8-22(mon) 生日禮物
襯住牛一, 破禁公開一張多年珍藏…其實係咁o岩執o野摷到o既! 之前同d朋友仔講開年少時寫信俾“明星”或者寫信去香港電視o既事跡…其實之前o係呢度都披露過少少, 最經典莫過於寫信俾陳妙瑛…當年都唔敢話俾人聽, 淨係俾過我表姐睇…依家睇番當然無所謂啦, 更加唔介意俾人知…因為我覺得幾鬼好笑添!
年少時o既我係走d成熟路線, 寫信俾明星係唔多配合我o既人物性格o架嘛…但十年後o既今日睇番呢d珍藏, 都真係好好笑, 好抵死…差d唔記得我都有瘋狂過o架, baby!
o黎喇…大家可以瞪大雙眼睇清楚我o既珍藏喇…一份10年前o既特別生日禮物…
除o左簽名相, 仲有親筆回o既信添…係咪勁先?! 可能因為我係佢頭幾個fans, 所以有咁o既待遇! 事關佢當時都唔係話好紅 (而大家亦應該會記得我講過話最鍾意“鋤強扶弱”, d歌星明星一多人鍾意, 我又無咁鍾意喇…好似當年o既sammi同千嬅咁…事關佢o地都無咁需要我支持啦!), 應該係o岩o岩播緊“婚姻物語”, 我好鍾意睇呢套戲, 亦好欣賞陳妙瑛o架! 當年o既佢作為新人, 真係演得好好! 哈哈! 估唔到我曾經係陳妙瑛fans呢?! 今次真係你估我唔到!
我覺得呢張相+信應該比起張玉珊cd更有份量, 更應該可以憑相換取LF產品…同我另一位偶像邵美琪一齊分享囉!
(除o左陳妙瑛, 我記得我仲好似寫過一封英文信俾李綺虹, 寄過幾封信去香港電視o既讀者信箱…包括投訴佢因為播“梅花三弄”而腰斬我好鍾意睇o既“開心華之里”; 仲有o係睇完1995年新秀之後, 即刻寫信去問佢究竟楊千嬅同鄭秀文係咪有咩關係, 點解會似樣似成咁…仲叫佢o地介紹o下楊千嬅o既資料…哈哈! 真係好騎呢！)
posted by 芒姐 at 2:22 下午
5 Comments:
Hello... Well, I am a fan of Mariane too so I was pretty surprised to see this post! Actually, I' quite envious of you now. Hahaha... Anyway, nice to meet you! =)
Hi Ling,
Nice to meet you!
Haha...in fact the photo & letter were very old stuffs...those were the days...!
你8月22號生日o架？我早你一日啊！8月21！祝你生日快樂！無意中發現你的blog，然後就令我好羨慕啊！你有妙瑛嘅親筆簽名相同埋信！我細個果陣已經俾佢嘅劇集留低好深刻印象啦，宜家大個咗，不斷揾返以前D劇集來翻煲！我發現自己好中意佢啊！我都好想寫信俾妙瑛姐姐啊！你知唔知點樣可以聯繫到佢啊？我已經關注佢微博啦，不過我覺得親自寫信更有誠意！
期待你的回覆！
我也祝你生日快樂!
哈哈...會唔會可以記去佢間公司? 佢好似做咗老闆?
祝你七夕快樂啦，點都遲咗一日同你講生日快樂。佢好似好忙咁，微博留言都唔得閑回覆。無論點都好，佢過得充實我作為fans已經好開心了。多謝曬你嘅回覆啊。
發佈留言
<< Home