4-29(sun) 芒姐@蘋果 (4月號之四) +天機算

電 視 撈 飯 (2007-04-27)
http://appledaily.atnext.com/template/apple/art_main.cfm?iss_id=20070427&sec_id=462&subsec_id=830&art_id=7043630

《天 機 算 》 勝 算 不 高

不 知 從 何 時 開 始 ， 無 綫 每 隔 一 陣 子 ， 便 會 推 出 一 套 以 風 水 命 理 為 題 材 的 劇 集 。 曾 幾 何 時 ， 何 寶 生 是 這 類 劇 集 的 御 用 男 主 角 ； 時 移 世 易 ， 一 代 新 人 換 舊 人 ， 但 無 綫 對 風 水 玄 學 的 熱 誠 卻 從 沒 減 退 。 其 實 開 拍 這 類 劇 集 ， 可 有 考 慮 找 出 鏡 率 比 很 多 當 紅 藝 人 還 要 高 的 麥 玲 玲 師 傅 粉 墨 登 場 ， 增 添 說 服 力 之 餘 也 可 加 點 噱 頭 。 上 星 期 推 出 的 《 天 機 算 》 ， 以 中 國 奇 書 《 推 背 圖 》 為 骨 幹 ， 講 述 兩 位 同 年 同 月 同 日 生 的 男 主 角 「 同 人 不 同 命 」 的 故 事 。 由 馬 浚 偉 、 陳 浩 民 、 楊 思 琦 、 李 詩 韻 雙 生 雙 旦 孭 飛 ， 卡 士 不 算 強 勁 ， 單 靠 「 故 弄 玄 虛 」 吸 引 觀 眾 ， 情 況 不 甚 樂 觀 。

正 當 《 天 機 算 》 播 映 得 如 火 如 荼 ， 亞 視 也 上 演 現 實 版 的 「 改 變 命 運 」 故 事 。 在 50 周 年 台 慶 的 大 日 子 ， 不 但 重 播 多 套 經 典 劇 贈 興 ， 還 來 一 套 改 朝 換 代 的 好 戲 ， 找 來 無 綫 前 朝 重 臣 費 道 宜 與 何 定 鈞 掌 舵 ， 實 行 向 無 綫 還 以 顏 色 。 改 革 成 效 暫 未 見 ， 但 至 少 可 令 積 弱 多 年 的 亞 視 士 氣 高 昂 一 點 ， 挖 角 名 單 亦 天 天 成 為 娛 樂 版 熱 烈 討 論 的 話 題 ， 希 望 亞 視 今 次 不 會 又 是 「 雷 聲 大 雨 點 小 」 ， 重 拍 獲 選 為 「 亞 視 半 世 紀 的 精 彩 之 最 受 歡 迎 劇 集 」 第 一 位 的 《 鱷 魚 淚 》 ， 是 事 在 必 行 吧 ？



《 千 金 》 靠 參 賽 者

《 一 擲 千 金 》 又 回 來 了 。 主 持 人 卻 由 70 年 代 的 冷 面 笑 匠 許 冠 文 ， 換 上 了 大 導 演 張 堅 庭 。 夾 上 月 在 特 首 選 戰 中 替 被 喻 為 脫 胎 換 骨 的 梁 袋 巾 擔 任 幕 後 軍 師 的 餘 威 ， 張 導 演 行 出 來 的 感 覺 ， 至 少 沒 有 許 笑 匠 那 麼 out 。 上 一 輯 許 笑 匠 所 搞 的 爛 gag ， 獲 得 網 上 一 致 劣 評 ， 或 許 這 就 是 不 懂 「 見 好 就 收 」 的 藝 術 ， 希 望 張 導 演 以 此 為 鑑 。

其 實 這 個 節 目 本 身 內 容 沉 悶 ， 遊 戲 極 乏 味 ， 只 是 不 停 開 箱 ， 因 此 能 否 「 化 腐 朽 為 神 奇 」 ， 關 鍵 在 於 該 集 的 參 賽 者 及 其 家 人 朋 友 。 好 像 第 一 集 在 主 題 公 園 扮 小 丑 的 參 賽 者 Vicky ， 雖 然 稱 不 上 十 分 美 麗 ， 但 至 少 懂 得 全 晚 笑 面 迎 人 ， 這 就 是 香 港 「 好 客 之 道 」 。 聽 聞 參 加 這 節 目 的 參 賽 者 要 經 過 多 輪 甄 選 ， 相 信 比 起 藝 員 訓 練 班 試 鏡 更 嚴 格 ， 因 為 這 是 參 賽 者 的 一 場 真 人 騷 ， 若 他 們 不 懂 扮 緊 張 或 搞 些 gimmick 去 製 造 氣 氛 ， 節 目 便 會 悶 上 加 悶 ， 真 是 少 一 點 戲 也 不 成 ， 亦 要 多 得 那 些 同 樣 好 戲 的 的 觀 眾 ， 肉 緊 地 做 動 作 並 大 叫 「 賣 … … 唔 賣 … … 」 ， 他 們 的 「 戲 」 ， 比 起 無 綫 很 多 小 生 花 旦 還 要 好 。

撰 文 ： 芒 姐

**************************************************************

其實“天機算”睇睇o下都係太 (記住係“太”)差…不過我個人寧願睇陳浩民同李詩韻o個段,都唔寧願睇馬生同楊小姐o個part…真係唔係太頂得順佢兩位!

同“溏心風暴”一樣, 最吸引我o既唔係劇情, 反而係首主題曲…因為居然有陳山葱份!!! 無線今次真係好睇得起佢喎…居然唔係俾另一個主角陳浩民唱, 而係搵陳山葱同馬浚偉合唱…不過更驚喜o既係, 陳山葱反而唱得好過馬浚偉!

其實呢套劇o個幾個主/配角都幾有有綠…咁o岩都曾經係同年代 (93-95年倒啦) o既歌手, 但都相繼失意於樂壇, 展轉簽約無線成為藝員! 陳山葱當年唱 “abcd”都ok紅o架…不過算啦, 其實每年幾十個新人, 最終都無10%可以留o係樂壇超過3年...!

仲有羅敏莊, 其實已經唔係第一次o係呢度講佢…佢做戲真係唔係好得, 今次又係做女主角的情敵, 仲要做公主, 但一d貴氣都無, 又係一貫o既大癲大肺咁, 佢應該向佢男友陳國邦學o下戲! 同埋, 佢都係唱番歌吧啦…95年佢都橫掃好多樂壇頒獎禮o既銀獎, 因為金獎俾陳kelly攞晒! o個時佢個勢都唔錯, 唱功又唔錯, 仲有佢隻“挑戰者 (汔車美容!!!)”到依家都係卡拉ok熱點歌曲! 我都曾經好buy佢…尤其佢以“文員A”身份o係港台做dj, 同陳錦鴻老婆杜文蕙一齊主持“人間定格”o個時, 每個禮拜我都特登錄呢個節目聽佢唱歌, 亦都因為咁先知道原來胡諾言唱live都唔錯 (因為胡仔又係佢o地d friend, 成日上呢個節目唱歌)!

另, “向世界出發”終於做完…最尾o個集叫o個七位藝人寫信俾人o個part, 其實都幾怪…因為唔係個個都識present出o黎, turn out個感覺怪怪咁!

最尾o個輯搵入行十年o既陳鍵鋒講回歸十年…呢個topic都幾好! 佢話回歸初期都覺得身份有d尷尬, 去旅行寫國藉都唔知寫british好, bno定係chinese…但係依家就會毫不猶豫咁寫chinese, 為自己身為中國人感到驕傲…我都係! 國藉緊係寫chinese, 學咩人寫british呀? 又唔係威d! 仲要你生出o黎係黃皮膚, 唔好扮“蕉”啦…!

陳鍵鋒話佢97年f.7畢業後正式入行…但我記得佢好似97年之前已經有主持新城節目, 因為o個時我仲讀緊中學…可能佢o個時做part time o卦? 佢好似係有份主持新城997年輕人節目“五個廣播的少年”…曾經主持過呢個節目o既dj, 我記得有施念慈同林寄韻 (呢個姐姐o個時又係煲到好靚女咁…係靚o既, 但又唔係靚成咁…幾純o個隻囉! 佢好似係同孫耀威拍“愛的故事下集”tvb版mv o個位) , o個時新城d主持都係有d得意o架喇…但係已經正常過依家o個d好多!

陳鍵鋒o個時係用真名陳恩耀 (呢個名, 真係十分基督徒) o既…對佢咁有印象係因為o個時佢o係dj o黎講算係好靚仔 (正當佢做電視藝員o黎講都算係靚仔的話, o係dj界應該算係超靚仔!)…到佢隔o左幾年忽然跳入無線改o左陳鍵鋒呢個名做旅遊特輯同埋演出第一套劇“美麗人生”時…一睇就記得佢喇!