1-28(wed) happy888888號外…
嘩…真係好多謝marky兄幫我cap低o左歷史性o既happy888888時刻…仲要係o係農曆新年呢d咁喜慶o既日子…真係別具意義啦! 本來我都有打算自己cap o架, 但去到附近幾百o既時候又唔記得o左, cap唔到添…好彩最後都無miss到…:p
(happy888888)
前幾日睇番港台個頒獎禮, 發現tvb d藝員o係港台分分鐘仲吃得開過o係tvb…祖藍終於有獎…仲要係銅獎...加埋鍾嘉欣, 胡杏兒, 林峰…原來港台同tvb關係都真係幾好~! 其實我想講多次…胡杏兒唱歌真係算幾ok (雖然大家都好唔buy佢)…睇o下上個禮拜佢上勁歌唱live, 其實唱得好過好多歌星…
唯獨你是不可取替 - 林峯、胡杏兒 @ 勁歌金曲…
浪漫世紀 - 胡杏兒 @ 勁歌金曲…
仲有, 個G.E.M小妹妹原來會考有廿一分…都算唔錯啦…雖然佢唱歌係唱得好好, 但係小朋友…咁細個就唔讀書…第時一定會後悔o架…
未 會 考 ， 約 定 會 考 後 立 即 起 程 ， 意 想 不 到 的 ， 是 會 考 成 績 達 到 21 分 。 不 是 常 見 的 零 分 。 「 我 讀 理 科 ， 一 早 打 算 無 論 考 到 什 麼 成 績 ， 都 不 會 再 花 兩 年 時 間 去 生 物 物 理 化 學 下 去 。 我 又 考 唔 到 30 分 拔 尖 入 大 學 音 樂 系 。 」 她 選 擇 了 演 藝 學 院 聲 樂 系 兼 讀 課 程 ， 「 十 七 歲 就 放 棄 學 業 ， 好 像 有 點 浪 費 。 」
posted by 芒姐 at 11:05 下午
13 Comments:
但胡杏兒低音完全唱唔到, 中音就時得時唔得, 高音叫做handle得最好, 但有時都唔係幾穩陣, 以佢咁嘅表現, 好難將佢定為唱得好果批.
其實我幾buy佢的, 覺得佢幾醒目, 都算孝順, 又幾開朗, 總體來說都ok, 不過我就唔覺得佢唱得好, 但都好過果個瘀爆關心妍.
係呀係呀
胡囧囧唱歌都真係幾ok
其實對佢一向都無乜特別反感
但係《肥田》開始佢d角色就愈黎愈煩
勁黑人憎咁
搞到對佢印象都差晒
佢真係應該唱歌唔拍戲住洗下底
同埋拍都唔好再拍d 煩到厭既角色
personally 覺得佢係d花旦裡面最型o個個黎
覺得胡杏兒的音域太窄（有種悶悶地未開聲的感覺），業餘卡拉ok咯種還可以接受啦，專業歌手好似夠不上
一好多年無咩聽中文歌的人上
其實唔明點解有咁多人唔buy胡幸兒
咁多個花旦之中我最鍾意佢,其次係楊怡
由佢n年前的一首"一加一"開始就覺得佢係tvb花旦之中唱歌應該係最好o個個
不過其實唔係太穩,有時好有時唔好,而且低音係硬壓落去,so有時會覺得唔太得
我覺得距唱到似背書多Ｄ＝ ＝
胡杏兒始終都係新人，俾多D機會佢唱現場肯定更加好。唔使講你都知道我BUY佢啦。
聽埋黎明加衛蘭隻歌：Janice好得，但係Leon搞乜鬼唱Live咁生疏，又上唔到高音？
關心妍都係舊歌好聽。佢唱完隻龐貝21世紀之後，鏡頭映住觀眾，得小貓三四隻零零落落嘅掌聲，明顯同其他歌星爭好遠。
林峰及格有餘，但係練吓氣會仲正。
Marky
Jade如果可拍吓TTB劇,一定紅過而家,你睇周麗皮就知分別.
胡幸兒,一個接一個討人厭嘅角色,放過我吧!
胡小姐唱歌先令我對佢有點改觀。
起碼都唔算難聽。同埋叱吒都俾個獎佢。
不過希望佢唱歌條路唔好好似做戲咁。
有一點成就後就沒有進步。
大家都覺得起初佢做戲 OK,
但後來越來越不討好。
芒姐牛年快樂！
好開心祖藍終於有獎！因為我真係覺得佢deserve有個獎呢.. 講真佢又唔係唱得差，雖然佢d歌太過cute唔係個個都頂得住。希望佢呢年可以唱多d正常少少既歌啦哈哈。不過講真，佢唔唱歌只攻電視我又唔mind。
我覺得胡杏兒唱歌ok呀。係有進步空間但眾小生花旦中黎講算係咁啦。
講開小生花旦進軍樂壇，徐子珊今年都進軍樂壇呀好似話！！講明先，其實我由港姐果時已經幾buy徐子珊架喇... 不過對住佢進軍歌壇... 我真係有d保留。但可以想像到佢應該會行同bosco差唔多既路線.. 即係又唱又跳-_-
其實tvb咩事呢要狂推d藝員去唱歌跳舞.. 反效果呢家野又唔係未試過....
re: "其實tvb咩事呢要狂推d藝員去唱歌跳舞"
因為方便抽佣, 今時今日出唱片好難有錢賺, 但藝員如果有自己嘅歌始終會有利登台, 登台可以好好賺, 簽經理人約嘅artistes多d登台jobs, tvb就可以抽多d佣。
um...我唔係話佢唱得十分好, 但真係算ok!
之前聽佢作為藝員去登台唱歌, 覺得作為業餘standard算幾好, 但後來聽佢話去做歌星又覺得你唔係呀嘛, 但好明顯佢真係有進步喎...好過唔少歌星...當然你不能將佢同容祖兒/g.e.m. o個d比...
至於佢做戲...普通啦, 佢係適合做d硬朗d, 醒目d o既角色, 好似我成日舉o既"律政新人王"例子, o個個角色好o岩佢, 好討好...醒醒目目似番佢真人...tbb成日俾d婆婆媽媽喊苦喊忽角色佢做, 擺明係玩佢!
btw, 佢初出道o係"再生緣"做o個個暗戀林峰的"燕玉姑娘"角色, 我都想"升"巴佢...佢係後來d角色討好o左, 又發覺其實佢ok喎, 再睇番佢上d遊戲節目的表現, 覺得佢係醒o個批...呢d我buy...當然, 大家可以繼續唔buy, 各有各喜好o者!
徐子珊唱歌...唔好啦o卦? 我聽過都幾可怕o下...雖然佢一跳舞真係有攝人的魅力!
發佈留言
<< Home