12-7(wed) 凌祖絲

好勁! 今日本來有另外一d o野想講, 但徇“眾”要求, 一定要講o左今日o既奇遇先!

話說今日約o左獎門人同名作曲人陳x琪小姐去中環食tea, 去食tea前, 我又“c忽痕”話要去廁所…好彩“c忽痕”咋…如果唔係都唔會有今次o既奇遇!

人與人之間o既緣份真係無得講…今日“緣來沒法擋”o既事情, 又發生o左o係我o地身上! 話說我o地o係landmark去完廁所踏出o黎o個一刻, 迎面見到一個好熟悉o既身影, 仲同佢四目交投o左一o下, 但一瞬即逝…o係佢經過之後, 我同獎門人交換o左一個眼神…獎門人問我: “我無認錯人呀嘛?” 我話: “無!”…跟住, 我o地兩個人已經忍唔住齊聲爆笑, 仲要係笑到停唔到, 流晒眼水o個隻…因為, 我o地頭先見到o個個, 正係我o地上個禮拜o岩o岩討論完o既…凌祖絲!!!!!

最抵死o既係我同獎門人一齊見到佢…因為即使同第二個一齊見到, 都唔會有同樣o既效果…根本就無人會同我一齊認得凌祖絲…仲要抵死到我o地上次食tea先o岩o岩講起凌祖絲, 居然今次食tea就撞到佢…配合晒天時地利人和…如果五年前撞到佢, 都唔會有呢個效果!


(可惜慢o左一步, 影唔到我“偶像”凌祖絲o既正面, 只係得個背影…但如果我走去影人正面, 其實都幾odd o下…真係變o左dog dog team咁!)

你話係咪勁先? 都話人o既“念力”真係無得講…你成日諗住一個人 (其實我無諗住佢喎!), 就真係會見到呢個人…正所謂: “日有所思, 夜有所夢”! 一個十年o黎好似“失o左蹤”咁o既人 (其實佢無失蹤, 只係無人會bother去留意佢o者!), 因為一套劇o既重播, 因為我o地不停咁discuss…居然o係茫茫人海中俾我o地相遇! o係o個一刻, 我好有衝動對住佢大哎: “凌祖絲…” 再指住佢講佢o既經典對白: “你係殺人兇手!” 可惜…我無咁做到!

我驚我大叫凌祖絲, 佢根本唔知我叫邊個…畢竟呢個角色都十年前喇! 不過咁, 今期o岩o岩重播完呢套劇, 同埋“刑偵”都可以話係佢o既唯一代表作…佢應該唔會同我講: “我真係唔記得…”o卦?! 其實咁多年來, 佢行街都應該無人會認得佢, 我依家去叫佢幫我簽名, 佢應該會好感動…但我可唔可以叫佢簽“凌祖絲”而唔係“鍾潔怡”呢?!

佢變o左有少少闊太style…其實都幾高幾靚o既…我覺得佢會靚過“整容後”o既車匙囉! 獎門人話我應該走去同佢合照…可惜, 我又無咁做到…我怕羞! 太失敗喇!

今次呢個奇遇, 簡直係climax of the day…唔係, 直頭係of the month, 甚至of the year添…我覺得仲勁過見到主角車匙郭可盈, 甚至佢“家姐”凌雅絲 (即康華)…起碼如果我同人講見到康華, d人都會知我講邊個呀…但我同人講見到鍾潔怡, 相信完全無人知我講緊邊個! 但係偏偏同我一齊見到佢o既人, 就係唯一一個知道邊個係凌祖絲o既人…總之今次事件就係: 好抵死!