8-12(fri) yummy yummy+第二季優秀選第一回合

上個禮拜日又睇o左勁歌o個個咩“第二季優秀選第一回合”(嘩! 好complicated!)…tvb真係明捧佢d藝員,“男人魅”隻碟?面有至少5個入選, 吳唱k, 林峰同鄭嘉穎再搭克勤&陳醫生! 其實3位藝員都唱得唔差…仲好過某d歌星!

鄭嘉穎作為前歌星, 我反而覺得佢係3個之中唱得最無咁好o個一個…唱歌太重鼻音喇! 佢10年前唱“分分鐘記起”o個期, 問題都無咁嚴重o既! 不過話時話, 佢個look keep得幾好, 10年都唔覺佢點老…不過想做番歌星就難d喇, 好似馬浚偉同林保怡咁得閒出d電視主題曲碟就應該無問題o既! 同埋佢隻“三角兩面”都幾好聽! 不過最hit o個隻應該都係呀吳唱k弟弟隻“別怪她”…可謂街知巷聞! 同埋下個禮拜將會上“酒店風雲”, 呢隻歌好似係主題曲 (定插曲?)…咁又再hit多幾倍!

當然不得不讚多一次, 林峰唱live真係幾唔錯…亦不得不彈多次, 盧巧音小姐你有無諗過退休呀? 你真係愈唱愈唔掂!

講完“勁歌”講o下電視劇, 套“yummy yummy”都幾騎呢, 但都幾得意o既…走o個d真人show路線, 幾有趣…但係略嫌太過卡通化! 同埋o個個好似許志安o既新加坡演員terry, 都幾趣怪, 幾可愛! 成套劇都好singaporean style, 有d“小孩不笨”feel! o個個同林峰應該會有感情線o既新加波女演員, 感覺不大討好, 個樣有d似鍾麗淇+林琪欣+徐子淇o既混合體…點解林峰唔係同楊怡一對o架?!

鄭嘉穎個感覺就真係man o左好多, 但唔知點解佢d“情深”樣有d似郭富城…over o左少少!

同劇仲有同楊怡&林峰同劇訓練班o既落選港姐傅楚卉做茄喱啡…其實佢都幾慘, 兩個同學仔都做主角, 佢就仲係做緊二打六…真係一命二運三風水!

仲有, 有咩可能芷珊姐姐會做林峰3家姐, 反而姚瑩瑩同陳霽平做佢大家姐同二家姐o架?!

仲有仲有, 我深信tvb真係想捧商天娥同許紹雄做螢幕情侶…已經係繼“隔世追兇”同埋 “西廂奇緣”之後第3次喇…仲勁過d力捧o既螢幕情侶!