4-26(thurs) 芒姐@蘋果 (4月號之三) +來簡約地愛多八十年…

電 視 撈 飯 (2007-04-20)
http://appledaily.atnext.com/template/apple/art_main.cfm?iss_id=20070420&sec_id=462&subsec_id=830&art_id=7019761

《 溏 心 風 暴 》 陳 豪 作 狀

無 綫40 集 長 劇 《 溏 心 風 暴 》 播 映 第 二 周 ， 各 大 小 角 色 的 性 格 相 繼 現 形 ， 有 些 奸 得 猙 獰 ， 有 些 卻 白 癡 得 讓 人 咋 舌 ， 或 許 這 正 是 長 劇 「 包 羅 萬 有 」 的 元 素 。 更 「 包 羅 萬 有 」 的 ， 當 然 是 演 員 陣 容 ， 老 、 中 、 青 、 演 技 派 、 偶 像 派 盡 在 其 中 ， 總 有 一 個 合 你 心 意 ！ 此 劇 集 齊 全 台 多 位 新 紮 小 生 花 旦 ： 陳 豪 、 林 峰、 黃 宗 澤 、 楊 怡 、 鍾 嘉 欣 、 陳 法 拉 、 黎 諾 懿 任 君 選 擇 。 隨 意 選 出 其 中 一 兩 位 ， 也 可 以 開 一 部 戲 ； 同 場 還 奉 送 劇 中 三 兄 妹 陳 法 拉 、 陳 豪 及 黃 宗 澤 的 多 角 緋 聞 「 贈 興 」 ， 孰 真 孰 假 無 人 知 曉 ， 但 肯 定 已 為 劇 集 增 添 不 少 宣 傳 之 效 。

可 惜 夏 雨 及 陳 豪 的 鮑 魚 父 子 角 色 實 在 作 狀 得 很 ， 或 許 這 是 劇 集 刻 意 營 造 的 浮 誇 效 果 ， 但 真 的 未 免 浮 誇 得 令 人 難 以 接 受 。 陳 法 拉 時 常 不 經 意 的 擠 眉 弄 眼 ， 加 上 她 人 未 紅 緋 聞 已 一 籮 籮 ， 要 成 功 「 洗 底 」 入 屋 相 信 有 一 定 難 度 。 另 一 位 華 裔 小 姐 出 身 的 新 紮 花 旦 鍾 嘉 欣 ， 近 期 獲 派 演 的 均 是 惹 人 憐 愛 的 女 孩 ， 這 次 還 安 排 兩 位 紅 小 生 陳 豪 及 林 峰力 爭 她 ； 接 二 連 三 獲 派 好 籌 ， 相 信 無 今 年 最 力 捧 的 ， 定 是 鍾 嘉 欣 。

當 然 ， 更 合 一 眾 追 劇 師 奶 口 味 的 ， 是 幾 位 老 戲 骨 。 夏 雨 的 功 力 毋 庸 置 疑 ， 《 甜 孫 爺 爺 》 及 《 天 幕 下 的 戀 人 》 等 劇 ， 若 缺 少 了 這 位 莊 諧 並 重 的 爸 爸 ， 想 必 失 色 不 少 。 米 雪 上 回 在 《 突 圍 行 動 》 飾 演 陰 險 女 奸 商 人 眼 前 一 亮 ， 這 次 她 演 回 一 向 擅 長 的 賢 慧 女 子 更 是 稱 職 。 李 司 棋 的 通 情 達 理 好 媽 媽 ， 怎 麼 滿 有 《 真 情 》 善 姨 的 影 子 ？ 反 正 好 久 不 見 ， 相 信 觀 眾 也 不 介 意 看 到 善 姨 「 翻 生 」 的 ！ 而 最 讓 人 期 待 的 ， 自 然 是 去 年 久 休 復 出 、 唱 而 優 則 演 的 「 靚 聲 后 」 關 菊 英 ； 多 年 不 見 的 她 風 采 依 然 ， 演 起 巴 渣 潑 辣 惡 二 奶 ， 搶 盡 全 劇 演 員 風 頭 。



金 像 獎 悶 局 連 連

星 期 日 晚 播 映 的 金 像 獎 ， 以 「 薪 火 相 傳 」 為 主 題 ， 找 來 張 家 輝 、 林 子 聰 及 曾 寶 儀 擔 大 旗 任 大 騷 司 儀 。 新 鮮 感 是 有 ， 但 三 人 明 顯 欠 默 契 ， 兩 位 男 士 更 是 頻 吃 螺 絲 ， 感 覺 一 片 混 亂 。 業 界 的 出 席 率 也 每 下 愈 況 ， 即 使 有 份 提 名 的 也 照 樣 缺 席 ； 星 光 欠 奉 ， 捧 場 客 自 然 少 之 又 少 。 雖 然 整 個 頒 獎 禮 悶 局 連 連 ， 但 也 偶 有 可 觀 場 面 。 當 中 最 感 人 的 莫 過 於 等 了 多 年 的 實 力 派 表 表 者 劉 青 雲 ， 終 於 一 嘗 影 帝 滋 味 ； 以 他 的 演 技 ， 早 應 獲 此 殊 榮 。

撰 文 ： 芒 姐

**************************************************************



“溏心風暴”做o左成三個禮拜, 最吸引我反而係佢首主題曲…呵呵呵呵呵! 係咁“講不出聲…講不出聲…”…初初聽都唔知係靚聲后關菊英唱o既, 我以為又係鍾嘉欣添…唔知點解怪怪地咁, 佢以前唱d主題曲好似好聽d…不過呢隻就“趣緻d”!

點解呢排真係成日都要林峰配d明顯大過佢好多o既女主角?! 上次就佘佘, 今次就蒙嘉慧! 蒙嘉慧唔係唔好, 但真係一d都唔襯囉…或者陳豪配蒙家慧, 林峰配鍾嘉欣會好d! 同埋點解又楊怡同黃宗澤? 好似無幾耐之前睇“賭場風雲”又係佢o地!

仲有, 阿陳法拉小姐真係好唔討好, 形象差, 仲要鄉音未改, 成日都聽唔到佢講咩…哎! 佢都真係好難翻身…都話形象係最緊要o架啦, 佢咁多緋聞, 就算唔係真你d人都會覺得你係啦…!

仲有, 真係未免太力捧阿鍾嘉欣小姐, 咩戲都有佢, 仲要俾d最討好o既角色佢做, 連主題曲插曲都次次有份唱…佢係ok o既, 但又唔係特別討好, 仲有佢d皮膚真係差o左少少, 尤其作為一個藝人…一近鏡就點遮都遮唔到! 仲有陳豪…個角色真係可唔可以唔好太低能呢?! 幾十歲人扮cutie…好可怕! 點解要佢做個咁o既角色…佢可以好型o架嘛!

Oh…呢段大家有無睇過? 唔知點解係近期o既戲聽到d人係咁唱“對不起我愛你”, 覺得幾高興…唔知點解?!



講開金像獎…只係想講, 郭藹明真係愈老愈靚, 依家反而仲靚過16年前佢當選o個時好多好多好多!



禮拜三晚勁歌金曲真係勁呀…居然有白花油王子顏福偉上o黎唱佢隻“來簡約地愛多八十年…”好鬼勁呀! 佢唱live真係無粒音o岩咁滯…但我欣賞佢, 起碼佢有勇氣, 同埋夠堅持, 最緊要係佢夠entertaining…無論係唱live定係佢d廣告! 仲要成功咁製造gimmick, 達到o左為佢隻和興白花油賣廣告o既目的…我支持你隻“愛多八十年”呀!

報紙訪問佢話討論區投票話如果開套“小甜甜傳”要搵阿顏生扮呢期最hit o既風水叔叔陳振聰…佢居然話好樂意扮! D人仲提議埋搵小儀扮小甜甜, 森美扮王德輝…d discussion forum朋友真係好creative, 但最頂癮係報紙依家無論港聞定娛樂版都係去討論區搵料跟住照dup可也…真係十分慳水慳力!

Oh, 差d唔記得講…o個晚勁歌仲有盧巧音小姐, 盧小姐無見好耐依舊係勁走音, 就算墊底把聲幾咁大佢都依然走得好勁…真係“實力派”中o既實力派喇!