7-24(tues) 譚詠麟杜麗莎Time after Time演唱會 + "護花危情"vs"大提琴與點三八"

作為演唱會之友, 我當然有買飛睇"譚詠麟杜麗莎Time after Time演唱會"啦...心諗呢d回到樂壇最光輝的八十年代演唱會, 應該ok呀! 咁佢依家絕對唔係唔ok, 兩位uncle auntie仲唱得好好添...但係最反高潮嘅...係佢大部分經典金曲都無唱到囉⋯呢樣我真係估你唔到!

杜麗莎就話唔係太多大熱歌曲(但佢連"開心鬼"都無唱呀吓!), 但譚校長d經典名曲...你唔係唔唱呀? 呢d七/八十年代歌手開演唱會, 個theme當然係食老本食老本再食老本o架啦...你居然唔食老本?! 連"愛在深秋", "誰可改變", "遲來的春天"etc etc都無唱...就真係接受唔到囉! 相信現場啲uncle auntie應該好想叫回水!

真係俾佢上次個電視show呃咗! 即係個show唔係差呀, 而係我一向所講o既manage不到expectation...令人有d失望囉!

Oh, 自從我哋上次講完, 原來真係好多人覺得"護花危情"同"大提琴與點三八"好相似…其實佢抄呢, 都可以改頭換面呀…例如由大提琴變咗小提琴咁囉…wahaha!