12-9(fri) 識法代言人

聽日又係一年一度o既“歡樂滿東華”…年年o既“歡樂滿東華”都要mention o下, 今年, 當然唔例外, 如果唔係就對唔住我親愛o既tvb! 但係我個手機鈴聲已經由幾年前親自“譜曲”輸入o既“歡樂滿東華”主題音樂, 變o左做親自“錄製”o既“tvb happy birthday”台慶音樂 (雖然, 我個電話鈴聲大家從來都唔會聽到…事關我係長期教震機o架…所以亦都成日俾人投訴我唔聽電話! 亦都因為咁, 呢個鈴聲只會用o黎作叫醒我o既音樂)!

o係呢度提醒大家, 聽晚深夜三點記住睇:“全台藝員卡拉之星大唱遊”…又有家燕姐, 王俊棠, 魯振順, 王維德, 黃樂兒等“騎呢之星s”…總之o個d全年大show都唔會見到佢o地, 唯獨每年東華見一次, 話俾你知佢o地仲o係呢個圈度打滾緊o既3,4,5,6線藝員們! 我已經推介o左呢個項目好幾年, 今年獎門人都話會約埋佢阿哥“獎門哥”一齊唔?, 三點捕o係電視機前睇呢個爆笑環節…大家千萬唔好錯過!

呢期d電視劇忽然變得好好睇, 之前已經講過, 又要睇葉璇分別o係兩台做o既兩套劇 “本草藥王”同“情陷夜中環”, 仲有新劇“識法代言人”…“隨時候命”都會睇o下, 仲larp o左少少亞視另一套買番o黎o既 “大冒險家” …有“衝上雲霄”o既老拍檔吳鎮宇同陳慧珊, 尋日o個集仲見到一個幾年前睇“鄧麗君舞台劇”時做童年鄧麗君o既小演員, o個時覺得呢個小朋友唱歌唱得好好…點知轉o下眼佢已經亭亭玉立, 仲要同吳鎮宇做老夫少妻…個小妹妹叫向小喬.

講番套本來大力推介, 諗住擺佢o係呢期眾多好戲第一位o既“識法代言人”…但係睇o左幾集之後, 大失所望…並唔係我o地想像中咁好睇!

本來o係佢宣傳緊套劇時, 我已經好期待去睇呢套劇, 因為個劇種同埋d主要演員我都ok buy! 阿姐同夏雨係好戲之人, 胡杏兒同陳鍵鋒基於“律政新人王”情意結…都應該ok o既…起碼今次佢o地都係做番同類形角色! 唯一敗筆, 就係有我最唔喜歡o既劉綽琪…佢做主持已經好克人憎o架喇…d戲就更加屎到呀…如果真係要俾佢做, 咁叫佢去做番主持算吧啦! 今次仲要俾段婚外情佢…真係唔該晒! Sorry呀…魏駿傑同黎耀祥!

點知睇o左兩集…真係有點兒那個…唔係唔好睇o既, 但係o係好多位都over o左, 同埋一眾律師朋友都認為: 太多反駁之處 (但呢個point其實可以忍佢, 因為可能只係小眾o既意見, 對唔係法律界o既大眾o黎講, 呢part未必太有問題)! 另外就係太多“刻意位”喇!

仲有, 胡杏兒同陳鍵鋒個角色都無“律政新人王”咁型…最明顯係胡杏兒, 佢上次個短髮look同埋人物性格都好型…今次雖然都係短髮, 但已無咁型無咁靚…仲有佢個出o左十秒o既“厭食”look…好可怕! 不嬲以為佢係做律師, 或者trainee啦, 點知原來佢唔知係做clerk定師爺…唔夠上次型囉! 不過佢應該最終都會做得成律師o既!

陳鍵鋒個角色都幾係克人憎, 成日懶有原則咁…over o左! 作為一個細o既, 你唔係真係咁沙pok頂撞你o既senior, 鬧晒全公司, 一日o係度同人撐…呢d唔係型, 係好煩!

而其實本身套戲個大前題亦都係錯晒o既…get唔到佢o既logic…點解汪明荃話希望將畢生功力傳授俾兩個女, 就要de-bar再轉去做solic呢?! 第一, 佢兩個女根本就可以去做bar, 就算佢o地唔做bar, 都唔係一定要走去開間律師樓先可以傳授功力俾佢o地o架?! 定係佢覺得佢兩個女唔靠佢係搵唔到工?!

我o地仲有好多疑問, 究竟由bar轉去solic, 洗唔洗重新train過呢? 理論上應該要, 但老資格d係咪可以唔洗train咁耐呢? 但係in any event佢都無可能o係“三年內”train完再開埋firm做partner o架?! 我o地話唯一o既方法…應該係打去law soc問o下…哈!

(待續)