7-28(fri) 周慧敏演唱會
7-28(fri) 周慧敏演唱會
呢期好耐都無咩機會睇電視, 上星期日終於有機會睇番d節目…除o左所有唔同年紀+唔同階層+唔同職業o既朋友都一致公認為呢期最好睇o既節目“美女廚房”之外, 仲無啦啦o係11點睇到個“周慧敏演唱會”精彩片段!
周慧敏開演唱會, 好多人都問我有無睇, 事關大家都知我係一個“演唱會精”, 逢演唱會必睇…無錯, 前幾年的確係, 但已經“熱情不再”o左好耐! 依家只係會睇一d我之前無咩點睇過o既歌手o既演唱會, 或者係一d真係好鍾意o既歌手o既演唱會, 又或者係最開正我o個瓣o既“懷舊”演唱會…所謂“懷舊”, 意指懷八十年代的舊, 甚至係懷九十年代初的舊…都係o個句: “情意結”嘛!
(大v@1994)
周慧敏…其實絕對係屬於我o地個年代, 但我又真係不曾喜歡她! 雖然佢個人overall其實ok o既, 但總覺得佢yim yim悶悶 (which係我最怕o既o野), 唱歌又唔多好聽…佢又唔係話走音, 但係你唔會覺得動聽o個隻囉…仲要佢有d雞仔聲, 尤其大家知我唔prefer人把聲高音, 個人認為把聲沉沉地好聽好多…所以我唔知佢當時d碟有無佢d寫真集咁賣得?! 我諗除非係好好好鍾意佢o個d, 否則聽碟齋聽佢把聲無佢個樣, 應該唔會太有衝動去買!
所以當年我會寧願聽關淑怡, 王菲, even葉蒨文, 林憶蓮, 彭羚, whoever (當然仲有我最愛o既sammi)…都唔寧願聽周慧敏! 佢d歌, 除o左“自作多情”, “最愛”, “天荒愛未老”, “感情的分禮”等, 我都真係唔識多隻! 今次睇佢呢個演唱會精彩片段, 好多歌都唔識! 有d位特登唔望電視機, 嘩! 真係唱得唔多好聽…唯有望番佢個樣算喇!
(大v@2006)
佢個樣同埋身形, 又真係keep得幾好…我個人認為直頭好過以前囉! 第一, 以前佢作為一個廿幾歲o既女藝人, 當然對佢要求多d; 第二, 客觀地比較佢依家同十年前個樣, 我又真係覺得佢依家仲好o左喎…可能因為佢以前太厚粉 (呢樣我又係勁怕…有期佢直頭走“日本藝妓”路線囉!), d牙又好黃 (唔知係咪煙屎牙?!)…我真係從來都唔覺得佢係大眾形容到咁絕色佳人囉! 同埋佢絕對唔係my cup of tea…通當d少男係會好迷佢, 女仔我就真係無咩聽過話鍾意周慧敏喇!
不過不得不承認, 周慧敏絕對係九十年代一個icon, 甚至可以叫做一個legend! 第一代玉女掌門人, 閃卡皇后 (雖然呢樣一半要多得佢o既另一半倪震先生)…捨佢其誰?! 試問o個個年代o既年青人, 有邊個係無佢張yes card旁身o架 (無論你係好想擁有定係被逼抽到啦o下)?
posted by 芒姐 at 12:04 上午
48 Comments:
我都唔覺得周慧敏係一個絕色佳人, 當年我仲好天真地替佢擔心, 擔心d人會將佢同倪震前女友阿大美人李嘉欣比較, 擔心佢會自卑...諗番都覺得自己當年白痴!
不過客觀地睇, 周慧敏真係保養得好好, 我都覺得而家o既佢比以前更靚更fit(當年佢o既皮膚好似唔係幾好)。但係有一樣o野我好唔明──明明當年佢係俾人categorised為唱功麻麻o既偶像派, 點解今天竟然搖身一變成為實力派? 真係奇!
我覺得佢份人都無乜o野, 正如你所講, overall係幾ok, 至少好過陳慧琳(我知佢o地屬於唔同年代, 拎佢o地o黎比較或許不太appropriate)...我本來對kelly都無乜o野, 不過佢呢幾年唔知點解突然粗魯o左好多, 成日都好大動作(有時大動作到近乎有d不雅), 一d都唔配合佢一貫o既elegant形象, 加上佢三日唔埋兩日就對住個鏡頭喊, 好煩(各位kelly迷, 唔好怪我呀, 原諒我心直口快, 我無心冒犯你o地o既偶像o架, 如有任何得罪o既地方, 我願意收番剛才o既說話)!
我係一個周慧敏fans (差唔多隻隻唱片都有買(一邊聽歌一邊睇歌詞plus cd 附送的寫真集), 每首歌都認, 有買佢d 寫真集, 同埋會儲剪報0個type)[雖然到最後嫌佢太厚粉無再支持佢]
我都有睇0個個節目呀, 周慧敏真係keep 得好好好好!! 十幾年來都好似無乜變過或者老過, 好犀利!! 不過, 評心而論, 佢gei 唱功認真麻麻, 都係睇番佢個樣算喇 :)
TVB 做周慧敏演唱會, 我睇完既感覺係: 突然覺得對佢既欣賞多左!
以前我都幾唔鍾意佢,覺得佢唱功實在太差,無料到. 但佢今次重出江湖,唔止靚左又keep 得好,令人眼前一亮,連唱功都有少少進步(當然唔係話好明顯啦),仲響演唱會度自彈自唱左一首歌添,對佢終於有 d 改觀 -- 原來佢都有 d 才藝既! 其實佢0個種elegant既靚,係要而家呢個年紀先散發到出黎,時間0岩0岩好!佢而家真係好靚呀(如果肥返 d 就更好啦!)
我同樓上再樓上0個位 sandy 一樣, 近年來對陳慧琳既觀感都唔太好...本來我都幾欣賞佢係少數「唱得、跳得又睇得」既女歌手之一(雖然我唔係佢既fans,但幾年前睇過佢既演唱會,覺得佢做得唔錯架,只係好唔識攪氣氛,嗌極 d 觀眾歡呼下都無人啋佢!@.@),但佢近年來實在太巴喳,好嘈!!!同佢平時唱《大長今》、做"金至尊"廣告時個 elegant 樣實在相差太遠,好假呀!佢係就係又靚又fit,但係好市井feel,好似好無內涵咁 >.< (純粹個人意見,fans們請勿介意~~)
哈哈哈...好搞笑, 大家忽然說話變得好謹慎咁, 仲要有埋disclaimer...相信o黎呢度o既偶像fans都係理智的...否則我o地唔會同佢o地玩...哈哈哈!
其實無線"散散修修"咁播呢個演唱會, 每隻歌唱得一分鐘, 好到喉唔到肺囉! 周小姐的確係keep得很好, 不過歌藝又真係仲差o左 (但佢無唱咁耐, 係值得原諒o既)...佢不如出o黎拍番套戲仲好啦!
哈哈...至於kelly, 其實真係同周慧敏情況差唔多, 不過仲大鑊...佢俾我的感覺只有一個字: dull!
其實我同樣地相信kelly份人係幾ok, 直頭正常到同個娛樂圈有d格格不入...不過佢就係一個悶字o乍嘛! 我對佢無任何負面comment, 佢唱歌無走音, 跳舞雖然有負"勁舞dancing queen之名", 因為佢只會郁上半身, 下半身不太跳得郁, 手長腳長o既人係有呢個問題, 但佢都算不太差o架嘛...但"悶"已經係撈娛圈死症啦...佢細佬陳思翰就係最佳例子!
同埋佢個演唱會係我唯一一個睇到想走, 最終去o左三次廁所都未睇完o既演唱會...佢唔係唱得差, 但真係好鬼悶囉...實在太可悲!
我好同意大家講話佢呢期粗魯o左好多, 仲要我覺得佢係有d刻意, 懶係大癲大肺...可能係想同其他人拉近距離, 因為佢個感覺太神聖, 太高不可攀...但係既然每人都有佢o既定位, 又何必刻意改變呢?!
要elegant又要唔悶都幾難o架。
Kelly都okay,至少順眼,但好難再hit返起吧。
我細個已經覺得周慧敏好靚,佢雙眼同唐寧一樣好水汪汪,又有把長髮,性格又似好溫純,成個日本娃娃咁,係男仔最鐘意o個款。
我都幾鐘意睇佢做戲,佢做戲唔悶啊。
咁你地睇好而家邊個女明星?
我喜歡林嘉欣。
我都幾buy林嘉欣, 好sweet, 鬼妹仔咁, 都幾爽(我係好怕d扭扭擰擰o既玉女, 例如關心妍咁, 實在太... 同埋佢一唱歌就好嘈)! 好耐之前我曾經幾buy張柏芝, 佢初出道時真係好靚好驚為天人, 我好欣賞佢咁錫屋企人(其實亦好同情佢有d咁o既屋企人), 只可惜...佢真係好唔自愛!
張柏芝出道頭兩年我係好鐘意佢,幾乎係當時我唯一的偶像!
而家佢大個左反而變得比以前更唔成熟咁,但我仍然幾鐘意佢,成日覺得如果佢塊面肥返會靚好多,我寧願要包面都唔要削面。
林嘉欣,嗯,清爽自然,無人笑得比佢甜。
仲有一個女明星我幾欣賞係胡杏兒,戲路同形象好廣,睇得出好努力,性格又好樂觀。
我以前都幾like kelly....
especial係佢風花雪,星夢情真時期
但之後佢賣弄自己係dancing queen加上一輪mark lui電音後,對佢好感蕩然無存
佢e排仲唔知搞咩,d look愈來愈怪
講野仲好似好粗魯,扮晒野咁....(我好多fd都咁認為)
有人話kelly係vivan之後ge玉女獎門人接班人....
我就唔認同
雖然我覺得vivian唱歌麻麻,但佢行出來真係一個玉女feel,長hair,眼睛柔情似水,講野陰聲細氣....
kelly行出來都ok,但d五官比vivian粗,再加上佢講野把聲......=.=,真係一開口咩幻想都破滅晒
to nokia:
同意x10!
to jojoyeung:
最初我唔太鍾意胡杏兒, 因為覺得佢幾作狀, 但係呢一兩年來我對佢有d改觀, 我發覺我開始欣賞佢, 因為佢工作好認真, 加上佢本身好聰明, 語言能力又高, 佢o係o個套"同撈同煲"度做得好好, 睇得出佢有落過心機, 做"野蠻奶奶"又做得好生鬼, 又唔會恃寵生驕同阿姐爭女主角獎喎, 抵讚!
我同芒姐的口味唔一樣, 我好欣賞d yim yim 悶悶的人, 所以我對kelly的感覺okay, 不過我都覺得佢近排把聲粗魯左好多 (要扣分!!), 好礙耳~
既然我係周慧敏忠實fans, 我唔再0係度讚佢喇, 哈哈哈
我都好欣賞張柏芝, 到而家都係, 好欣賞佢咁錫屋企人, 我覺得佢好慘, 有d 咁gei 屋企人...
我覺得林嘉欣個樣好甜美, 但就麻麻地鍾意佢個人, 可能係因為佢做過第三者, 勾引有婦之夫
Re Kelly & Vivian,
哈哈, 原來雪人欣賞d yim yim 悶悶o既人, 咁你應該鍾意楊思琦小姐!
Kelly其實幾elegant o既, 但唔知點解佢依家要刻意懶市井, 懶粗魯…企圖同大家打成一片…唔知道自己o既定位係佢最錯o既o野!
不過我認同佢o係 “一切很美”/ “我會掛念你”/ “誰願放手”/”星夢情真”年代d歌真係幾好聽…但之後就真係後勁不繼喇!
Kelly當年唔係接王菲班咩?! 佢應該唔算係走“玉女”路線o既! 第二代玉女掌門人應該係楊采妮 (佢當年個look真係清純到無人有, 我都幾buy佢o架! 但佢好型咁以23歲“高齡”退出娛圈之後, 個樣唔知點解極速老化…到佢撈唔掂再出番o黎之後, 成個感覺都唔同晒, 好可惜!), 而第三代居然係…好勝gigi…
Re張柏芝:
我都好認同佢一出道真係好好好好靚…雖然把聲真係好估佢唔到 (同楊charlie一樣), 但佢唱落歌又無想像中咁差喎…第一首“任何天氣”都係我favorite之一, 輕鬆易唱…幾好呀! D戲又好, “星願”的確令人刮目相看…但唔知點解佢同霆鋒一齊之後就裡裡外外都cheap晒…佢兩個真係相衝相剋!
佢鍚屋企人係好, 但我覺得o個jar為數不止十個o既蛀米虫搞到今時今日咁樣, 佢都要負上部份責任! 真係愛佢變成害佢!
Re林嘉欣:
我都覺得林嘉欣幾靚女同sweet, 做戲都幾好o既!
Hoho…同個騎呢關心妍簡直無得比…佢唱歌係幾好聽, 但隻隻都係咁, 一係就拋難度, 聽得多都悶! 仲有佢同阿“o雪o雪o雪”簫正楠o個段自製緋聞, 再唔到一年即反目不和新聞, 核突到唔恨!
Re 胡杏兒,
“律政新人王”時期我曾經好buy胡杏兒, 佢個短髮爽朗新“扎”女律師look簡直煞晒! 之後又覺得佢套套都無咩特別, 同埋無線太力捧佢, 一年出五套戲, 反而害o左佢, 因為大家都覺得係一個overdose!
不過今次佢谷肥自己又真係幾令人眼前一亮, 估唔到瘦底o既佢可以為部戲肥成咁, 同埋都肥得幾好睇!
而佢對工作o既熱誠同埋佢o既有腦, 我都幾欣賞…呢d從佢玩親遊戲節目都一定贏已經可見一斑! 同埋佢英文好, 又有得加分! 仲有佢o係娛樂圈都算做有d學問, 呢樣又係得…唔係話要你好讀得書, 但係無讀過書真係蝕底d, 一開口就差好遠囉!
but actually 'almond wu' had only completed her year 1 in UST... does it still count as有d學問? I guess it's more due to her own intelligence...
雖然我鍾意d yim 悶人 (所以我幾欣賞馬國明 (雖然我贊成佢做戲唔好睇, 同完全無主角格 {well, 其實我無心機睇佢做愛情全保})), 但我麻麻地鍾意楊思琦 (開頭都ok buy), 而家嫌佢把聲太吵耳, 同埋好明顯被娛樂圈污染左, 無以前咁純品; 仲有, 我都覺得關心妍極度yim 悶, 但我由始至終都唔鍾意呢個人 (唔知點解)
係呀, kelly 當時係被譽為王菲接班人呀~
張柏芝而家個樣好唔得喇, 不過依然欣賞佢做戲得 (同埋份人夠真夠大情大聖)
科大year 1, 起碼a-level 有番咁上下成績先入到科大gei, 一定好過好多會考得幾分, 然後靠姿色入娛圈的人吧 (本人絕無歧視會考得幾分的讀者, 只是相對地以學歷來比較)
to cannot type chinese here,
o係現今社會, 科大year 1未必算係好有學問o既一群, 但o係娛樂圈, 我諗可以叫非常有學問添啦! 觀乎現今娛樂圈, 有一半都係十幾歲中學未畢業就出o黎撈, 中五畢業都好俾面o架喇! 咁當然, 除o左讀書比較多, 你point out o既intelligence都佔胡杏兒吃得開o既好重要一環, 我都話佢醒! (以大家覺得我個人咁挑剔同吝嗇讚美之下, 我肯話一個人醒都好係俾面佢o架喇!)
雪人,
我忽然醒起n個月前有人好似話過你係楊思琦fans, 哈哈哈...但我打上面個留言時無醒起呢樣o野, 只係一諗起yim悶唔知點解就跳o左一級豬楊施肥小姐出o黎...哈哈哈...
張柏芝...其實我最欣賞佢講英文...超有娛樂性...i like it!
re "林嘉欣勾引有婦之夫"
張柏芝何嘗唔係謝軟飯同王菲之間o既第三者呢?
re "張柏芝講英文"
佢仲話自己唔睇中文報紙, 只睇英文報紙, 真係really really crazy!
re "無讀過書同有讀過書既娛樂圈中人一開口就差好遠"
咁又係, 崔建邦有次話風之后珊珊既女已經有九歲, 令我想起童夢奇緣!
不過咁, 有中大謝檸檬之稱既高浩正提到軟硬時亦話"阿葛同阿優", 我諗佢一定係好掛住阿葛優!
re "張柏芝何嘗唔係謝軟飯同王菲之間o既第三者呢?"
呢樣我係唔知道呢, 我一直都以為謝檸檬同王菲散左先同張柏芝一齊... 噢如果係真的話, 咁張柏芝份人的人格真係好有問題...
re "張柏芝何嘗唔係謝軟飯同王菲之間o既第三者呢?"
係呀, 除o左佢"愛家人"係值得大家讚頌之外 (其實呢點都值得商榷, 因為正如我之前所講, 係佢寵到佢屋企上下大小不下數十人都咁廢!), 張柏芝的人格我又不太搵到值得欣賞的一part...或者係佢夠豪夠真啦...都真係無咩喇!
不過佢對"英文"的passion, 我真係好欣賞...尤其有一次佢唔知飲醉飲定扮o野, o係記者面前講一輪好有趣o既"散裝"英文, 令我對佢"另眼相看"!
re "張柏芝講英文"
佢仲話自己唔睇中文報紙, 只睇英文報紙, 真係really really crazy!
re 崔建邦/高皓正:
雖然個崔建邦又真係無咩學問o架喇, 佢最叻係擦鞋, 真係有咁"令"得咁"令", 不過我諗佢同中大謝檸檬係一時口快講錯, 又唔關讀書多少o既事o既! 但係一個人講o野o既內容+用字同埋所表現o既修養, 就絕對關讀書多少o既事喇!
RE 芒姐:
咪就係好美的金小姐話我係楊思琦fans 囉~ 其實我唔係佢fans, 只不過當時播緊阿陶大宇同郭可盈套「老師」劇(唔記得劇名), 我係唯一一個友儕間無對楊思琦反感之餘, 仲覺得佢幾靚的人...睇完「馬戲團」之後, 就覺得佢麻麻地喇~
re "咁張柏芝份人的人格真係好有問題"
但我相信謝軟飯既人格係更有問題, 天下契弟(我唔係講粗口呀, 佢真係自認係anita既契細佬嘛)何其多, 但都好難搵到一個契弟比佢更契弟(我無法忘記佢仆到去拎梅姐張相0個一幕, 佢憑乜野? 佢配咩? 我覺得佢好唔尊重梅姐, which係我最最最睇佢唔順眼既野)! 柏芝同軟飯王真係天生一對!
謝檸檬的人格更有問題, 真係十萬個贊成呀!!
re "契弟檸檬" ,
哈哈哈...好欣賞你對契弟呢個名o既解釋...笑死我!
柏芝同檸檬無論外型, 人格, 背景都真係天生一對...如果唔係都唔會發生o左幾年前o既騎呢"頂包頂到坐監"事件...所以王菲俾人giu牆腳真係應該去還神!
o岩o岩有幸睇到勁歌o既kelly勁舞dancing queen之夜, 再次見識佢o既原地fing手fing腳 (mainly係fing手)舞步...真係覺得好勁舞dancing queen囉...呵呵!
其實又不能話佢真係跳得好差, 係無o個種節拍感同埋跳出o黎唔好睇囉...不過以佢咁手長腳長, 其實算係咁o架啦...尤其比起同樣"六呎高"o既好勝gigi!
re "契弟檸檬"
多謝你既欣賞, 同埋多謝你唔嫌我講野咁粗俗!
re "Kelly原地fing手fing腳(mainly係fing手)"
係呀, 唔知係咪真係太高既關係, 我見佢盤骨以下既地方好似郁唔到咁! 至於fing手, well, 唔知你有無留意到一樣野, 就係佢好鍾意遞高自己既armpits, 現場表現如是, music video如是, 廣告如是, 連硬照也如是... 相信"遞高armpits"必定係佢既favourite pose!
Sorry呀, 我知我把口好衰, Kelly話晒都係一個好人, 我係唔應該笑佢既, sorry呀, 你(同埋其他bloggers)唔好怪我口賤啊!
匿名者,
你咁匿名我真係唔知點叫你, 俾個代號自己嘛...
粗鄙有粗鄙o既趣緻, 在我o黎講, 最緊要唔yim悶o者!
匿名者,
真係要講句: "sorry呀, kelly!" 但我絕對認同你所講o既每一句囉!
kelly係一個好人, o係娛樂圈仲算係幾品格高尚o架喇...但睇佢跳舞又係好笑呀嘛, 好笑就要同大家分享o下, 兩者無抵觸o既!
口賤唔係一個問題, 抵死o既人我最欣賞, 至少證明大家可以坐埋一台...o黎得呢度o既人, 亦都應該buy呢隻style o既, 否則都走o左好耐, 唔會有機會睇到呢d留言!
re "好勝gigi"
佢終於都淪落到要行性感喇, 又係既, 講唱功, 佢明顯無... 講創作才華, 佢作既歌又不外如是, 再講, 係咪真係佢作都成問題... 講音樂造詣, 大把人應該勁過佢... 講演技, 又睇唔出佢有... 佢由始至終都只可以sell個樣, 可惜佢又保養得差, 個樣已經不復當年勇, 以佢咁好勝既性格, 點都要想個法子闖出一條新血路既!
都係0個句, 唔好怪我口賤, sorry!
哈哈, 我硬係覺得「匿名者」好似我同金美小姐另一個朋友, 佢又係講說話好有趣好抵死同好中point 架~ (連文筆同語氣同運用的英文都好似我地個朋友的風格)
雪人,
我都覺得阿「匿名者」o既月語同埋見解好似我另一位朋友...原來我o地身邊真係有咁多抵死o既人, 果然係坐埋一台!
re "好勝gigi",
哈哈哈...你講中晒我o既心聲...以佢咁o既條件+品格+人緣, 依家唯一可以做o既...就係collect skin...
"collect skin" 哈哈哈哈哈哈!!!!!!!!
一直認為佢係以前年代的歌星,唱功都有番咁上下?點知聽完個節目,即刻開始對佢印象麻麻,以佢ge年代,咁ge歌喉,真係....唉!
可能真係因為佢唱歌退步左,人老左都冇咩辦法,樣keep到,聲就未必keep到..當年佢紅,我都仲好細,真係唔知..我係幾喜歡舊歌,以前年代的明星,覺得幾有風采,但佢以歌星身份出來..好怪囉!
d人好難聽話佢姣婆守唔到寡,話佢咁聲都出番來唱,不過我都認同佢唱歌真係勁差,好偶像派.我就最憎架啦
唔係喎, 我真係聽到有人話而家o既佢係實力派喎, 其實我都好au頭, 我明明記得以前d人笑佢唱得咁差仲成日"炫耀"自己係choir出身, 但唔知點解一別十年之後, 竟然有人話佢有實力, 好奇怪o羅! 咁如果同twins、楊千嬅、梁詠琪o個一批比, 周慧敏勉強算係咁o架喇!
Sandy,
d人話佢係實力派會唔會只係恭維說話...不過是但啦, 我諗objectively, 即使係佢fans, 都無理由話佢唱得好! 樣keep得好, 就係真o既...
而講真, 比起依家o既twins, 我覺得兩個小妹妹絕對唱得好過auntie v, 我雖然唔係特別buy佢o地, 但睇/聽得出真係進步o左好多! 至於比起楊千嬅同梁詠琪...佢兩個係無咩進步, 但又真係點都唱得好過周慧敏少少!
哈哈...同埋其實我發覺通常唱choir出身o既, 大部份唱流行曲都唔多好聽, 因為唱兩種歌要用兩種唔同o既竅門, 大部份唱開choir o既都只會用番自以為好好聽o既聲套用落流行曲度...出o黎效果係好難聽! o係我識o既choir朋友當中, 得好少數可以掌握到唱兩種歌都唱得好聽o既technique...可悲!
匿名者,
其實九十年代o既歌星 (even八十年代), 已經有偶像派同實力派之分...偶像派o個隻, 真係唱得幾難聽o下, 唔同再早多幾代 (即七十年代)的歌星, 全部都係要唱歌得先得(除o左汪阿姐同秋官, 因為佢o地有大量電視fans backup)
我諗佢唔係姣婆守唔到寡, 而係佢位倪生經濟真係出現o左問題...無得揀咪要出番o黎做囉...有頭髮邊個想做"laat lei"呀?!
我都覺得twins進步o左好多, 希望佢o地繼續俾d心機啦! 楊千嬅係衰把聲o羅, 把聲明明偏沉但又鑑硬向高key進發, 但個key range又唔夠闊喎, 好難聽! 梁詠琪一唱高音就突然轉假音, 太突兀喇!
哈哈! auntie v, 好搞笑, 我諗起舊年阿蜢復出時, 有雜誌叫阿傑做傑叔, auntie v同傑叔真係有異曲同工之妙!
當年佢如果繼續跟陳德彰, 可能還比而家好!
我都覺得twins唱歌進步左,講真,佢地兩個點都有睇頭過梁詠琪,始終梁詠琪依家都唔再係什麼清純玉女,佢除左fancl house,覺得佢冇咩好令人深刻的形象.相反,twins都可以話好睇兼好聽~幫佢地作曲作詞d人,又真係作到好多好聽ge歌,相比陳慧琳d歌melody仲好聽!
周慧敏肯定就屬於偶像派,不過佢在歌唱界可以叫阿姐(咁ge年紀),人們當然恭維佢啦!實力派都係人地恭維說話姐!
哈哈, sandy, 我個人比較賤格, 最鍾意幫人作花名, 我身邊o既朋友無人倖免..."auntie v"都係咁o岩諗到覺得幾順口, 最滿意o既力作依然係"mk wong"!
我都目信auntie v當年佢如果同陳德彰, even阿俾人"毒害"o既"毒瘤明"(sorry, 我
唔應該跟人咁陰毒), 應該會活得更好!
我覺得你分析千fa, gigi的歌唱弊病分析得好到point, 正正如此啦!
匿名者,
自從fancl搵o左好勝gigi做代言人, 我再無興趣買佢任何產品...尤其個break & burn廣告, 唔單止提唔起人買該產品o既興趣, 仲覺得個廣告好核突!
話auntie v係實力派, 除o左係恭維佢, 都唔知係咪有d想諷刺佢!
發佈留言
<< Home