2-2(sat) 老表你唱得好好嘢~~~
呢兩日o係fb不停有朋友post尋晚王祖藍同王菀之o係“老表你好嘢”唱“我真的受傷了”o既片段…又真係好好聽!
睇“老表”其實最正唔係d笑位…而係好多好歌聽囉! 王祖藍唱歌真係比佢扮女人更吸引…由佢當年o係“東方之珠”特登扮郭晉安把聲幫郭晉安幕後代唱已經可見一斑!
(王菀之 x 王祖藍 - 我真的受傷了 @ 老表你好嘢)
(王菀之 - 你的名字我的姓氏 @ 老表你好嘢)
(王祖藍 – 舞女 @ 老表你好嘢)
當然唔少得呢首我好鍾意好鍾意聽o既祖藍首本名曲…”跌落凡間的天使”…
wow! 馬小玲x美少女戰士…四十幾歲可以keep成咁…d咩o靚模真係要行埋一邊!
對比番24年前…真係無咩大分別…少女同少婦年代的萬二蚊一樣咁正! 嘩! 唔講都唔醒起…今晚“歲月留聲”台應該播到89年亞姐喇…呢屆無論佳麗質素定製作都真心讚…仲有伍姑娘o個個”河水不犯井水論”…一定要睇!
尋晚睇咗林子祥 x 趙增熹o既“絕對熹祥”音樂會…好好睇! Ah lam d歌真係百聽不厭! 同埋佢呢個年紀都仲唱得好好好有中氣! 當然, 熹熹編曲亦係有一手啦!
posted by 芒姐 at 11:30 下午
6 Comments:
芒姐你覺唔覺峯最近D言論好爆,好似自己搞好多新聞出來.一D都唔似佢.
溫哥華匿名人
“絕對熹祥”音樂會，我覺得好悶, 好多歌都唔識，尤其係中樂部份，悶到打喊露！我覺得今次同之前果兩次演唱會差好遠，之前兩次D歌我好多都識，今次好多都唔識，揀歌揀得好差！
芒姐, 你睇咩位? 係咪所有入場觀眾都有場刊?
林峰...你係指同千語bb的新聞?
um...之前兩次演唱會就比較商業化, 今次似係音樂會多d...我本身都鍾意聽樂器演奏, 所以ok...可能佢想多d變化啦...畢竟已經食咗19幾次老本! 不過個場地真係好唔得!
我坐平飛...應該每個位都有場刊!
發佈留言
<< Home