9-20(thurs) 甜絲絲溢自你的嘴角~~~
今朝不停有朋友叫我快d睇蘋果c1頭條...嘩! 果然係好...爆!!! "低俗喜劇"咁款喎…我以為蘋果c1變咗風月版! 不過d相的確係充滿想像空間o既…話實呢, 我又覺得佢哋應該無癲成咁啩…係都唔會o係車呀…畢竟大家都係公眾人物…況且就算唔係公眾人物都唔會咁喪呀? 如果楊怡真係咁做…應該真係失心瘋咗! 可能呢…楊怡只係飲醉酒伏低咗...大家諗多咗啫...wahaha!
但你真係不得不承認…呢段新聞的確係爆…那怕你覺得佢係寫緊言情小說都好…
"小別一周急相會-楊怡羅仲謙車震斷正"
一直不認拍拖的33歲楊怡與28歲羅仲謙，前晚激到玩車震，卻不慎斷正，親密關係再也冚不住。前晚7時許，楊怡相約無綫第13期藝訓班同學，於紅磡嘆日本菜慶祝畢業14周年，她還開心到在微博上載眾人喝清酒的照片。到9時楊怡走到餐廳外講電話，30分鐘後，在海南島三亞一星期拍新劇《衝上雲霄II》剛返港的羅仲謙，駕駛楊怡名下的日本車在附近出現，等到昨日凌晨1時半，楊怡才在楊明及徐榮護送下，坐的士離開，謙仔則在眾人不知情下駕車尾隨。到了紅磡一條暗街，楊怡火速下車兼快步閃上謙仔的車，擾攘10分鐘後才再開車。
未敢抬頭
謙仔以時速30多公里在市區慢駛，其時無論從側看抑或從後看，車上都只剩他一人，令人懷疑楊怡已神不知鬼不覺地下了車，但經過30分鐘車程後，車子直駛至楊怡位於將軍澳的領都寓所停車場對出迴旋處停下。記者上前拍照，才發現沒繫安全帶的楊怡整個人伏在謙仔兩腿中間，相信她在上車後一直維持此動作至被發現。謙仔見記者即神色慌張，怕得以手掩口，又一度本能反應地欲以手擋鏡頭，楊怡則似定格般繼續伏在謙仔胯下，隔了半分鐘仍似有隱衷地不能動彈，後來她以手掩臉並曾透過手指罅偷看記者，而其手邊竟有異物突出，謙仔難堪得尷尬黑面。
心虛抹嘴
後來謙仔將車駛回環保大道兜圈，但見未能擺脫記者，只好死死地氣駛回女友住所的停車場。只見二人已各自整理，坐好的楊怡戴上鴨舌帽，但仍沒繫安全帶，其嘴角明顯濕潤，還頭耷耷地心虛抹嘴。黑着臉的她撥弄頭髮時，手背明顯因之前壓着謙仔雙腿而泛紅及有褲子的壓紋，直到保安出現阻擋記者拍照，二人才快速返回住所。
其實楊怡曾與吳卓羲拍劇撻着，但地下情只維持半年。05年她與身家豐厚的藍偉傑拍拖，直到男友陷財困分手。08年楊怡與黎諾懿在將軍澳共赴同居。去年她與謙仔拍劇生情愫，但始終不認戀情。謙仔則先後與華姐季軍張慧雯、黃智雯、梁靖琪及江若琳拍劇擦出愛火，但最轟動的應是與傅穎拍拖，有指女方疑因謙仔不斷劈腿提分手，竟慘遭暴力對待。
但最精彩都係呢段動新聞…ending首"雨夜的浪漫"…咩"甜絲絲溢自你的嘴角~~~抬望眼尋拾片刻的歡樂~~fantasy~~~"差d笑到我噴水...
呢期d報章雜誌封面全部變晒風月版…我覺得呢個"淫賤泳池摷攬摸"標題亦都真係好得! 即刻令我諗起90年代d頂癮三級片名...咩"擒上擒落周圍淫"o個d囉...hoho!
仲有, 我想話, 到咗今日, "程若真不必相見恨晚..."仍然o係我腦海loop緊…但係個畫面已經唔係鵰兄/過兒/姑姑…而係變咗咪咪姐同king sir的搞笑版...救命! 同埋我覺得阿年青版程若真朱婉儀…又真係幾似朱咪咪囉! 選角好得! 雖然其實搵阿gem做少女版程若真…應該會更得! haha!
posted by 芒姐 at 11:40 上午
17 Comments:
我都覺得佢只係飲醉酒所以先伏低休息下+真係想避記者而已!
以佢性格同作風點會係大庭廣眾做呢d野!
但Pinocchio咀角d 液體又真係好令人生疑喎, anyway, 成單野真係好好笑, 如果係真的話, 真係該燴, 同埋抵比人恥笑囉! :p
哈哈哈哈, 楊怡同羅仲謙再孖埋阿小欣姐又做大龍鳳喇! 我唔憎佢兩個, 不過講真, 我又唔認為記者老屈喎, 咁多年黎, 咁多單新聞, 有幾多當事人都係最初否認, 但最後都證明到d記者冇屈佢地? 何況楊怡同羅仲謙個解釋... 實在未免太牽強喇, 計我話, 飲大左係真的, 不過唔係醉到嘔, 而係醉到忍唔住要即場咩至真!
另外, 芒姐之前話"其實我個人完全唔認為陳豪係昏盤! 以前都幾like佢, 反而佢同咗陳茵媺一齊之後, 大眾可能buy, 但我覺得好over, 似做show多d! 兩年前段報導出時大家一面倒攻擊廖碧兒(本人當時都覺得佢唔得), 但睇睇吓佢反而係有d慘o個個!"
其實呢樣咪就係芒姐你成日講嘅人緣問題囉, 點解大家都要一面倒咁攻擊一個人? 咪就係因為佢人緣差, 平時得罪人多稱呼人少囉, 聽講廖碧兒份人真係好臭寸架!
唔好再提陳豪呢條友.以前OK佢,之後碧兒/茵媺事件開始冇咩好感,而家仲越來越乞人憎.年頭"CHOK"得獎惹非議,我冇諗過佢居然會落井下石(平時佢個IMAGE同埋好似同人好friend).今次楊怡,以怡性格同作風,我信佢真係好upset.記者問陳生意見,佢話:「唔係要我回應先呀。」他邊講邊笑到流眼淚，他覺得自己好彩：「自己會搵記者影番正常嘅相，遮遮掩掩仲衰。」他大讚羅仲謙是紳士，好保護女性，他被問到點出火？他走晒音：「飲咖啡。」
RE: 匿名
一面倒咁攻擊一個人,一係佢人緣極差,一係人善被人欺明知佢唔會反擊, 呢D叫人性.
溫哥華匿名人
溫哥華匿名人
咁你認為廖係邊隻?
我對一眾小生花旦都無特別好感或特別壞印象, 唔會因為某人寸親自己個偶像而對此人生厭, 更加唔認識各位小生花旦真正為人係點, 只聽過不只一個晌街上/超市/商場見過廖的普通市民講過, 廖一知有人認得佢就黑口黑面同miu咀miu舌, 對待一般市民觀眾態度尚且如此, 平時待人接物態度如何, 可見一斑。
單野真真假假都好，陳生笑到標眼淚呢個反應，的確好無品，作為同事，唔知當事人有咩感想。唱K toby條片又係睇到O晒咀，唱K次次錄音D對白都咁“精境”，究竟佢係唔係嫌自己仲未夠衰。
老老實實，作為觀眾，楊怡單新聞真係好好好好笑, 楊怡咀角含X果張相，隱隱顯出佢有D開心回味之感 (純粹個人主觀感覺，大家可以唔認同，不喜勿插)！
「對住一個信任的人，訓佢大脾」就絕對可以「毋庸置疑」？！！咁阿楊小姐都真係好開放下喎！
其實楊小姐都係算把啦，由整容到同羅仲謙拍拖，佢幾時有坦白過？個鼻整成咁，都夠膽話自己冇整過! 去到訓大脾階段，都仲堅持唔係拍拖，一個咁鍾意講大話的人，她今次的解釋，你仲信唔信？反正我就唔信喇！
話時話，佢咁慣性講大話，唔怪得之個鼻越來越長啦！
P.S.「聲譽」只可以建立、損害、摧毀、重建，「聲譽」係冇得「澄清」的！楊小姐d中文…… 佢小六考文字推理一定好低分，又或者，佢鄉音咁勁，可能中一前都在大陸生活，根本冇考過小六學能測驗…… 真係越來越覺得楊小姐同羅先生係絕配，大家都咁…… 呵呵呵！
[忽然一週 第820期2011年04月15日] 揞名爆 「牛女」罵街
媽咪姐有個老友喺大婆台附近返工，有日揸車出去食晏，當部車啱啱轉出影城大樓時， cut過咗少少位，隔籬線部車不單冇收慢到，反而快速咁拍住老友架車，入面個女司機惡形惡相，仲手指指指住老友。老友話睇真啲，女司機雖然戴住大烏蠅，但 都認得出係「牛女」。只見佢口噏噏，即使隔住玻璃聽唔到噏乜，睇口形同表情，傻嘅都 feel到佢係鬧緊自己，而且仲夾雜咗粗口口形?。老友話當時嘅「牛女」完全冇咗熒幕上斯文溫柔嘅淑女形象，相反同一般爛女冇咩分別。
唓，師傅教落：睇人唔好睇表面。尤其藝人，佢哋閒閒哋可以擁有幾副面口，真係唔知邊一副先係佢真面目。再講番「牛女」，之前已經有人話佢唔止臭寸，而且亦非善類，所以當人人讚佢喺《後宮毒計》入面做奸妃做得好時，媽咪姐就話，佢只係將佢嘅真本性發揮出嚟就真。
我阿媽係'今日VIP'觀眾，話經常見到楊怡同D男藝人又攬又抱，一早已經覺得佢好姣。
我D男同學話楊怡零FANTASY喎，反而好想打爆佢個木偶鼻同剪斷佢條大脷，唔明點解謙謙會冧佢，應該都係貪佢D錢同名氣啦咁話！
This rumor is getting very boring now. But seriously, where were the noodles? LOL!
RE 匿名: 你呀媽好勁可以去做今日VIP現場觀眾, 仲可以經常响電視城見到同一個藝員. 話我知有咩辦法,我都想去見我偶像!
溫哥華匿名人
"Audience" can literally mean the people watching or listening to a particular television or radio programme. When we talk about an audience, it doesn't necessarily refer to a live audience. Look it up in a dictionary if you don't know what it means. And there is no clue suggesting that the encounter with the actress actually took place right at the TV City. Not sure if you really have difficulty in comprehending the sentence. But you don't need to have great language skills to decode the message. It can be easily understood by considering the vocab, syntax and context.
Passer-by
程若真係"巴不得媽媽…"一大亮點, 咩"識識去識識狼", 真係一路睇一路笑!
哎...呢單嘢真係個動新聞同埋段報導加上後後愈描愈黑的記者會, 比起件事本身更好笑!
我覺得佢哋就應該未喪到大庭廣眾咁癲喪, 但呢個烏低頭的反應, 又的確好難唔令人想入非非...所以不能完全怪人! haha!
程若真係今次"巴不得媽媽…"的一大驚喜!
發佈留言
<< Home