2012年10月19日星期五

10-19(fri) 徐子珊定官恩娜?!

"雷霆掃毒"原來好鬼多集…咁in general都算ok o既, 但劇情o黎講又係可睇可唔睇o個隻! 但我都會睇…呵呵!

o係網上成日見有人討論究竟如果你係林峰會揀徐子珊定官恩娜, 邊個正d之類…其實林峰o係戲裡面應該揀陳家碧定高希璇我無興趣知…反而我想知現實裡大家覺得徐子珊正d定官恩娜正d? 呢樣我有興趣探討吓! 男同女o既選擇又會唔會唔同呢? 你話平時一個靚一個性感咁我大概會估到個取態…但係佢兩個又基本上都有種sex appeal的特質…咁大家又會點揀呢?

其實佢兩個我都覺得ok正…但如果要我揀一個, 我都係會揀…官恩娜! 我覺得男仔可能會揀徐子珊?! 做個民意調查呀…呢樣我有興趣知道…

至於依然係呢期最hit o既"最佳男主角"…係唯一晚晚要追睇番o既節目! 暫時最好睇依然係劉青雲同黃秋生兩集! 黃秋生直頭自己一個人已經可以係咁講係咁講, 仲幾好笑吓! o係呢個情況之下芷珊姐姐作為主持o既功用其實不太大! 不過佢o既人脗又的確係勁! 成日都話, 人緣好的人…性格一定唔差得去邊! 所以雖然佢唔算係美女, 但咁多人like佢! 我都好like芷珊姐姐!

嘩! 但古天樂o個集真係睇得人好辛苦…佢講嘢好似急口呤咁...終於o個晚全個fb都係呢個comment…古仔, 你好趕時間呀? 哈哈!






















呢單好笑…其實我真心唔明點解謙謙可以幫羊兒換到視后?這並不是等價交換…唔好玩啦!我係tbb都唔制啦!

無意中睇到n年前曾post過的黎明金句...覺得好值得repost一次...其實leon佢真心有智慧的...只係你班友仔唔明! 有時答問題的技巧, 咪係在於耍太極囉…耍完又唔得罪你喇…呢d咪最高境界囉! 呢d係名副其實的"眾人笑我太瘋癲...我說他人看不穿!" 勁!























有日睇蘋果見到黃翊的訪問…真係好那些年囉! 我同大部份人一樣, 依然以為佢係同黃寶欣一齊…點知係同咗前亞視藝員陳存正…感覺十分風馬牛不相及! 仲有我想話, 佢哋個仔個樣勁似陳存正! 我search番原來我曾經提過呢樣嘢, 但我居然係完全唔記得咗...可見佢同黃寶欣幾咁深入民心! 呵呵! 黃翊我最記得o既…當然係佢當年同黃寶欣一齊做"淘氣雙子星"…仲有佢首“最愛的妳”我都好like!

都是那些年:黃翊撐起一頭家

上世紀,英國溫莎公爵不要江山要美人,20年前,黃翊也為愛情而放棄歌唱事業。現年44歲黃翊曾是新藝寶力捧歌手,被喻為張國榮接班人,可惜他不顧公司反對堅持與黃寶欣交往而被雪藏,黃翊名字從此在樂壇消失。7年前,黃翊轉行在大埔開大排檔,結果給他絕地翻身。黃翊:「我執枱掃地有乜問題?我為屋企人咁做,我覺得自己好man。」
撰文:戴彩煥

黃翊1986年參加第五屆新秀歌唱比賽,跟黎明和許志安同期出道,雖然當年黃翊空手而回,但有幸被新藝寶唱片公司睇中力捧,88年與李明珠合唱漢城奧運香港版主題曲《一呼百應》,翌年再推出個人大碟,被喻為哥哥張國榮接班人,獲哥哥親自作曲《太陽傘下》,又獲安排唱第一首《龍珠》廣東話主題曲,加上主持無綫《Sunday新地帶》及接拍《淘氣雙子星》等劇,事業發展一帆風順。

哥哥接班人

提起當年「哥哥接班人」稱號,黃翊一味苦笑搖頭:「其實係公司炒作,嗰陣我同哥哥同公司,公司想搵啲嘢畀人講。講真,自己何德何能?呢樣嘢對我唔係好事,係害咗我。哥哥係我唯一偶像,記得有次我睇哥哥演唱會,有fans指住我話:『嗰個咪新簽嗰個囉!超!吔嘢啦你!』我真係無地自容,好醜怪。」

黃翊在新藝寶3年先後出過8、9張唱片,盛傳當年他只顧跟前歌手黃寶欣拍拖無心工作,所以被唱片公司雪藏及放棄。黃翊澄清說:「寫梗係咁寫,阿Lal接手新藝寶之後好睇我,但亦因為佢,我冇得喺呢個圈發展,我拍拖佢好反對,當時我21歲,血氣方剛,第一次拍拖,梗係成個人沉晒落去,但冇影響做嘢,唱片公司要我哋分手,我唔肯。本來我重有年幾合約,但佢突然畀份新約要我簽5年,我唔肯,咪雪藏我。我諗住重有年幾約啫,使乜驚!自己都識好多人,可以靠自己,就係咁諗錯咗,當我合約一完,已經好多新人湧上嚟,啲人話與其畀錢做你呢啲唔新唔舊嘅人,不如做自己一手一腳捧出嚟新人。」

開舖頭重生

冇唱片公司收留,黃翊惟有到內地登台搵食:「呢個世界好現實,冇喺電視出現,就會俾人遺忘,歌酬愈嚟愈少,初初唱一次兩萬幾,一個月唱兩次夠晒生活,但慢慢一路跌到幾千蚊,自己唔可以接受,有人搶爛市,3,000都肯唱,我面皮薄,做唔到,覺得要轉變。三家姐好錫我,大家諗有乜可以搞,幾十年前我老豆喺大埔開酒樓,不如做番呢樣嘢。」就這樣,黃翊與三家姐在大埔墟街市熟食中心開了三小姐海鮮小菜,開業至今七年,生意愈做愈旺。
由歌手轉做大排檔,黃翊沒半點不習慣,畢竟,更難過的日子,他也捱過:「喺內地唱歌遇到好多衰人,啲人嘴臉令你好唔舒服,自己將尊嚴降低,我有捱過,所以當我做呢度我好清晰,我要搵食,要養屋企人,我執枱掃地有乜問題?為屋企人咁做,我覺得自己好man。我冇乜錢,但夠生活,家生活好滿足。」可有興趣復出唱歌?黃翊笑說:「出唱片就無謂啦,但搵我出嚟唱一兩隻玩吓,我都有興趣嘅。」
黃翊跟黃寶欣分手後跟前亞視女藝員陳存正拍拖,05年生下囝囝黃睿,但到今時今日仍有人以為他跟黃寶欣仍是一對:「試過啲客問我個仔:『你媽咪黃寶欣呢?』好尷尬。我同老婆(陳存正)冇結婚,大家一齊開心就OK。」

15 Comments:

Anonymous 匿名 said...

我係女都覺得佢兩個都索到"嗒得杯落",但我會選官恩娜,個樣又靚又sweet.不過我接受唔到睇林峯 pair up官恩娜.現實中點都算係佢前度呀嫂,所以就算做戲我都零fantasy佢地一對.不過其實佢兩個個樣原來幾襯!如果有婚紗公司搵佢兩個拍廣告應該幾靚.
你又令我諗起淘氣雙子星,Billy仔同Momoko!

溫哥華匿名人

12:41 下午  
Blogger 堂本冰子 said...

我都一路以為為黃生跟黃寶欣一齊架到而家都﹗哈哈哈哈

1:54 下午  
Blogger 芒姐 said...

我認同兩個都"嗒得杯落"!

睇暫時fb投票形勢, 似乎我初步估計都係啱...男buy徐子珊多d, 女buy官恩娜多d!

4:44 下午  
Blogger 芒姐 said...

黃翊同黃寶欣的確係襯...同埋佢哋呢個"組合"好入屋, 唔知點解!

4:45 下午  
Anonymous 匿名 said...

唔好玩啦, 羊兒點做視后呀, 佢做視后的話, tbb一定俾人喪插!

6:09 下午  
Anonymous 匿名 said...

間大排檔好近我屋企, 耐唔時都有幫襯~~ 咁都可能撞過佢, 但唔認得啦 ^^;

10:37 上午  
Anonymous 匿名 said...

"唔好玩啦, 羊兒點做視后呀, 佢做視后的話, tbb一定俾人喪插!" - I agree too. Do you think TBB will have public voting on the Best Actor and Actress this year? I wanna see the final result!

- Needle at the bottom of the sea

9:58 下午  
Anonymous 匿名 said...

"最佳男主角"so far最悶都算係謝霆鋒! 條友每講一句就停兩停再chok三chok, 真係頂佢唔浦, 我悶到打左至少五個喊露, 悶過古天樂果集幾倍!

11:06 下午  
Blogger 芒姐 said...

但今年似乎真係會羊兒囉...佢演技係ok, 但個樣真係整到有d驚! 以前佢好清秀o架!

5:26 下午  
Blogger 芒姐 said...

今年宣傳到咁"行"...應該真係有全民投票選視帝視后啦!

5:28 下午  
Blogger 芒姐 said...

哈哈...我又覺得霆鋒依家幾MAN喎...雖然係超級CHOK!

5:30 下午  
Anonymous 匿名 said...

查實有咩咁man呢? 睇黎佢冧女確係有一手, 連芒姐都高傲嘅女人都比佢冧到!

11:04 下午  
Blogger 芒姐 said...

嗱嗱嗱...我唔認高傲o架吓! hahahahahhaha!

11:12 下午  
Blogger 芒姐 said...

唔係喎, 真係刮目相看...無論係我d朋輩, even我媽都話對佢改觀...同以前初初認識佢個憤青形象唔同晒, 有經歷, 好識諗...你就算話佢有部份係交戲, d戲都交得好好...我哋呢d"高傲的中女"buy, 連auntie都好buy! hoho!

11:14 下午  
Anonymous 匿名 said...

我都覺得霆鋒依家幾好呀.

溫哥華匿名人

1:48 下午  

發佈留言

<< Home