3-1(sun) 學警三部曲
睇o左兩個禮拜…今次套“學警”幾ok喎! 雖然“學警三部曲”(雄心/出更/狙擊)之中, 我個人會最鍾意“雄心”, 事關大家都知我一向鍾意呢d校園feel o既戲...好勵志, 好眾志成城咁…真係”堅~持~心中理想~”喇…oh yeah!
呢輯都好睇, 幾刺激, 幾緊湊, 真係好有電影感…d人話似“無間道”+ “門徒”…同第一輯係兩類型, 但各有各好睇! 今輯”狙擊”似乎係變o左黑社會片多於警匪片, 所以係另一種好睇…進興o個part吸引過警察o個part好多, 雖然都有好多crossover…!
警察o個part就陳鍵鋒拍梁嘉琪o個段好睇過吳唱k+江若琳o個段好多 (至少我個人o既觀感係咁樣)…唱k o係呢輯pat頭髮想點呢? 第一輯個look討好好多…呢個形象係咪要為之後做卧底個look舖路? 但其實唔洗咁快呀? 仲有阿翻版妹江若琳, objectively, 我覺得佢作為一個新人其實係做得唔錯, 奈何佢形象真係差得太交關, 觀眾緣係近乎零 (if not負5)…所以你話負面新聞對一個藝人o黎講影響真係好大, 尤其係新人…幫佢唔到, 算吧啦!
陳鍵鋒係穩打穩紥, 後生o個批算係佢做得最好, 梁嘉琪都做得ok自然, 但以前佢o係有線娛樂新聞台時唔覺佢棚牙咁唔齊o架? 可能拍劇會多好多近鏡所以特別嚴重…!
最得o個段係黑幫o個part, 可能因為全部都係有番咁上下資歷+演技…咁多個反而係laughing哥最出, 好似仲出過三哥…不過三哥就最型囉! 仲有, 天哥…點解你咁快死呀?
阿laughing哥首先係個名改得好, 個朵夠響夠爆…一見到人o黎一句: “hi, I am laughing!”…你話幾咁爆笑呢…! 遲d d人會唔會改名叫crying哥, eating哥, singing哥咁呢? 仲有, 聽人講阿laughing哥原來係警方卧底o黎o架喎…呢個twist亦都唔錯!
仲有我想講, 呢幾集先出o既林嘉華, 佢做警察真係唔知點解齋係個格已經好似! 勁!
至於三輯之中, 最唔得o既當然係第二輯o既“出更”, 內容唔掂, 演員唔掂…容天后做戲真係好一般, 佢真係只可以留o係舞台, 因為佢唱歌跳舞係得, 但個樣真係唔得…佢必須知道自己o既長處同缺點…o係台上佢可以化濃妝而且係遠觀, 感覺會好些少…但你拍戲無理由日日smoky eyes再閃晒咁, 但佢一唔化濃妝就唔得, 所以結論係佢應該專心唱歌…發揮自己o既長處!
至於阿子珊姐…佢之後做“家好”/”甜言蜜語”都ok, 但“學警”個look同埋個角色我真係完全不敢恭維! 再加上當時ex-張大勇+ “狐妮” (sorry, 我知呢個名係mean, 但你不得不承認佢係改得啜咳) o個單婚外情緋聞, 成套劇唔單止無o野吸引, 仲令人ok反感…所以我係無咩點睇o既…!
其實薛凱琪死o左之後, 陳鍵鋒o係”學警2”係拍邊個o既呢? 我真係唔記得o左…
學警三部曲回顧@芒姐再現:
2005-4-27(wed) 學警雄心
2005-5-8(sun) 朱樂言之學警雄心
2005-5-21(sat) 學警雄心結局篇
2005-5-27(fri) PG家長指引
2007-6-14 (thurs) oh can you feel our spaghetti…?!
posted by 芒姐 at 11:05 下午
20 Comments:
今日睇 roadshow, 阿江若琳小姐話自己拍親咀戲要清場, 佢似乎以為自己仲可以走清純玉女路線喎.
laughing 哥個名真係聽一次爆笑一次, laughing 和芯姐條線最好睇. 三哥今次好似好黃黃瘀瘀咁, 你覺唔覺呢?
陳鍵鋒 liked 郭羡妮 in the 2nd one
林嘉華警察出身是加入第一屆少年警察訓練學校
http://www.youtube.com/watch?v=0wH8gRDwe3E
P.S.林嘉華學警出更都有wo......
我上年喺銅鑼灣見到tbb拍"狙擊".喺天橋上面呀"唱k"被班黑社會圍毆.好過癮
溫哥華匿名人
哈,我反而覺得吳唱K同江若琳條線好睇D好笑D!江若琳D戲幾自然啵!反而個梁嘉琪愈睇愈唔自然,又唔算十分靚,我諗佢係司儀個邊發展會好D!
Haha, 我剩係覺得梁嘉琪好似葉璇......
第二輯陳鍵鋒係鐘意郭羡妮既,不過最後郭羡妮死左。
今輯既陣容係幾吸引既，特別係咁多舊人。
但係班舊人表現真係唔算話好好，林利個TONE好似有少少古怪，不過係幾有型，同三哥一樣。海味我硬係覺得演技好似無以前咁好，成日都碌大隻眼。
若果論表現我覺得反而謝天華同兩位主角仲impress我多d。
話說我都反而鍾意吳卓羲同江大眼多過陳鍵鋒襯梁嘉琪。反而吳卓羲同江若琳再加個林子善都可以笑下，令個氣氛輕鬆Ｄ。梁嘉琪d演技真係有少少過左，再加上角色唔討好，見到都有少少煩厭。
oh, 原來陳鍵鋒係鍾意郭羡妮...真係唔講唔知...呢條線都幾另類!
咁客觀地講, 江若琳作為新人真係演得幾好, 不過真係好難buy佢...無辦法! 題外話: 佢個樣真係整得幾似阿嬌~!
pit開我幾buy葉璇...咁齋論樣, 佢點都好樣過梁嘉琪o卦? hehe!
myblahblahblah,
係啦, 今次三哥被laughing哥搶o左好多鏡...哈哈!
Em... I like watching this series, but feel a bit disgusted whenever seeing Kong and Leung! Both of them are very unnatural to me...
Leng Nui Ting
睇睇下唔知點解我覺得梁嘉琪有d似梁小冰喎...btw，我都鍾意睇唱k同江若琳呢pair多d，同埋唱k真係似卧底多過督察，角色安排好恰當，haha~~
同埋想問下有冇人知呢輯一開始有冇講番狐妮同大宇o個d去左邊？只係知好牽強咁講容天后同唱k性格不合散左咋喎~~
我好鍾意雄心架！製作都算認真，因爲真係睇佢地日日步操，日日o係宿舍生活，都幾有真實感。當時好喜愛柏翹同Fiona，好純好兩小無猜的感覺。
到了出更就冇睇喇！Fiona好快就死咗，柏翹d性格又變得好緊要，仲要鍾意埋madam，之後兩兄弟又成日好幼稚地為d誤會而嘈，非常極之唔想睇，所以就冇睇喇。
第三輯到現時爲止都幾好睇呀，我唔知江若琳發生過咩事喎(?)，佢同吳卓羲外形幾襯呀，鬥氣冤家都幾好睇。梁嘉琪我開頭都唔知佢邊個，對我來説真係完全新人，名字新樣子新，不過做戲都尚算自然，都ok。柏翹俾我感覺一直是高材生，今輯終於做到督察喇！師妹仰慕師兄，呢一pair都好睇呀！
芒姐似乎和很多人意见不同啊
果然有自己的见地
匿名,
喜好呢D O野從來都係人人不同O架啦...:)
匿名,
"雄心"我就鍾意睇唱K同楊怡...O個時都鍾意O左佢O地呢一PAIR一陣子...
電蟲,
你咁講開又真係有D似喎...雖然小冰靚好多, 但真係有D...
Leng Nui Ting,
唔好睇咁多, 你知啦, D人成日話對得多O個個人會...
你唔為自己著想, 都要為你肚裡面O個個著想...
發佈留言
<< Home