最 佳 歌 曲 監 製 : 金 培 達 《 寫 得 太 多 》

十 大 勁 歌 金 曲
《 跑 步 機 上 》 容 祖 兒 、 《 愛 不 疚 》 林 峰、 《 囍 帖 街 》 謝 安 琪 、 《 韻 律 泳 》 何 韻 詩 、 《 撈 月 亮 的 人 》 楊 千 嬅 、 《 他 的 故 事 》 張 敬 軒 、 《 龐 貝 . 21 世 紀 》 關 心 妍 、 《 眼 睛 不 能 沒 眼 淚 》 古 巨 基 、 《 歌 . 頌 》 陳 奕 迅 、 《 她 慈 我 悲 》 李 克 勤


勁歌金曲@芒姐再現:


2008-1-14(mon) 2007年度十大勁歌金曲頒獎典禮



2007-1-13(sat) 2006年度勁歌金曲頒獎典禮



2006-1-18(wed) 2005十大勁歌金曲頒獎禮 (下)



2006-1-17(tues) 2005十大勁歌金曲頒獎禮 (上)



2005-1-29(sat) 2004頒獎禮



2004-1-16(fri) 大迷信, 大迷信, 大迷信1993/2003?!



2004-1-11(sun) 勁歌後記



2004-1-10(sat) 2003勁歌總選



2003-1-5(sun) 2002年度勁歌總選review



2003-1-4(sat) 勁歌總選前奏



2006- 3-26(sun) 時光倒流12年...1993樂壇頒獎禮回顧

27 Comments:

Anonymous 匿名 said...

我是支持楊千嬅的,努力了這么多年,也不為過。持別喜欢她的小城大事。

10:41 下午  
Anonymous christy said...

所以我非常同意HOCC對記者講的啦
頒獎禮邊有公平丫始終人人心想得獎果個人都唔同。但今年最受歡迎女歌星我OK囉哈哈因為我鍾意千嬅! :)

不過講真丫,我覺得呢個獎TVB都幾難做下。俾呢個又俾人插俾果個D人又會話未夠班etcetc,我相信tvb一定係仔細衡量過先得出呢個結果既。

我都覺得千嬅靚左同唱歌進步左呀!雖然我係千嬅fans但我估我冇bias掛因為我有一期都覺得佢唱歌唔得個樣(定image?)唔夠靚我
唔鍾意,但而家呢個樣ok呀我鍾意!哈哈。

btw,我都想知,祖藍咁多個頒獎禮係咪一個獎都冇?我初初重以為祖藍響tvb度點都有返個新人獎拎下,但都係冇。果日睇佢同古巨基對唱,唔...其實祖藍都應該可以唔駛只唱funny輕鬆歌吧?

其實睇tvb個得獎list有d結果我都一頭問號..真係..好...與眾不同。

p.s.: 芒姐有冇睇珠光寶氣呀?唔經唔覺得返廿幾三十集咋! 我已經addicted左喇....-_-

11:59 下午  
Anonymous 屮冰刀屮 said...

gem 的表現令我很安慰!!!
我比她大一年(剛過19),
我覺得她的表現為我的那一代人(80年代尾-90年代初)爭了一口大氣!!!
好呀,
我地呢代終於有實力派唱將的出現了!!
當然,
年紀尚輕的她在歌藝上依然有進步空間,
但我會等,
等她變得更成熟!!!
另外,
原來她是有左邊顎骨萎縮的問題,
導致上下顎牙齒不能咬合,
所以講野以至唱歌個腔都有少少怪,
硬係'lur''lur'地咁!
我之前都覺得怪怪地的了,
去維基睇過先知!!!

2:10 上午  
Anonymous 匿名 said...

我睇勁歌見到基仔抽祖藍係因為eason猛叫右下角...好好笑佢地擺明係要祖藍唱..因為之前克勤佢地已經話要抽祖藍...佢都唱得okay啦....

睇東張西望開場前訪問歌手,祖藍成個病樣咁坐係度.佢偒風...不過傷風都唱到咁,算係咁啦...同埋隻歌唔係佢既~~~

岩岩睇佢個blog,我真係越黎越欣賞佢...http://blog.tvb.com/wongcholam/2009/01/05/%E3%80%8A%E6%84%9B%E8%88%87%E8%AA%A0%E3%80%8B%E4%B9%8B%E7%86%B1/

希望學志偉話,公司唔好再俾d鬼五馬六既歌佢啦

12:49 下午  
Anonymous ki said...

好認同芒姐睇法,
今年tvb個show都算係搞得好好睇睇..
至少分豬肉都唔會話分到好肉酸..
我甚至覺得好睇過今年既903 tim!

另外,真係好替千嬅開心~
等左咁耐..
年年明知冇份都會到埸支持..
佢多謝父母個陣,搞到我都喊左出黎..T^T
好感動...

p.s.芒姐,happy new year!!

12:53 下午  
Anonymous 匿名 said...

我覺得g.e.m.似年輕時的劉美娟啊, 而劉美娟選健美小姐時又俾人話似翁美玲喎, 咁g.e.m.其實係咪都似翁美玲呢?

btw, 估唔到原來仲有咁多人支持楊千嬅, 我本人都唔係特別buy佢, 不過俾佢總好過俾容joey, 雖然我自己其實喜歡謝安琪多d, 不過佢又好似未得住...

10:11 下午  
Anonymous 匿名 said...

點解抽中祖藍係慘o既...佢係有o的失準...但係都ok啊...
我覺得抽中另一個黃生仲慘
要忍笑唱落去唔易o架~~~~
同埋定力少o的一陣俾到拖到走音

-- Bosco (好彩我唔係姓黃...)

10:42 上午  
Anonymous 匿名 said...

Re: "點解抽中祖藍係慘o既...佢係有o的失準...但係都ok啊..."

覺得抽中祖藍慘, 係因為從古巨基角度出發, 作為新人o既祖藍唱得不比作為前輩o既古sir差, 所得回響/掌聲/喝采甚至大過古sir, 咁古sir顏面何存先? 咁古sir係咪慘呀?

4:17 下午  
Anonymous 匿名 said...

i was there that day. wong cho lam voice was really impressive during the live performance.... It is so different when i watched that again on youtube, it just could not capture the 'power' in his voice.

i would definitely go to his concert if he has one. never knew he can sing..

3:26 下午  
Blogger 芒姐 said...

匿名,

in fact wong cho lam can sing really well, i think his performance on that day was not too good (at least from what i heard on the tv) as compared to his other performances...but it was already above average as compared to many male singers nowadays...hehe!

4:17 下午  
Blogger 芒姐 said...

RE: "點解抽中祖藍係慘..."

8號匿名朋友已經幫我答o左, 仲要係非常準繩地...thx!

4:18 下午  
Blogger 芒姐 said...

匿名,

哈哈...原來除o左我都仲有朋友覺得g.e.m.似翁美玲...至少indirectly!

"btw, 估唔到原來仲有咁多人支持楊千嬅, 我本人都唔係特別buy佢, 不過俾佢總好過俾容joey"-->我身邊好多朋友都係咁同我講...:p

4:19 下午  
Blogger 芒姐 said...

ki,

新年快樂!

我都認同tvb個show好睇過叱咤好多...今年去o左現場睇叱咤, 都真係ok悶!

4:20 下午  
Blogger 芒姐 said...

匿名,

如果祖藍唔係病, 我相信佢會唱得好d添...佢做慣舞台, 呢d場面對佢o黎講小兒科o者...但係黃bosco真係好緊張囉...我戥佢好可憐!

4:25 下午  
Blogger 芒姐 said...

屮冰刀屮,

每個年代都一定會出d唱得之人, 你唔洗擔心! 只係近年捧太多model或者演員出o黎唱歌, 好多真正唱得之人被埋沒o左o者...g.e.m.小妹妹的表現的確令人讚賞!

4:27 下午  
Blogger 芒姐 said...

christy,

係呀, 我都好同意hocc的講法, 所以我年年都話, 頒獎禮賽果只有稱唔稱心, 邊有公唔公平呀...有邊個頒獎禮唔係"造馬", 只係睇o下造得o岩唔o岩你心意o既o者! 相信一人一票o既, 只係我十幾歲好天真時的想法!

係呀, 其實tbb都好難做, 咁多公司咁多人咁多飯局, 順得哥情又失嫂意啦! 針邊有兩頭利!

我衷心覺得千fa係靚o左同唱得好o左, 因為我作為前fans, 前幾年都真係覺得佢個look幾唔得o下, 唱歌亦退步o左...但呢一年顯著進步番, 可能真係有愛情滋潤o卦?

祖藍又真係好似一個獎都無...我無咩留意新城...無理由人人都有都唔頒個俾佢o架? 佢咁受歡迎!

"珠光寶氣"我有睇呀, 勁飛咁睇囉...淨係睇大妹o個段...二同三我真係麻麻...尤其係黎姿o個段我真係頂佢個角色唔順!

4:32 下午  
Blogger 芒姐 said...

匿名,

我最鍾意"二丁目", "愛人"同埋"狼來了"...都係華星年代o個d!

4:33 下午  
Blogger 芒姐 said...

re: 王 祖 藍

睇番報紙, 原來祖藍o係新城都有個獎..."新 登 場 創 作 歌 手 獎"喎...

10:43 上午  
Anonymous 匿名 said...

我都鍾意楊千嬅,但唔知點解佢個樣好似突然間老左好多~~~

11:29 下午  
Anonymous 匿名 said...

re:王祖藍

睇blogspot.wongcholam.com:

祖藍於廣東電台音樂先鋒榜獲先鋒創作新人奬,獲奬後演唱《豬豬BB Un咕咕》及以「楝篤笑」形式介紹他心目中男女歌手五強得奬名單。

http://v.youku.com/v_show/id_XNjA4ODEwNzY=.html

佢talk show都okay喎,不過個奬好豬肉feel...

~苦過

5:50 上午  
Blogger 芒姐 said...

匿名,

我都覺得千fa三十歲之後忽然老o左好多 (雖不過好多女藝人都係咁), 但依家又靚番後生番啦喎...

11:52 上午  
Blogger 芒姐 said...

苦過,

佢隻"豬豬BB Un咕咕"又真係另類o左少少...似兒歌多d...其實可以俾d認真d o既歌佢唱o下呀!

11:53 上午  
Anonymous 匿名 said...

芒姐,

我都係咁話,唔該英皇俾o既大路d既歌佢啦...又或者plug返正路既歌啦...好似成就同餅印同美女與野獸其實真係幾好...不過"豬豬BB Un咕咕"o的詞都唔係真係咁兒歌...同埋我覺得佢都填得幾抵死...其實佢成隻碟都ok,不過香港market唔buy呢類歌,無計啦...

苦過

3:26 下午  
Blogger 芒姐 said...

RE: "豬豬BB Un咕咕"

d歌詞其實唔兒歌o既, 但個旋律真係好兒歌, 搞到成個感覺都好似好兒歌咁...

3:55 下午  
Anonymous 匿名 said...

芒姐,我非常同意你個句"佢未必係最實至名歸, 雖然我都唔知邊個算係實至名歸, 因為今年樂壇真係一池死水, 除o左謝安琪隻“囍帖街”我都唔係好知有邊隻算係hit歌",因為真係唱到差唔多人人識既係得呢隻,你可以話我out,但容祖兒首跑步機上我真係未聽過,佢已經唔似早幾年一出歌人人都識,去左個尷尬位置 - 唱得,人人都知佢係邊個,但比起事業高峰差左唔少。

所以好多人話謝安琪唔應該拎咁多獎,我又覺,事實上今年各方面進步最大係得佢一個,唱歌,唔係計年資。

1:27 上午  
Blogger 芒姐 said...

匿名,

認同! 雖然我對謝安琪感覺一般, 佢o既唱歌亦唔係外界講到咁好 (論唱功我不太buy的容祖兒的確好佢好多), 十分有待改進...但係佢首“囍帖街”今年係hit, 呢樣係無容置疑嘛!

12:47 下午  
Anonymous 匿名 said...

thanks!

3:07 下午  

發佈留言

Links to this post:

建立連結

<< Home