2007年5月12日星期六

5-12(sat) 芒姐@蘋果 (5月號之二) + 四大天王經典電訊廣告

電 視 撈 飯 (2007-05-11)
http://appledaily.atnext.com/template/apple/art_main.cfm?iss_id=20070511&sec_id=462&subsec_id=830&art_id=7090385

《 溏 心 風 暴 》 抄 橋 出 色

近 期 城 中 最 熱 捧 的 劇 集 , 必 數 《 溏 心 風 暴 》 。 大 契 、 細契 、 莉 姨 、 鮑 鮑 、 得 得 地 等 名 字 , 無 論 在 大 街 小 巷 或 報 章 雜 誌 均 會 聽 到 或 看 到 。 唐 家 的 爭 產 戲 , 與 現 實 中 小 甜 甜 的 世 紀 爭 產 案 , 可 說 是 互 相 輝 映 。 雖 然 劇 情 不 脫 無 綫 長 劇 婆 媽 冗 長 的 弊 病 , 尤 其 前 半 部 的 家 庭 戲 實 在 拖 拉 得 太 久 , 司 棋 姐 字 正 腔 圓 的 解 釋 「 運 」 與 「 渾 」 也 用 上 10 分 鐘 ; 但 此 劇 已 算 是 近 半 年 來 較 有 追 看 性 的 劇 集 , 唐 家 在 這 兩 個 多 月 來 , 彷 彿 已 成 了 我 們 的 親 人 。

劇 中 各 年 輕 演 員 的 表 現 亦 算 不 俗 , 但 畢 竟 薑 還 是 老 的 辣 , 最 搶 戲 的 仍 是 一 眾 老 戲 骨 。 三 位 阿 姐 的 連 場 好 戲 , 不 僅 吸 引 大 批 追 劇 師 奶 , 連 屬 於 年 輕 人 玩 意 的 網 絡 世 界 亦 被 攻 陷 , 大 契 大 罵 細 契 一 幕 , 短 短 數 天 已 有 50,000 人 次 點 擊 。 無 論 是 劇 中 大 契 和 細 契 的 下 場 , 還 是 現 實 生 活 裡 入 行 30 多 年 的 李 司 棋 與 關 菊 英 的 私 生 活 , 均 成 為 近 期 娛 樂 雜 誌 的 熱 門 話 題 , 誰 說 電 視 劇 在 這 年 代 已 再 沒 影 響 力 ?

很 多 人 說 此 劇 有 抄 襲 20 年 前 的 經 典 倫 理 劇 《 季 節 》 之 嫌 , 其 實 大 家 族 勾 心 鬥 角 爭 產 戲 均 不 外 如 是 ; 雖 然 兩 個 唐 家 的 家 庭 結 構 及 角 色 背 景 確 有 一 定 程 度 的 相 似 , 不 過 正 所 謂 「 橋 唔 怕 舊 , 最 緊 要 受 」 , 只 要 抄 得 有 技 巧 , 不 要 像 《 新 春 豬 事 町 》 或 《 周 身 法 寶 》 等 照 dub 可 也 便 成 。 加 上 一 眾 好 戲 之 人 , 司 棋 姐 的 「 媽 打 式 」 權 威 令 人 不 寒 而 慄 , 米 雪 的 精 明 倔 強 姨 仔 角 色 亦 討 人 歡 心 。 當 然 , 最 爆 的 是 久 休 復 出 的 關 菊 英 , 她 的 奸 妃 嘴 臉 簡 直 入 型 入 格 , 抵 她 人 氣 急 升 。



顏 福 偉 跳 得 精 采

至 於 《 十 大 電 視 廣 告 頒 獎 禮 》 不 經 不 覺 已 第 13 年 , 是 亞 視 除 了 《 亞 洲 小 姐 》 之 外 , 辦 得 最 有 聲 有 色 的 大 騷 。 雖 然 辦 到 第 13 年 , 已 無 甚 新 鮮 感 , 加 上 大 部 份 演 出 廣 告 的 歌 星 或 演 員 均 與 無 綫 有 合 約 在 身 ; 在 毫 無 大 卡 士 撐 場 下 , 仍 能 得 到 一 眾 廣 告 商 支 持 , 而 節 目 本 身 亦 沒 有 出 現 太 多 蝦 碌 場 面 , 對 亞 視 來 說 已 算 萬 幸 ! 最 吸 引 是 近 期 熱 爆 的 「 白 花 油 王 子 」 顏 福 偉 擔 任 頒 獎 嘉 賓 , 同 場 送 上 他 的 人 氣 廣 告 歌 《 愛 多 八 十 年 》 及 其 獨 特 舞 步 , 算 是 全 晚 最 精 采 的 一 部 份 。

撰 文 : 芒 姐


**************************************************************

講開十大電視廣告頒獎禮, 早前o係報紙睇到有一篇專題係講番九十年代四大天王o既經典電訊廣告…真係幾經典, 亦都係我o地成長時o既一個重要回憶!

最經典當然係leon同阿美o既系列…由93年開始 (定係92年呢?) 年年都會有一個, 只係個阿美年年都唔同o者! 第一個好似就係93年整親隻腳o既fan屎may, 跟住leon打個電話俾佢就成個醒晨番晒, o個年年尾軟硬o係叱吒頒獎禮都有用呢個廣告o黎做佢o地o個part其中一個笑位! 之後o既阿美仲有童愛玲, 楊采妮, lee ann等等…太多多到我都唔記得喇!

94年同童愛玲拍o既“有緣o既我地會再見”, “危險速逃”等金句廣告:



97年o既笨豬跳廣告就更加dum本, 更加大卡士, 亦更多金句…“要贏人先要贏自己”& “打波定打人呀?”…一聽番, 就會諗番起o個一年! 除o左leon, 仲有charlie, 老馮同埋港台dj+做過一陣歌星o既jason曾仕賢!



仲有aaron同123又係好經典o既廣告…仲紅o左佢隻“愛的呼喚”, 同埋兩位女主角michelle saram (雪兒) 同埋伊面嫂蒙嘉慧添…o個時仲有匯應通有獎遊戲叫你揀最後阿王應該同雪兒定蒙嘉慧一齊! 不過呢段片又無蒙嘉慧喎!



同期仲有“呢個獎係屬於我爸爸”o既張學友 - 數碼通 (想和你去吹吹風-父子篇)…o個期d電訊廣告真係好犀利!



最後, 當然仲有劉天王o既愛立信廣告…而個女主角, 居然係lady like o既何韻詩…真係勁呀! 係邊年o既呢? 我都唔記得o左添?!

7 Comments:

Anonymous 匿名 said...

大契後生時真係好靚女, 不過有人話, 生得越靚嘅人, 命途就越坎坷...

10:59 下午  
Anonymous 匿名 said...

又會咁o岩o既?我前幾日o岩o岩o係youtube度重溫o左黎明o既經典和記電訊廣告,今日就見到芒姐呢篇野喇!真係勾起無數回憶呀!四大天王時期o既黎明真係好白馬王子,當時仲要拍埋咁殺食o既廣告!真係好掂!
好多譬如"Just to say hi" "我係咪好任性呀?" "係!不過係我揀o既!" "危險!速逃!"全部都好經典...其實最經典o既就係阿May呢個名!紅極一時!

3:28 下午  
Anonymous 匿名 said...

溏心風暴我好早就放棄o左,一o黎冇時間,二o黎覺得唔好睇。
即使精彩如大契細契大鬥法,我都冇乜興趣(其實莉姨係咪奸人?)
最有興趣係睇下林峰(雖然佢真係好客串),不過又唔係時時有佢,所以都唔知點去捕捉。

3:37 下午  
Blogger 芒姐 said...

++,

哈哈...o係近期無咩好戲睇之時, 溏心風暴都算ok o架喇...雖然有時都煩o左d!

莉姨我諗係中o卦?!

林峰真係出得唔太多...錄起佢fast forward囉!

6:32 下午  
Blogger 芒姐 said...

++,

leon的和記廣告的確經典...真係九十年代的集體回憶!

阿May呢個名...係娘o左少少(希望叫阿may的朋友唔好打我), 不過又真係正如你所講紅極一時!

6:33 下午  
Blogger 芒姐 said...

匿名,

oh...真的嗎 (re生得越靚嘅人, 命途就越坎坷)?! 好彩我...呵呵呵!!!

6:35 下午  
Anonymous 匿名 said...

re生得越靚嘅人, 命途就越坎坷

唔知呀, 睇相D人係咁講, 佢地話傳統上被認為靚嘅樣, 例如眼大, 鼻尖, 咀細, 瓜子口面等等等等, 晌相學上都係一D福薄相, 條命不但不會因佢地生得靚而變得好D, 相反仲會幾坎坷, 所謂紅顏薄命, 可能就係咁解... 你睇下古今中外嘅女明星, 越靚嘅似乎就越短命, 或者好女十八嫁, 但兜來兜去總係搵唔到一個可以白頭偕老嘅真命天子... 大契夠靚啦, 但係嫁兩次都係離婚收場, 身體又有毛病, 個女又曾經唔認佢, 好似都幾慘咁, 不過佢而家生活好似都好OK, 我都好替佢高興!

所以, 都係唔好望自己(或自己D仔女)生得靚, 寧願生得好命仲好!

12:25 上午  

發佈留言

<< Home