4-27(fri) 盧海鵬試咪

睇完達明一派演唱會, 我䐉海充斥住o既…居然係撻成一塊o既"壽頭記"⋯哈哈!

"聽遍了　冷冷清風　吹D打　未夠　鞋踏破襪濕透 再看見　遠遠青山　醫院裡　病友　唔食野扮消瘦 最怕見　渺渺世間　口水佬　亂噴　人獨舞亂衣鬢 醫生把單據拋去似虛如真　醫院內舊病復浮沈 一於將DDT去與酒同飲　怎知那罐內藏淚印 絲絲喜歡計算　高矮相差太遠　遮遮掩掩 尺碼樣樣齊全　芬芬今天要嫁　春宵點知變卦 真真假假　呢舖雞糊丫原是詐　姿姿整整鬥串 癲癲Duct Duct猛轉　兜兜粉果　個個食極唔完 應該出院架喇　醫生偏偏變卦　認真抵打 呢鋪雞糊丫原是詐 絲絲喜歡計算　高矮相差太遠　遮遮掩掩　尺碼樣樣齊全 芬芬
今天要嫁　春宵點知變卦　真真假假　花招諸多變化 姿姿整整鬥串　癲癲Duct Duct猛轉　兜兜粉果　個個食極唔完 應該出院嫁喇　醫生偏偏變卦　認真抵打　呢鋪雞糊丫原是詐~~~"




阿燦同鵬哥…好like! 當年的"歡樂今宵"真經典…

仲有"盧海鵬試咪"的典故…笑死我!

 連sim simi小學雞佢都識"盧海鵬試咪"…

sim simi果然係蝦仔嗲d啲friend...有d計呀下…

至於個典故…如果唔知道o既朋友, 我search咗喇…

黃偉文o係佢o既專欄講咗一個「盧海鵬試咪」的故事 …

拍戲要裝「無線咪」收音，安裝妥後就要試咪，通常一般試咪的方法是「testing 1234....」，然後問收音師 「得唔得呀？」，即是聽到嗎？ 請記得重點，係「得唔得？」

而盧海鵬的試咪方法不是說「testing..」，也不是說「試咪....」，他喜歡講一句粗口，就是一句問侯人家母親緊要部位的粗言，五個字，重點是繼續keep住佢押韻風格，大家齊用腦，「咪」字可以押到粗口字邊個音，有了「方向」沒有？

「盧海鵬試咪，dllmh...」

基本上呢個押韻已經絕，但更絕是，佢仲要講完問「得唔得？」

「盧海鵬試咪，dllmh...喂！得唔得？」

個收音師點答好，答「得」就即係俾你抽媽媽水，答「唔得」，佢會繼續試

「盧海鵬試咪，dllmh...喂！得唔得？」
「盧海鵬試咪，dllmh...喂！得唔得？」
「盧海鵬試咪，dllmh...喂！得唔得？」
「盧海鵬試咪，dllmh...喂！得唔得？」

據聞之後有一個收音師想出了拆解的方法 「盧海鵬試咪，dllmh...喂！得唔得？」

「dllmh...得！支咪都得！」

但又據聞，盧海鵬會繼續關心地追問

「check清楚喎，試多次，dllmh....喂！得唔得？」

八八年入行第一日，已經有人同我講，做呢行是帶埋媽媽返工的，不過都是上一個年代的事了，或許是因為科技進步， 每個人的一舉一動，秒秒鐘會被記錄然後發放，試想想這個行內的笑話，如果在現在發生，一早已經有人拍了放上網...所以

「盧海鵬試咪，又點夠科技揮」

有日行過cd舖, 一睇以為係王馨平⋯上咗腦! 哈哈! 真係"別問我是誰"喇..:p