2-12(thurs) 新秀同學會@星星同學會...
嘩…上個禮拜星星同學會o個集“新秀同學會”真係笑死我! 依家好少有節目可以吸引到我上網上到一半都停o左落o黎, 咩都唔做全神貫注咁望實個電視…本來以為第二集曾華倩+商天娥o個集係最好笑, 點知呢集更加得, 笑足一整個鐘...我仲要癲到錄o左再睇多次!
之前有一集訪問森美, 佢話做節目訪問d八/九十年代歌手好似許志安同梁漢文就最好, 因為你唔洗點問, 佢o地自己已經好多o野講, 依家o個d歌星就悶到爆咁話! 咁又係…今次呢集真係印證o左呢樣o野, 姑勿論你buy唔buy佢o地幾個, 但無可否認佢o地係講o野係幾好笑, 好識自己搵話題, 又識自嘲同埋互相取笑, 最緊要係轉數快, 仲有捉到講笑話o既節奏…呢樣好重要! 呢集極度推介呀…下一集就好似不大吸引喇!
上個星期唔覺意睇o左一集“令日vip” (“娛樂直播”的換湯唔換藥之作…其實除o左cut o左重播前一晚“東張西望”內容o個part, 我睇唔到兩者有咩分別…個分別係咪減o左幾個主持呀?!)…有一集訪問久違了的劉錫明…wow, 真係好耐無見, 見佢出番o黎真係好! 當年“烏金血劍”我都幾鍾意佢…仲有最經典的“是緣是債是場夢”呢…wow!
雖然佢一日都被問番倪震/周慧敏/毒瘤明事件都真係幾悶, 同埋俾人覺得佢博宣傳…但娛樂圈生存之道係咁o架啦, 你唔講番呢d o野又邊有人訪問你呀, 等o左十幾年, 終於都有機會出番o黎…我都戥佢好高興…希望佢o係香港可以再殺出一條新血路啦!
“豬肝補氣”終於做到結局篇…其實真係拖o左好耐, 我亦都無咩點睇好耐, 即係唔係完全無o既, 飛快咁30分鐘睇完5集囉…因為d劇情我真係好麻麻! 本來三姊妹我比較可以接受大妹o個段, 但自從俾高長勝揭發o左佢o地夾埋呃佢之後, 連呢條line都好唔得…所以套劇終於做完我都好高興!
不過咁, 有好多朋友叫我開個topic討論o下呢套劇o既結局篇, 亦有更多朋友叫我開個topic討論o下呢期城中熱話“魔術鹹豬手”+“觀音娜開口夾著脷”事件…哈哈…大家如果有興趣都可以討論o下…至於我o既“見解”…下回分解…:p
posted by 芒姐 at 10:34 下午
14 Comments:
其實我覺得觀音娜又未至於係立心搏宣傳, 我覺得佢似係唔夠sensitive, 諗住人講佢又講o下, 齊齊八下咁0者; 樂小姐未查清件事就一口話人搏宣傳, 未免太武斷; 講到人講佢講抽水搏見報, 個人覺得觀音娜拍馬都未追得上阿陳敏之小姐, 佢咬牙切齒咁鬧觀音娜, 仲要面紅耳赤咁話好嬲好替郭政鴻唔抵, 唔知仲以為佢係郭政鴻邊個添! 替人打抱不平本來係好事, 不過陳小姐橫睇掂睇都似一個是非精多過似一個敢言加有正義感嘅人囉!
反而苑瓊丹就似搏宣傳多d!
苑瓊丹就似搏宣傳...
其實我都咁覺得
但係佢算係甘草演員
見唔見報都係一樣
所以ｒ爆頭都唔明
點解苑仔攪ｄ咁架野出尼
果集星星同學會笑死我呀!!
最正係安仔同梁柄真係會自己諗野講又勁爆料哈哈哈搞到劉浩龍好靜 :p 但睇黎劉真係受情傷呢。希望星星同學會搵多ｄ識自己講野爆野既人啦。DJ果集原本可以好好睇架，但ｄ新晉少少既唔敢爆，爆極都係得森美一個.. 睇到好無癮。
關於魔術果單野
我覺得ella似係被迫講自己講錯野唔記得囉。
而苑仔呢，聽講佢一向響電台都有爆料架但適可而止的，我又唔覺佢博宣傳喎，講真，個節目有佢真係勁好笑好好聽。同埋，單野係咪話佢幾月前爆架喇？
期待你下篇update喇咁 ;)
我最想睇佢講珠光因為我..真係勁追.. :P
我都覺陳敏之over左, 講真佢又真係唔似會幫人抱不平的人, 你話何cc幫人抱不平我就信, 陳敏之就... 之前咪話佢、苑仔同伍姑娘組成八婆團玩杯葛徐子珊嘅? 唔係話徐子珊冇錯, 不過幾個夾埋蝦一個, 亦唔見得有幾君子, 所以一見佢咁落力鬧觀音娜搏宣傳, 我只覺得佢50步笑100步!
我都唔明苑瓊丹做咩
觀音娜成日人講佢又加把口,佢係唔夠sensitive.上次無拉拉又講話以前同個男artist拍拖去秘密地方吹風.可能佢講時無經大腦,but吳唱k就多得佢唔少.又搐番以前d嘢.人地而家想做乖仔谷底打翻身.俾條生路佢行啦
溫哥華匿名人
好期待芒姐嘅評論。
套“豬肝補氣”劇情真系好唔得，都唔知d人有無審稿
豬肝寶氣~ 哈哈,個名好攪野 XDD
其實我都冇睇港劇好耐啦,質素如何真係唔知!會唔會仲係好似十多年前既三角戀/家嘈屋閉做主要題材?
我冇講大話,"命中"真係好堅:
http://blogs.wsj.com/buzzwatch/2008/07/10/global-buzz-why-tv-show-fated-to-love-you-is-an-obsession-in-taiwan/
港劇,你地搞咩野?"豬肝"做完啦,好野!Yeah!
台劇嗎? too sappy... not my cup of tea...
其實我又唔覺豬肝補氣好差喎...
我覺得剩係睇演技都夠晒...
蔡少芬d演技真係好好...
做到最後真係似精神有問題
同埋d老一輩超好戲...
宋世萬中風超似呀
其實劇情唔差呀...不過要要用腦
同埋中段鋪排太多...
我稔響咁既環境無乜人有心機去追(?)
或者播d 輕輕鬆鬆戲會好d
所以ok期待智叔齣大冬瓜
豬肝補氣到左後期我都係「一半電腦一半電視」咁lap住睇咋~ 好似o的編劇唔係好用個腦諗野~ o的劇情一味誇張~ 做到最後個禮拜個個都好似失晒常性咁唔係好make sense囉~
然後前晚個大團圓結局仲搞笑~ 擺明就係迎合觀眾口味啦~ 夾硬全世界都o係最後一集突然變番正常~ 正一攞黎做~!
我最唔明點解蔡少芬做戲做左咁多年o的懶音仲係咁勁~ 唔知有無人話過佢o既呢~
P.S. 芒姐, 我最近上網睇到譚玉瑛姐姐一篇訪問覺得幾得意(http://www.3weekly.com/common/content_view.htm?topic_id=0301&ref=26312), 仲勾起好多我對懷舊兒童節目/卡通/兒歌O既回憶添, 唔知你對呢個TOPIC有無野分享呢?
Amazing
陳敏之 - 是非精代表.
官恩娜 - 衰多口代表.
苑瓊丹 - 崛尾龍代表.
我覺得陳敏之有時候做作過頭了。我好記得她上《亮相》時，穿條黃色的小禮服裙，然後企系度斯斯文文甘答題，覺得真系好假啊！反而是思琪妹活潑親切自然D。
睡前飲酒複香型白酒酒精釀白酒楊梅酒茶堪酒滿酒釀可以豐胸搞定醉酒醒酒奇方酒與菜飲用白酒酒禮節酒文化酒品?酒禮廣告之酒文化知足常樂真假白酒古今十大酒局中國十大酒局漢代的酒點不著酒的廣告語韓國酒文化酒桌葡萄酒頂茶最原始的酒eight taboos飲酒酒分類古代酒政紫砂壺泡茶紫砂茶具初嘗紅酒竹質紫砂茶具窮人與富人法蘭西葡萄酒選酒飲酒小知識美國紅酒酒吧最佳酒溫酒道和禮節葡萄酒瓶不同雞尾酒葡萄酒儲存開瓶和換瓶起泡葡萄酒葡萄酒世界葡萄酒紅酒酒之最葡萄酒香檳品嘗紅酒起源威士忌冰酒酒吧風情紅袖添香品酒師酒香女人與酒酒文化飲酒的禁忌養生保健葡萄酒解酒妙方餐桌禮儀懷孕洋酒分類food drinksdrink and mix真假白酒白蘭地酒功用苦艾酒酒吧六大基酒濁酒干邑白蘭地XO十大名酒天下第一菜國菜飲酒風氣吃西餐地中海美食赤道邊緣食物禁忌優雅吃西餐道統早餐奶茶神州飲茶外國餃子致命美食美食天堂甜滋味黃酒和料酒中國人待客吃飯最佳美味五步完美肌膚菜湯美容又減肥芹菜治頭痛春天裝修正當時自我分析i酒保健功能感情序列號夢中啟航去看海春天的氣息
發佈留言
<< Home