2006年8月16日星期三

8-16(wed) 美女廚房/美女班房

o岩o岩睇番前幾日o個集“美女廚房”之kary火燒錄影廠…原來最精彩o既並唔係火燒廚房, 而係無意中發現o左一位朋友仔“美女廚房, 上o左先講”!

哈哈…事前聽都無聽佢講過會上呢個節目, 好彩佢唔係上去做“美少女廚神”…只係去做現場觀眾o者! 佢話o係事前無單聲之下都俾我睇到, 實在係無運行…哈哈哈! 其他o野就話o者, 所有關於電視o既o野, 又點會逃得過我o既“法眼”呢?!

Oh, 講開“美女廚房”, 當然唔少得o個個好抵死賤格o既“joseph”周師傅…佢o既啜核程度簡直可以媲美我最喜愛o既鄭中基…無線揀大廚真係有一手, 我懷疑佢根本唔係大廚, 而係講棟篤笑o既…

美女廚房『周中師傅金句』!!!

1. 洪天明﹕豬肉生食都得架咩﹖
周﹕得。 比人砌呀嘛﹗

2. 周﹕d湯,即唔係唔好飲。 不過,「好過飲滾水」。

3. 方﹕嘩...好辣﹗
周﹕唔係好辣o者...(望住小方)
方﹕咩o者﹗我唔食得辣呀﹗
周﹕我都唔食得辣架。(望住小方)
方﹕你望住我仲咩o者,咁...你即係話我講大話o者...

4. 周﹕呢碟野,好似我地係「樓面」(人地食完)收入黎o個d...
我唔係得罪o個d台式煲仔飯,即我未食過呀嘛﹗
眾﹕咁你食啦﹗
周﹕(食了一啖) 「咪"o也蕉"囉﹗」

5. 鄭﹕「好唔好食呀,師傅﹖」
周﹕「食得榴槤就幾好食。」
鄭﹕「o意﹗師傅,連你都吐番出黎既﹗」
周﹕「我唔食得榴槤呀嘛﹗」

6. 鄭和梁﹕「very sweet﹗」
方﹕「beautiful! Taste very good!」
周﹕「噢﹗not so good﹗﹗」

7. 周﹕「我比9分,因為欠了(amanda)一啖」

8. 李籠怡切龍蝦時﹕
周﹕「梗係同佢放左d尿先啦﹗」
李﹕「咁d尿會係邊架﹖」
周﹕「d尿....梗係o係個尿袋度啦﹗」

9. 李龍怡:"好唔好味丫?"
周師傅:"幾好..."
李龍怡:"講真架?"
周師傅:"講假架.."




除o左“美女廚房”…市面上居然仲推出o左“美女班房”…補習補到咁, 真係好?膽! 不過可能當係一個商業活動睇, 會好過當係教育事業o既…否則, 感覺真係好淫亂!



上次講過“靚女律師教英文 Interesting?!?!”
…刻意打側坐以拍唱片封套形式show長腿已經好可怕…今次仲o黎段“av”短片, d背景音樂已經好av o架喇, 睇埋個內容真係嚇死你…坐坐o下o係度扮教書, 忽然要好刻意地企起身走兩步去指一指個黑板…真係好突兀, 太明顯要show長腿去玩“教育誘惑”…恕我老套, 我真係覺得over左!

現代教育“Ken x Angela x Stella 專攻07/08新會考英文 全球首播”片段


咁o岩今日蘋果都有講:

“教育界網友狠批:「教書定拍AV」
現代教育拍美女片招徠學生

美 腿 生 輝 不 只 出 現 於 娛 樂 雜 誌 上 , 連 課 室 也 春 光 無 限 。 有 補 習 社 推 出 會 考 課 程 宣 傳 片 , 以 「 美 女 班 房 」 作 招 徠 , 只 見 曾 當 模 特 兒 課 程 主 持 穿著短 裙 , 修 長 美 腿 盡 顯 , 惹 來教 育 界 及 網 友 狠 批 , 「 依 家 你教 書 定 拍 AV ? 」 育 統 籌 局 也 將 了 解 該 課 程 是 否 由 合 資 格 的 導 師 任 教。

宣 傳 策 略 出 位 的 現 代教 育 又 有 新 搞 作 , 從 會 考 英 文 課 程 的 「 美 女 班 房 」 宣 傳 片 可 看 到 , 課 程 主 持 ( chief presenter ) Angela 曾 以 短 裙 示 人 , 另 一 前 執 業 律 師 的 女 導 師 Stella , 也 常 在 鏡 頭 前 展 現 甜 美 笑 容 。

「 男 生 邊 有 心 機 聽 書 」

片 段 也 被 放 上 youtube.com , 部 份 更 至 似 是 製 作 花 絮 , 聽 到 課 程 總 監 Ken Sir 指 導 Angela 如 何 擺 甫 士 。 網 友 反 應 熱 烈 , 在 高 登 討 論 區 內 , 網 友 五 白 肉 丁 炒 飯 認 為 「 sell 樣 , sell 腳 … 咁 樣 已 經 令 人 無 心 機 上 堂 , 男 生 邊 有 心 機 聽 書 呀 。 」 香 港 討 論 區 內 milk2007 留 言 「 ? 女 miss 係 唔 錯 , 但 我 完 全 感 覺 唔 到 o個 度 可 稱 之 為 班 房 。 」

網 友 獨 居 小 明 說 : 「 搞 埋 o的美 女 班 房 , 大 佬 , 依 家 你 教 書 定 拍 AV ? 特 登 搵 o的 miss 著 短 裙 教 書 , 擺 明 呃 人 去 上 堂 … … 我 真 係 唔 覺 得 有 咩教育 可 言 。 」 也 有 市 民 致 電 電 台 節 目 不 滿 補 習 社 經 以 出 位 手 法 宣 傳 , 「 有 位 古 裝 女教 師 , 仲 話 自 己 係 考 試 考 官 。 」

立 法 會教 育 界 議 員 張 文 光 批 評 此 宣 傳 手 法 無 聊 , 「 美 女 唔 等 於教 得 好 ! 」”

仲有呢段更好笑…



三 寶 之 一 真 名 少 人 知

在 廣 告 中 扮 演 大 將 軍 而 人 氣 急 升 的 補 習 天 王 楚 鋒 , 很 少 人 知 道 他 的 真 名 。

當 代 書 院 今 年 初 拍 攝 一 個 出 位 廣 告 , 由 3 位 導 師 擔 綱 演 出 , 分 別 為 英 文 科 補 習 天 后 Mia Wong 、 理 科 皇 牌 天 王 S-Men 和 超 星 級 中 文 名 師 楚 鋒 , 3 人 以 電 影 《 無 極 》 造 型 上 陣 , Mia Wong 扮 王 妃 傾 城 、 S-Men 和 楚 鋒 分 別 扮 北 方 公 爵 和 大 將 軍 。

廣 告 在 巴 士 Road Show 播 出 後 , 成 為 城 中 熱 門 話 題 , 3 人 被 譽 為 「 當 代 三 寶 」 , 校 方 將 他 們 力 捧 為 「 人 氣 星 級 名 師 」 ; 未 幾 , 「 三 寶 」 之 一 Mia Wong 率 先 離 開 當 代 , 打 算 過 檔 英 皇 育 , 今 年 6 月 被 當 代 入 稟 高 院 控 告 她 違 約 , 要 求 法 庭 頒 令 禁 止 她 在 終 止 合 約 後 兩 年 內 任 , 另 索 償 逾 800 萬 元 的 廣 告 費 及 生 意 損 失 等 。

哈哈…仲有仲有呀, 今晚睇“勁歌金曲”, 見到一級擦鞋王amigo先生, 依家已經完全升格為歌星…佢以前都係搭at17唱兩句, 依家直頭有得同嘉賓jam歌…好威囉! 雖然佢都唱得唔差, 但無線真係捧得佢太太太over喇, 咩都有佢份…大小show o既御用主持都唔緊要喇, 依家仲想捧埋佢做歌星?! 我覺得下年o既最受歡迎男歌手, 好有可能係崔建邦…?!

8 Comments:

Anonymous 匿名 said...

兩位女教師又真係幾靚女喎,靚過d乜姐物姐好多! 補習老師又好似真係effective過學校老師, 早知係咁, 我以前都去補習啦!

崔健邦以前係陳志雲做電台時既助手嘛, 坊間仲有傳言話崔健邦個哥哥係陳志雲個honey(不過呢個講法既可信性唔多高), 所以點都要捧一捧!

10:24 上午  
Anonymous scabies said...

擺明就係sell 樣唔係sell 實力啦....但讀書呢樣野,真金不怕烘爐火,始終冇料好快會比人知....

但我覺得angela 靚過stella,個樣sweet 好多!!!

11:34 下午  
Blogger 芒姐 said...

scabies,

咁人o地angela係model, stella只係一個比較好樣o既律師o者! 不過依家d補習搞到咁, 真係好騎呢!

12:52 上午  
Blogger 芒姐 said...

b,

哈哈哈...補習係有佢o既用處o既, 即使d補習老師其實無咩料, 至少俾o左錢逼你聽多次都好過無! 同埋無咩quali又唔等於教書會唔掂喎...佢o地tip d題都ok o架!


至於崔建邦同陳生關係o既可信性...大家自己諗o下啦...

12:54 上午  
Anonymous shaw_mag said...

Hi, mon jeh.
美女廚房 is quite funny. never know that Louisa So or Ada Choi are good chefs.

BTW, do you watch 刑事情報科(CIB)?

6:10 上午  
Blogger 芒姐 said...

shaw_mag,

um...I have recorded "CIB刑事情報科" but no time to watch it yet...haven't even finished

Haha...you already got a chance to watch "美女廚房"? Yes, that's quite an interesting prg...well, I think Louisa So does look like she can cook well, but not Ada lor...but in fact I guess the gist of the prg is to see how badly those artists perform in cooking...so the good chefs won't be the centre of attention!

3:43 下午  
Anonymous 匿名 said...

CIB首主題曲勁難聽! 林保怡唱歌真係完全唔得, 真係連崔建邦都唱得好過佢!

9:50 下午  
Blogger 芒姐 said...

哈哈...仲未有機會聽CIB首主題曲添...不過林保怡唱歌真係唔多掂...以前都無咁難聽o架! 其實我都認同...崔建邦係唱得好過佢!

1:09 上午  

發佈留言

<< Home