2009年2月22日星期日

2-22(sun) 左麟右李2009

上個禮拜又去o左睇“左麟右李演唱會”…唔知點解, 我一路有個錯覺係“左麟右李”已經開o左六/七次演唱會, 原來今次只係第三次 (如果03年的part1+part2當係兩次的話, 咁都只係得四次), 但我感覺上好似睇o左好多次咁, 可能因為年年新年唔係克勤開就校長開, 唔係就夾埋一齊開…所以我都以為係同一個演唱會…wahahaha!

睇番資料, 01年新年我去o左睇“克勤x港樂”, 02年農曆年o個次“情情塔塔演唱會”我認為係咁多年最好睇o既一個, 03年新年唔係香港miss o左第一次亦係最好睇o既一次“左麟右李”, 不過6月sars後返o黎都睇到part 2…跟住就唔係記得好清楚喇! 再翻查o下呢度d資料…寫過o既有04年, 06年同埋08年…咁05同07其實佢o地有無開過演唱會呢?


2004年: 左倫右李演唱會



2006年: 李克勤06得心應手演唱會



2008年: 你的克勤演奏廳


今次呢個演唱會, 其實都無咩特別o野想講…好睇依然係好睇o既, 因為依舊幾多variety (我意思係對比起其他歌手o既演唱會)…但係相比起佢o地以前o既左麟右李演唱會, 又好似以前o個d好睇d…揀歌方面都算ok…唔算太冷門! 係, 佢o地d舊歌係聽到爛, 但係又的確係經典, 聽到爛我都依然覺得好好聽! 真係“橋唔怕舊, 最緊要受”…呢句永遠都係o岩o既!

好多歌一聽到個前奏已經毛管棟…細個或青年時期的回憶全部返埋o黎! 校長d歌就真係陪我長大 (由bb變小朋友), 而克勤d歌, 好明顯係陪住我o地成長啦…oh! 點解佢o地無唱埋左麟右李其中一首我好鍾意o既合唱歌“有了你世界更美”o架? 我好鍾意聽呢首啊!


(左麟右李@2003年1:99演唱會...就係當年我o係英國miss o左唔得叫人錄好dum想無得睇番o既演唱會...)

另, 睇o左一兩集“學警狙擊”, 都比我想像中好睇…劇情雖然同無綫其他警匪劇無咩分別, 但都算ok緊湊, 同埋幾有電影感囉…都可以接受啦! 後生o個一輩我麻麻, 你要我揀我會最buy陳鍵鋒…但成熟o個批幾吸引喎…我衷心覺得三哥苗僑偉幾型, 林利做大佬都幾有新意呀…佢都keep得ok, 不過真係比起我對上一次見佢o係電視劇出現 (which is 19年前o既“我本善良”) 老o左好多…但人人都會老啦, 咁係好正常o既! 海味病完一輪之後真係走o左d樣, 不過算啦…我由細到大都ok佢…尤其係“今生無悔”o個期…俾番d感情分佢! 所以, 呢套我都會keep住得閒睇o下!

16 Comments:

Anonymous 匿名 said...

1st one this time! yeah!

You know what, when I talked about Lam Lee, nobody knows who he is lor... even as "old" as my mom has to think twice and said that "ho chi hai..." only you again...

Leng Nui Ting

9:20 下午  
Anonymous 匿名 said...

睇有線,訪問胡渭康,keep得好好呀,同林利相差好遠....
而家佢好斯文,好似生意人咁
但唔知孫明光去咗邊呢???

10:22 下午  
Anonymous 匿名 said...

學警我都有睇,最搶暫時係謝天華:p

11:31 下午  
Anonymous 匿名 said...

咁又的確係胡渭康最後生嘛,雖然佢其實只係細林利兩年。

我都好想知孫明光去左邊,有冇人知呢?

12:36 上午  
Anonymous 匿名 said...

左麟右李:
我都好鍾意有了你世界更美!好好聽之餘D歌詞我都好鍾意。
但真係好可惜次次開頭想睇左麟右李最後都係冇買到飛。
只要左麟右李開演唱會唔好開得咁密就重有得做哈哈,我覺得佢地真係兩個好夾。(好好笑呢校長成日甩歌詞)

海味:
係呀佢係冇以前咁靚(我今生無悔果時都好迷佢同金句王架)但佢把聲重係好後生.. 你覺唔覺?好在,咁多年後再睇返佢,雖然冇細個咁鍾意,但真係冇反感囉。可能佢有拍大陸劇啦,演技唔算好生硬(我諗起阿小龍女-_-")

1:45 上午  
Anonymous 匿名 said...

海味...最令人懷念"今生無悔"同我all time favourite "大鬧廣昌隆"!個劇當年真係surprise正正正!連林家棟都可以拍成咁靚仔.芒姐,有兩場我到而家都仲好記得個畫面1)林家棟喺間破舊歌廳突然有番前世記憶開始撣琴 2)ending家棟同海味再投胎,長大,相遇,跟住重演前世一幕雨中慢步=)

溫哥華匿名人

2:27 下午  
Blogger Nilly said...

芒姐,我好耐冇嚟喇。好開心你講學警。其實前兩輯我都冇乜點睇,因為唔多buy啲卡士。不過狙擊真係好睇啊,尤其第五集!好緊湊,有電影feel,俾我講,我會覺得係“無間道”同“門徒”嘅混合版。

3:00 下午  
Blogger 芒姐 said...

Nilly,

係呀, 今輯幾刺激呀! 不過我個人最鍾意第一輯, 我鍾意呢d校園feel o既戲...

4:15 下午  
Blogger 芒姐 said...

溫哥華匿名人,

我最鍾意"今生無悔"..."義不容情"都唔錯...

4:18 下午  
Blogger 芒姐 said...

christy,

我都係咁o岩見到"左麟右李"加場先買飛睇o下咋! 好好睇又唔講得...一貫水準啦!

海味係跌o左watt, 不過感覺依然良好!

4:25 下午  
Blogger 芒姐 said...

匿名,

孫明光...又真係唔知添...

4:29 下午  
Blogger 芒姐 said...

匿名,

認同"最搶暫時係謝天華"...尤其係佢個朵"laughing哥"添...

4:35 下午  
Blogger 芒姐 said...

匿名,

oh, 但我個人會prefer林利呢d"滄桑"d多過胡渭康o個種"奶油"小生type囉...hahaha!

4:38 下午  
Blogger 芒姐 said...

Leng Nui Ting,

大家點會唔認得"sa~yo~na~ra"...o既林利o架...太令人失望喇...天哥!

4:40 下午  
Anonymous 匿名 said...

當年的石家豪又真系幾討好

7:06 上午  
Blogger 芒姐 said...

匿名,

乖乖仔o個隻囉, 應該大部份人都buy o既...咁依家個滄桑look我都ok...

10:37 上午  

發佈留言

<< Home