9-9(sat) 2006星光熠熠耀保良

今晚o岩o岩又上演o左一年一度o既“星光熠熠耀保良”…今年個theme係將全年o既演唱會精選搬上個節目…呢個構思都幾唔錯…不過都唔夠上年好睇! 其實好多年o既“耀保良”都已經變得無咩新意, 但舊年真係幾impressed喎, 有楊千嬅同鄭中基手拖手合唱已經嘩聲四起啦, 仲有twins同草蜢兩代經典組合crossover…就係睇完呢個show更加期待舊年草蜢o既“我們的演唱會”!



…2005-9-21(wed) 星光熠熠耀保良2005 …


(千fa+中lay@2005耀保良…youtube真係咩片段都有…都話係“I love you hate you”o架啦!)

今年全個show只係草蜢同twins o個兩part我係對住個電視, 其他part我都只係一邊對住個電腦一邊聽住個電視…除o左草蜢, 最好睇o既居然係…twins, 講真, 雖然我唔係特別likey佢o地, 但客觀地講, 佢o地真係進步o左好多!

草蜢就威啦, 有成兩part做…我發現原來o係電視度睇佢o地個show仲好睇, 因為o係演唱會坐得前又睇唔到成個setting, 坐得後又睇唔到個樣同埋d舞步…反而o係電視度睇就最清楚! 同埋草蜢唱歌時, 影落去班fans度, 原來真係大部份都三十過外…


(草蜢+twins crossover@2005耀保良)

仲有, 一開show就由欣宜同埋另一個叫什麼“向佐”o既男仔, 打頭陣唱劉家昌為保良作o既主題曲…原來阿欣宜拜o左劉家昌為師, 仲書都唔讀反o黎香港發展…真係唔知點解欣宜覺得自已可以做歌星囉? 唔係話佢唱歌唔掂, 亦唔係話佢個樣超醜…但係即使佢減到幾瘦幾索, 大家都係先入為主, 同埋佢真係無觀眾緣嘛…上年單“白雪公主”事件都搞到滿城風雨, 佢今年居然唔知死仲要再o黎…真係唔知係咪應該讚佢有?心喇?! 依家仲話要連大學都唔讀返o黎加入娛樂圈…真係有無傻d呀你? 咁無觀眾緣, 有人撐都無用啦!


(oh, 仲搵到17年前, 即1989年o既星光熠熠耀保良show克勤o既表演片段, 仲有o個年暑假播出o既tvb超經典青春劇“淘氣雙子星”o既女主角余倩文添…真係時光飛逝! 雖然克勤咁多年來, 幾乎十次有八次o係保良show都係唱番呢d舊歌…但無辦法, 老本係好食…而呢d舊歌又確係好好聽, 百聽不厭嘛!)



前幾日同d朋友唔知點解講開另一樣發生於1989年o既事-“六.四”…並唔係想同大家discuss政治, 亦絕對唔搞呢d o野, 只係講開一d題外話, 又有d疑團睇o下大家可唔可以幫我o地解開o者?!

事緣我o地忽然醒起話o個時唔知點解會出o左一d搞笑菜單, 其中一道菜係叫“吾爾開希芝麻糊”…好似仲有一道叫 “王丹蓮子茶”, 同埋”李鵬炸子雞”…o係網上仲search o左一味叫“陳皮紅棗鄧小平”…但係成套菜單就search唔到…唔知大家又有無印象呢?!

點解o個時無啦啦搞搞o下民運, 市面上會出現o左將咁騎呢o既菜單o既呢?! 邊個整o既呢? 因為我o地當時仲係小學生, 所以都迷迷惘惘咁…希望有讀者可以報料幫我o地解開呢個疑團啦…哈哈, 仲有無另外幾道菜係你o地記得o既呢?!


(o黎多個…1992星光熠熠耀保良…李克勤+盧淑儀! 跳完呢part舞之後, 盧淑儀直頭唔洗做添啦! 可能就係自呢年起, 幾乎年年耀保良, 無線都係安排出爐港姐幫李克勤伴舞?!)