7-13(fri) "回到三國"+"護花危情"
嘩! 好耐無見! 好緊張…究竟仲有無得"睇奧運, 睇無綫"呢? 兩個禮拜後, 就到四年一度o既奧運喇…細個o既時候真係會每日捕住個電視力追o架嘛! 雖然大個之後梗唔會啦…但係有得眾志成城地睇吓, 都係高興的!
呢期好多嘢睇…兩線劇都係我杯茶!
眾所周知我好鍾意睇呢d時空交錯o既戲 (依家叫"穿越戲")...早年有"回到未嫁時", 又有西片"back to the future"…仲有近兩年o既"巴不得爸爸"…當然, 今次套"回到三國"擺明係"尋秦記"d friend啦...不過"尋秦記"又好似大製作好多!
呢期高清台做緊"三國", 翡翠台又播"回到三國"...應該係夾過吓!
雖然我近年幾buy馬明, 但佢個角色設定好似係一個o靚仔, 咁原本o既唱k又好似適合d喎! 而林峯做一個"叔叔"咁o既look的諸葛亮亦都係有d怪! 不過我唔理, 呢隻劇種我鍾意睇!
至於"護花危情"我都睇咗d...幾係like! like在佢基本上係無劇情...相信由第一集到大結局都係講一樣嘢...保護證人, 然後互相愛上...咁佢零劇情, 即係成條都係無內容的感情線...呢d唔駛用腦+情情塔塔o既劇就最好睇o架啦! 第三集我見佢係咁o係電視城條走廊跑o黎跑去, 慳水慳力到呢!
不過話實…見到警察+大提琴, 我哋個generation的朋友, 個個都不期然諗起當年所有小朋友/年青人必睇的"大提琴與點三八"...九十年代初的亞視劇, 其實係幾好睇的!
至於"心戰", 本來真係想追番…但追到第十集都真係唔知想點...要好用力睇..."天與地"已很用力, 但感覺都無咁heavy, 所以已提唔起興趣, 半放棄狀態!
上星期六個咩"翡翠歌星紅白鬥"…我又係未睇番…只係走咗去睇阿sa走音o個段! 其實咪又同佢平時差唔多, 佢從來都係咁o架啦…點解今次反而會咁大反應? 正如d人話…從來都無準過, 點"失準"? haha!
最後, 呢個"潮語錄"我真係要向大家推介一吓…活學活用!
posted by 芒姐 at 11:00 下午
10 Comments:
youtube有得睇卡拉屋企,可以重溫吳鎮宇同李婉華嗰條感情線,很有趣。
陀槍師姐I及II都可以喺youtube睇到,陳三元同程sir又係搞鬼的一對...
鍾嘉欣今次喺護劇的面部表情做幾唔錯呀,感覺到她對bosco那樣崇拜同仰慕。
Monjeh,妳想如果屆屆TVB都係利用呢招去IOC到玩嘢,咁仲有人攞成億出來投奧運轉播權?仲有,屆屆都係韓Auntie同叻哥,我夠啦,妳呢?
鍾嘉欣... 咪又係大聲地尖叫同喊, 除此以外就係更大聲地尖叫同喊, 我都真係忍夠喇!
鍾嘉欣 again? sigh...... I don't see any improvement on her acting technique. Maybe it's time for her to take some classes or simply just a break.
- 海底针
鍾嘉欣... 咪又係大聲地尖叫同喊, 除此以外就係更大聲地尖叫同喊, 我都真係忍夠喇!
x2 佢除左識做返乖乖女外演乜都唔掂
仲要晚晚不斷播佢首主題曲!嚇死人啦!
睇睇下好似鍾嘉欣音樂特輯 =__=
鍾嘉欣在護花危情中發揮得朩錯，把喬子琳這角色掌握得很好，有層次。她令觀眾能感受到喬小姐對許Sir的一份很純真的痴情初戀；從已令人對許Sir這角色大大加分--英雄救美--老到掉牙的故事。再加上那首容易上心的大提琴主題曲及「月亮代表我的心」朩斷在片頭或戲中重播又重復，令這十多集後男女主角也未拖過手的愛情故事跟「那些年我們一起追過的女孩」有同曲異共工之妙。
這幾個月來TVB已播了四部鍾小姐的戲，也看得出演技有進步。
這幾個月來TVB已播了四部鍾小姐的戲，也著實yim悶得令人想吐。
haha, 真係鍾嘉欣音樂特輯咁...不過呢d無劇情婆婆媽媽唔駛用腦的戲, 其實我都ok like. hoho
至於奧運...其實如果唔係奧委會近年咁貪錢就唔會搞成咁...我始終覺得奧運呢d盛事係應該免費等全世界有得睇呀!
發佈留言
<< Home