10-4(thurs) 廖碧兒撻著蘇永康?!
黎明樂基兒宣佈離婚…所以話, 娛樂新聞從來也是空穴來風…傳得出o黎已有七成真, 傳足幾個禮拜的，一定唔會假得去邊！
但…點都唔夠右上角單新聞爆…廖碧兒撻著蘇永康! 感覺上佢兩個好九唔撘八…世事永遠都係咁無奇不有!
而廖碧兒佢個舊朋友陳豪⋯電話響喎！哈哈…可能係bernice打緊俾佢…哈哈! 至於呢套"天梯", 我只係睇咗頭兩集…感覺略悶…但個真實故事本身好ok o架嘛…希望之後會好睇d, 唔好o徙咗個故仔!
至於新o個套"雷霆掃毒"…ok o既, 一貫的tbb警匪+紀律部隊劇集…其實唔差得去邊! 不過暫時都只係睇咗頭幾集, 睇多d先再講!
但我想講, 有一個妹o係近期好多套劇都見到佢, 叫林秀怡…佢做得幾好喎! 我諗番先記得o係幾年前有套劇好似佢係做一個大肥妹, 我以為佢一直都係咁肥, 原來當時佢係特登增肥去拍o個部戲…ok喎, 妹!
嘩哈哈…多得"溫哥華匿名人"的留言, 如果唔係我真係唔知道"再生緣"經典組合再現呢個消息! 眾所周知我當年有幾咁鍾意睇"再生緣"(如果唔知可以睇吓呢度...), 亦因為睇完"再生緣"開始好like林峯同葉璇 (仲要睇番當時我真係好唔like馬明…直至06年台慶我先徹底對佢改觀)...oh, 咁就十年喇! 時間過得實在可怕地快!
"葉璇林峰十年後再牽手 《紫釵奇緣》將開機
由小馬奔騰、博海影視、文化中國三家影視巨頭聯手打造，葉璇擔綱製片人並主演的大型古裝電視劇《紫釵奇緣》即將於10月上旬開機。該劇籌備初期，男主角的人選被片方列為高度機密，令外界猜測紛紛。近日，片方終於宣佈，香港一綫當紅小生林峰將出演劇中男主角“納蘭東”一角。這也是繼葉璇離開TVB後，兩人闊別十年的首度合作。繼《雲海玉弓緣》、《再生緣》後，葉璇與林峰在新劇《紫釵奇緣》中的這次合作可謂是“緣”定三生。"
十年後雖然佢兩個都變咗好多…但有得睇番呢個組合, 又的確係回憶返埋o黎…情意結來的! 經典再現, 好期待啊!
posted by 芒姐 at 11:30 下午
12 Comments:
You're welcome.
又黎明及林峯...
溫哥華匿名人
睇唔明陳豪幅圖，點解個電話望落好似黐左晌件衫度咁 (instead of 放晌衫袋)？
蘇永康今曰响蘋果嘅回應先係最正囉！
http://hk.apple.nextmedia.com/entertainment/art/20121004/18031303
同緋聞幾乎絕緣嘅蘇康終於開齋同廖碧兒傳緋聞，女方被問到發展機會時話「Never say never」，但蘇康就好決絕，佢噚日喺電話度話：「I can say never！我同女友好好，唔打算換，廖小姐係筍盤，我係爛地，筍盤點會喺爛地度起呢？我同廖小姐只係合作咗十幾日，溝通唔多，我都冇佢電話，冇共同話題，上次拍《法網群英》同徐自賢拍埋床上戲都冇傳緋聞，點解今次咁奇怪呢？」蘇康話同咗喺法國做緊嘢嘅女友備案，佢又話總之一定會結婚，亦會公開.
嘩, 蘇永康好寸jeh, 佢咁講, 廖碧兒(火羅)到無朋友啦!
芒芒, LF's new song "幼稚完" is quite good. What do you think?
-Needle at the bottom of the sea
林秀怡喺「依家有喜」好重戲份，佢做秦沛個女,都唔算新人，不過當時唔太入屋，所以沉咗一段日子。
有冇人睇小欣姐個節目?(佢出鏡個妝同打燈都唔多ok,又有幾次唔望鏡頭)
一開頭冇乜介紹坐響側邊果d人係咩來頭就大嗡一輪,得個講字話同邊個熟有乜窿路搵料,都唔知有咩proof support,連片同相都冇,一味影住一班人一堆file響檯面講講講;似乎亞視娛樂CIA好睇d,冇咁齋嗡,起碼有d趣劇環節溝淡下,同埋一次出2,3個主持,至少都認到d樣,有d說服力
當然最好其實都係娛樂頭條或者簡單d J2既娛樂新聞報導就夠
哈哈...我覺得係因為佢個電話screen向咗外面, 所以先似黐左晌件衫度咁!
蘇永康真係寸得很...但的確好funny!
廖小姐又係慘, 比人當面拒絕, 而o個個人仲要係蘇永康, 灰到唔恨! 所以話, 個人寸嘴得罪晒傳媒真係無好結果!
Needle at the bottom of the sea,
haha, i still haven't got a chance to hear this song...
林秀怡頂多都係入行兩三年, 都仲算係新人...好過蔣嘉旻o個d添...做得幾好!
查小欣個節目簡直係笑話中的笑話...
發佈留言
<< Home