11-19(mon) TVB最佳男主角 + tvb45周年台慶暨"芒姐日記"十周年blog慶
HAPPY BIRTHDAY YAY YAY!
11月19日係咩日子, 相信大家都知道...因為o黎得呢度o既, 某程度上都應該都係電視迷! 而我亦相信呢日應該係大好日, 咁多年來不停有朋友o係呢日結婚, 生仔, 喜事重重…而對我本人o黎講, 更加有個深層意義, 因為n年前o既今日, 我正式成為一個xx !
當年今日, 我幫yesasia寫咗一篇"38年人氣所在創新天, TVB精選台慶劇回顧"去賀賀38周年台慶...7年後o既今日, 我哋再度趕起咗一篇" TVB最佳男主角"去賀一賀tvb45周年!
而唔睇番呢篇blog, 我真係完全唔記得原來11月19台慶日仲有多一重意義, 就係我的blog慶(當年叫diary)…當年無無聊聊寫俾自己睇吓o既“芒姐日記”…居然話咁快踏入十周年! 真係要講聲"噢賣葛"!
十年前…我真係完全無諗過呢度會有超過100個讀者睇…而我亦都無諗過, 十年後我會仲寫緊!成件事真係好奧妙! 多謝大家十年來的支持與包容! 萬分感激!
TVB最佳男主角 (刊登於 2012年11月19日) (http://www.yesasia.com/global/yumcha/0-0-0-arid.450-zh_TW/featured-article.html)
芒姐x yesasia大事回顧:
TVB劇集─十大經典 重現眼前 (刊登於 2004年12月10日)
周星馳－喜劇之王的誕生 (刊登於 2004年12月20日)
八十年代的電視傳奇－TVB五虎將 (刊登於 2005年4月8日)
八十年代的美麗傳說－TVB當家花旦 (刊登於 2005年7月9日)
38年人氣所在創新天 TVB精選台慶劇回顧 (刊登於 2005年11月17日)
神鵰俠侶 (刊登於 2006年2月2日)
The Return of the Condor Heroes (Published February 6, 2006)
TVB 經典螢幕情侶－動人的愛情故事 (刊登於 2007年1月13日)
唱而優則演 TVB歌星演員crossover (刊登於 2007年8月11日)
TVB伴你成長四十年 (刊登於 2008年1月2日)
香港電視風雲十年 (刊登於 2008年10月30日)
因CHOK之名—林峯 (刊登於 2012年6月5日)
TVB最佳男主角 (刊登於 2012年11月19日)
我自己都乘機回顧一吓…如果你問我咁多篇之中我最鍾意邊篇, 可能係五虎將o個篇囉…o個期最得心應手, 又有passion, 依家睇番都幾鍾意! 仲有佢o既"姊妹作"tvb五美o個篇我都幾鍾意! 你呢?
posted by 芒姐 at 11:30 下午
7 Comments:
恭喜恭喜~~~
雖然我已經無乜睇電視，但每年11月19號都忍不住會留意吓台慶SHOW有乜玩…
今年講到鬼咁勁又龍鳳鬥甚麼的，又即管睇吓玩得出啲咩啦…始終都有個情意結既…
哈哈，睇完芒姐篇TVB最佳男主角，覺得宣萱都幾有“旺夫相”，帶旺幾個拍檔攞視帝。^.^
哈哈，睇完芒姐篇TVB最佳男主角，覺得宣萱都幾有“旺夫相”，帶旺幾個拍檔攞視帝。^.^
龍鳳鬥唔係咩真IDEA,係80年代台慶玩嘅.當年叫"龍鳳呈祥賀台慶",好似到90年代先開始叫"萬千星輝賀台慶".(有次呂良偉講咗千萬星輝!)
多謝芒姐呢個BLOG! Thanks for your hard work and keep up!
溫哥華匿名人
呢本45週年特刊好厚,但裡面無料! 半本都係廣告(XX公司慶TVB台慶之類).往年唔係咁...台慶特刊好多嘢睇!
溫哥華匿名人
歡樂滿東華唔覺唔覺又黎啦,呢幾年既宣傳好似越黎越少,今年用3大卡拉之星黎做宣傳片,希望今年會好睇d啦!~
哈哈...多謝大家支持! 依家suppose要趕起另一篇"最佳女主角", 但太忙都未有時間寫!
發佈留言
<< Home