2013年1月13日星期日

1-13 (sun) 2012年度十大雞肋頒獎典禮

話說小時候…勁歌總選曾是全城盛事, 全港男女老幼趕返屋企擔凳仔霸頭位…估吓邊個係最受歡迎男女歌手, 同埋金曲金獎! 又話說我第一次o係電視機前睇頒獎禮, 係校長/哥哥/梅姐的天下…金曲金獎係3歲小朋友都識唱o既“如果…命裡早注定分手”!

鏡頭一轉, 到咗第三十屆…金曲金獎居然係“留白”…我腦海真係留白喇! (利申: 我係十分ok王菀之的, 而“留白”o係十首金曲我只係聽過一兩首的情況下, relatively speaking攞金中金都唔係太過份…我只係想表達成個頒獎禮已經去到一個毫無代表性可言的地步!), 連佢本人知道獲獎一刻, 都忍唔住講番句: “唔係呀嘛?!”…簡直係女版馬明, 我欣賞你的真性情! 為此我今晚會捧你同張繼聰o既“老表你好嘢!”…因為你兩位係尋晚頒獎禮講嘢最鬼馬同最有才的得獎歌手…芒姐撐你哋! 其實以尋晚阿水都有獎的情況下, 我覺得張繼聰應該deserves much more!



至於辦到第三十屆o既“十大雞肋頒獎典禮”…真係去到一個食之無味, 棄之都未必太可惜的地步…因為每年都變成一個笑話! 首先係星光暗淡過蚊型show如“禁毒滅罪耀北區”…仲要淪落到返番一廠搞! 舊年都叫有d八九十年代歌手做嘉賓…今年的“殿堂級”表演嘉賓居然係“謝薛雙琪”仲有側田同囂張g.e.m.! 我笑鳥! 而關淑怡居然也升了上神枱! 仲要連頒獎嘉賓都慳埋! 哎…可否還我八/九十年代的“總選盛世”?!

而更奇趣o既係係每年都幾乎要頒/攞錯獎…08年度張敬軒/王菀之事件, 之後到09年度關家姐vs關菊英攞錯獎事件…真係想點? 每年都要蝦碌一次! 同埋心妍baby你依家整到個樣我諗你老公都會唔認得你囉…why?!



重溫完關家姐…睇吓今年的星光幫vs巨聲幫蝦碌場面…其實我諗阿崔波波真係應該走番去做PA…咁都錯得?! 你睇錯都唔緊要, 但你唔係覺得TBB大方到會俾人哋atv的星光幫贏晒自己的親生仔女超級巨聲呀? 無理由咁樣落自己面…你咪太灰諧啦! 用少少腦! 我個人認為TBB肯俾羅力威入三甲已算是十分大方之舉…佢亞視味的確太濃! 人哋當家花旦陳煒都要由低做起啦! 同埋我個人認為胡鴻鈞掂過羅力威好多 (利申: 我是幾buy胡鴻鈞的! 由佢參加巨聲2已覺佢唱得好好, 同埋原來講嘢幾funny!) 而崔建邦n次犯錯tbb都對佢不離不棄…的確比唐詩詠更癡情…真係愛是永恆當所愛…是你!!!



而同樣精彩的是第二次攞新人獎o既"北韓歌手"陳僖儀 (簡直同第n次初戀有異曲同功之妙…謎一樣囉!), 新人獎都可以冧庄…tbb係得o既! 但最大問題係…陳小姐的"北韓"式哭喪浮誇演技一年後仍毫無進步…仲要係眼淚都無滴, 應該要join吓亞視的培訓班!

今年又要再講多次…呢度唔係北韓, 其實攞獎真係唔使扮喊成咁, 因為真係無嘢值得喊…over咗! 而twins的痛哭…可能真係如其他人所說, 用o黎舖排之後走音…反正佢哋o既歌藝真係可以做到十年不變…又係好嘢! 而法拉攞新人獎亦係funny!



最後我想講…gem小朋友呢期真係over咗喇! ok, 我明白你係算唱得好同埋有才華的, 你初出道時我真係幾like你…但呢期的事件真係反映到你不懂謙虛, 未紅先驕…我並不是單指甄妮姐姐事件, 因巨肺auntie本身都係癲! 睇番gem小朋友得獎時, 依然不知悔改地寸人…姐姐好想話俾你聽…o係每一行都一樣, 無論你幾有才, 不懂謙虛一定無運行…驕兵必敗! 姐姐要講o既係咁多…祝你好運!

仲有, 芷珊姐姐一開場唱sammi的”x派對”唱得唔錯呀…只係後來換咗件衫影得佢好肥…錯晒!

睇完騎呢雞肋頒獎禮…都係回顧番d經典場面算啦…都係o個句: “還我總選盛世”! 林子祥十分十二吋@85勁歌總選…




最後, 要循例cap番個賽果…


2012年度十大勁歌金曲頒獎禮得獎名單

金曲金獎:《留白》王菀之

最受歡迎男歌星:林峯

最受歡迎女歌星:容祖兒

亞太區最受歡迎男歌星:LOLLIPOP F

亞太區最受歡迎女歌星:Twins


新人薦場飆星獎:陳法拉

最受歡迎男新人獎

金:胡鴻鈞

銀:馮允謙

銅:羅力威

最受歡迎女新人獎

金:陳僖儀

銀:Super Girls

銅:蔚雨芯

幕後大獎

最佳作曲:鄧智偉《幼稚完》

最佳填詞:林夕《頑石》

最佳編曲:陳輝陽《告別我的戀人們》

最佳歌曲監製:Johnny Yim《預防針》

最受歡迎廣告歌曲獎:《途經北海道》容祖兒

最受歡迎改編歌曲獎:《面具》許廷鏗

最受歡迎組合獎

金:RubberBand

銀:C AllStar

銅:糖兄妹

最受歡迎唱作歌星

金:周國賢

銀:G.E.M.

銅:RubberBand

最受歡迎華語歌曲獎

金:《霧裡看花》容祖兒

銀:《戰利品》LOLLIPOP F

銅:《頑石點頭》林峯

最受歡迎合唱歌曲獎

金:《生命之花》王菀之、張繼聰

銀:《追風箏的風箏》容祖兒、林欣彤

銅:《犯眾憎》鍾一憲、麥貝夷

2012年度傑出表現獎

金:鄭欣宜

銀:陳奐仁

銅:Gin Lee

十大勁歌金曲

《What Have U Done》G.E.M.

《重新長大》許廷鏗

《白頭到老》蔡卓妍

《幼稚完》林峯

《一首歌》小肥

《牆紙》容祖兒

《預防針》鍾嘉欣

《樹藤》林欣彤

《失戀哲理》關心妍

《留白》王菀之

最最最後, 又係時候重溫吓勁歌金曲@芒姐再現:

2012-1-8(sun) 2011年度十大勁歌金曲頒獎典禮

2011-1-15(sat) 2010年度十大勁歌金曲頒獎典禮

2010-1-16(sat) 2009年度十大勁歌金曲頒獎典禮

2009-1-13(mon) 2008年度十大勁歌金曲頒獎典禮

2008-1-14(mon) 2007年度十大勁歌金曲頒獎典禮

2007-1-13(sat) 2006年度勁歌金曲頒獎典禮

2006-1-18(wed) 2005十大勁歌金曲頒獎禮 (下)

2006-1-17(tues) 2005十大勁歌金曲頒獎禮 (上)

2005-1-29(sat) 2004頒獎禮

2004-1-16(fri) 大迷信, 大迷信, 大迷信1993/2003?!

2004-1-11(sun) 勁歌後記

2004-1-10(sat) 2003勁歌總選

2003-1-5(sun) 2002年度勁歌總選review

2003-1-4(sat) 勁歌總選前奏

2006- 3-26(sun) 時光倒流12年...1993樂壇頒獎禮回顧


12 Comments:

Anonymous 匿名 said...

原諒我的背, 請問邊個係阿水?

8:22 下午  
Anonymous 匿名 said...

BTW, 關淑怡都係80/90年代歌手丫, 當年都算當時得令丫, 係而家騎呢左D遮!

8:25 下午  
Anonymous 匿名 said...

但心妍baby又真係整完靚好多喎!

8:28 下午  
Anonymous 匿名 said...

=>芷珊姐姐一開場唱sammi的”x派對”唱得唔錯呀

Couldn't agree more! 遲下唔知會唔會有唱片公司斟佢呢?

8:33 下午  
Anonymous 匿名 said...

=>“還我總選盛世”

其實如果TBB肯同四大講和, 情況應該未至於依家咁淒慘!

8:35 下午  
Anonymous 匿名 said...

gem可以收皮

2:00 上午  
Anonymous 匿名 said...

王苑之 當時應該唸緊 「嘩~~乜原來拍劇真係可以換獎架??!!!」

2:29 上午  
Anonymous 匿名 said...

芒姐, 每個年代都要有轉接期, 總不能expect二十年都係同一班巨星上勁歌吧。 下一代接班人(GEM, Mag,羅力威等等)已經漸露頭角,獎項是得對他們一種鼓勵。可能你冇太留意樂壇, 勁歌賽果至少比叱吒嗰個正常得多, D歌至少多人識過叱吒嗰D冷門歌。 除咗無啦啦俾個傑出表現獎俾欣宜係無里頭之外,其他獎完全可以接受。 我倒覺當晚勁歌娛樂性唔錯,關淑怡同雙琪好耐唔見有驚喜。全晚最感人係林欣彤重現舞台,回復昔日狀態。順帶一提三菀之嗰句"唔係呀嘛"其實只係佢個人謙啫,本人非常欣賞「留白」,我覺得係近幾年質素最高呢嘅金曲金。

1:57 下午  
Anonymous 匿名 said...

"簡直係女版馬明, 我欣賞你的真性情!"你押左韻 XD

11:18 上午  
Anonymous 匿名 said...

Show唔掂,劇集都唔掂,而家套劇法網狙擊,benz雄有咩理由响山卡啦地方俾人撞到,返到嚟市區都無人幫手報警,入到屋先噴血?同埋套劇真係不尋常又不必要地多鹽花

9:41 下午  
Blogger 芒姐 said...

"阿水"是泛指任何人...haha!

10:44 上午  
Blogger 芒姐 said...

好認同..."法網"的確好多位都係搵戲o黎做...同埋d咩強姦戲好夾硬...更夾硬係jj同chris場公寓開房戲!

10:47 上午  

發佈留言

Links to this post:

建立連結

<< Home