8-26(sun) 一人一票選港姐@2012 miss hong kong piegon
今日的heading無可能唔叫"一人一票選港姐"啦…咁點題! hahaha!
因為我去咗睇3年內睇第4次o既鄚伊健演唱會 (唔知點解無啦啦變咗忠粉…其實我從來都未試過係佢fan屎…而睇到第4次, 亦的確係有d悶, 雖然佢d歌真係可以帶你回到過去, 重拾少女情懷…但我諗真係要見好就收! 我係指我本人, 唔係佢, 佢可以每年繼續開, 因為錢的確無人嫌多的!)…搞到我miss咗tbb自編自導自演的鬧劇…嘥晒! 早知咁精彩…我應該留o係屋企現場睇"一人一票選ms hk piegon", 好過去紅館睇第n次鄭伊面! 不過有早知, 就無乞兒啦! haha!
唔係呢次down server事件, 都唔知道仲有咁多人睇港姐, fb係忽然被一遍恥笑聲洗版…本來覺得今年個搞手應該炒得, 但諗深一層, 咁o既宣傳橋都諗到, 應該升佢職都o黎唔切! 港姐40年, 本來話要搞大佢, 又咩學"超級巨聲"每集淘汰一個, 等觀眾認識d佳麗多d, 入屋多d…點知最終係"雷聲懶大, 雨點極小"…一遍混亂! 仲因為倫奧停播咗幾個禮拜, 根本大家就以為港姐已經選完咗! 到選o個日, 都無咩人理…就係因為呢招反宣傳…依家A1都應該上到囉! 仲可以為港姐40周年寫下光輝的歷史添! 贏哂! (個人認為呢條橋比之前王晶同阿叻夾埋扮鬧交高好多!)
仲要佢之前三句唔埋兩句就係sell"一人一票選港姐"…點知最終搞成咁…真係鬧劇中的鬧劇! 其實我喺度諗, 佢唔公布都未必有人知道個sever壞左, 10分鐘內咁多人一齊投票, 遇到down server其實係好正常, 到時求其搵個人去影相攞咗架車咪算囉! 所以可能呢招真係用心良苦的宣傳橋o黎o既…haha! 同埋我都記得一開始明明係羅兵咸去監察投票…點解後尾會變咗黃龍德去核實個server down咗?
有人話tbb今次係話俾香港人知: 你哋連"一人一票選港姐"都無資格, 仲講咩"一人一票選特首"丫...哈哈! 好抵死!
既然無得全民投票, 我地自己都可以玩吓…當然, 我哋無名車送…但有芒姐的簽名相…haha! 不過應該無人會想要, 所以個結果會同部名車一樣…石沉大海! 但個投票依然可以玩…至少唔會down server…hoho!
To be fair, 其實今屆d佳麗比前幾年算靚咗, 同埋到決賽都真係修咗身…上屆d得獎佳麗比起佢哋仲醜好多 (同埋依家連我呢d電視精都o翕唔出上年三甲係邊幾個)! 但整咩d 歷屆港姐雖然做得佢哋阿媽, 都仲靚過佢哋咁多? 今年第40屆, 趙雅芝係第一屆, 即係39年前選, 到今日可以依然咁靚...真係好鬼驚囉! 不老的傳說! Oh, 仲有我前偶像陳妙瑛…同埋向海嵐呀, 楊婉儀佢哋呢d年過/近四十o既十九幾年前港姐冠軍…居然靚過選嗰時…好神奇! 反而d當家花旦暨港姐就失色咗d! 陳茵媺同高ling個look算ok, 但胡杏兒個仿容祖兒燒鵝湖造型想點? 仲有黃智雯件衫真係最唔掂…著到零身材, 同埋個妝好醜樣! 我不嬲好buy佢, 但佢尋日個look真係好令人失望! 仲有, 620點解老咗咁多? 個look有d似太后!
至於個節目本身, 其實唔計down server鬧劇o個part, 算係ok的…o係電視城搞都可以搞得幾grand算係咁! 一開始播"air in g"進場…跟住跳舞環節d佳麗都算跳得ok…個"華麗明星賽"食嘢環節幾新鮮又幾得意…又真係可以睇到d佳麗o既談吐同manner喎! 金剛同李渼琦呢pair幾好笑!
阿melanie本身幾靚, 不過佢d對答真係唔知講咩, 仲衰過當年o既阿wood同左慧琪…六強止步都算合理! d人話曾明俐似馬蹄露…又真係有d, 不過佢elegant少少! 湯侄女阿roxanne其實係輸硬o架喇…通常一開始就跑出o既大熱門好難撐到尾! 同埋佢全晚個樣都好攰, 仲要好老咁…25歲點會搞到45歲咁? 所以其實佢入到六強已算超額完成! 林泳淘睇睇吓個樣有d似陳妙瑛…其實都算幾靚…但感覺有d市井, 唔夠高雅! 入唔到六強好合理! 至於個人微妍希, 佢唔開口都ok, 一開聲真心驚!
黃心穎睇睇吓好似陳雅倫! 我最like都係朱千雪同岑杏賢, 唔係話真係好靚o個隻…但兩個都笑容可鞠, 幾sweet…好討好o個隻…至少女人一定like…男人我唔知喇, 你話我聽! 我一路tip朱千雪孖岑杏賢攞冠亞軍o架嘛! 至於一開始被喻為翻版戴夢夢o既張名雅…其實佢答吐係幾ok, 靚就真係唔太靚…你話佢入三甲我覺得ok, 但攞冠軍真係over咗! 睇到有人話既然佢個樣強國味極濃…如果佢叔公張堅庭開拍"表姐妳好嘢"第n集…應該搵張小姐大取代dodo姐演表姐一角! 我笑咗…
都係o個句, 貼一貼賽果先…
冠軍: 張名雅
亞軍: 黃心穎
季軍: 朱千雪
最上鏡小姐: 岑杏賢
國際親善小姐: 張名雅
最後當然係…ms hk piegon回顧@芒姐再現:
Miss HK Pigeon 2011
Miss HK Pigeon 2010
Miss HK Pigeon 2009
2008香港小姐
港姐回顧
2007年度香港小姐
2006香港小姐
2005港姐謝師宴
2004香港小姐
2003給香港小姐
1994年度香港小姐選舉
1993年香港小姐
1991香港小姐選舉
posted by 芒姐 at 11:30 下午
17 Comments:
朱千雪個口其實有d大, 有少少似大口版宋熙年!
尋日睇見芒姐話Jacqueline kum睇,個心定咗啲,今日佢赢咗, 開心番哂. 真係好唔鐘舊年賽果,盼咗一年有多. 可惜投票時響街, cellphone入唔到tvb, 睇見有人話投到票.
陳百祥真係年復一年咁將 "pageant" 讀做 "pigeon", 又難得地年復一年咁冇人糾正佢!
哈哈...唔需要糾正佢, 佢唔再讀"ms hong kong piegon"會無人知係選緊港姐...haha!
哈哈...我睇睇吓覺得朱千雪似01年o既鍾沛枝添...:p
我投咗啦,幾時抽芒姐簽名相呀?
華麗明星賽個part呀冠軍坐林峯隔離，好似睇到林峯同佢傾咗幾句。咁呀冠軍種個樣應該都係佢杯茶。Sorry I know I shouldn't say that.
溫哥華匿名人
其實冠軍都唔係醜, 係就係強國味重d, 不過佢輪廓身材各樣其實都ok喎, 講真個高海寧都係呢d樣, 又唔見d人話高海寧樣衰? 同埋第一眼我其實覺得冠軍似張敏!
我係咁岩買左新TV先至會睇,我反而覺得個冠軍幾靚喎,亞軍個樣唔得大體,冇冠軍相,同埋我覺得有D似NOW個黃幗頤,咁scarlet靚D,個朱千雪咁HIT,但真係好醜,眼袋大口大牙又唔靚又歪嘴歪鼻...(試新TV睇真D),六強其他的反而有個幾靚,唔記得名,但我唔係講那個好似朱玲玲的,湯洛雯算不錯啦,一開頭睇全部(我唔知有幾多個),好多都好口大...胡杏兒真係嚇死人
仲有呀,上屆真係冇睇,佢頒獎時我都冇睇到邊個係冠軍,但個亞軍好醜樣好恐怖樣,原來個許亦妮係季軍黎GA...好大件
樓上，亞軍真係SCARLET個妹
其實有冇人可以解構到外甥孫其實係咩關係?
張名雅係張堅庭外甥
張堅庭係張名雅表舅父
我估張名雅係張堅庭表妹個女
im a different 匿名
有時真係唔明d人咩眼光同心態, 講真張名雅係娘d同成熟左d, 但都算五官端正同, 最重要係似番個女人, 反而個新聞小花張文采化到個妝成尺厚個樣都仲成個男人咁, 又鬼大隻, 個名又娘, 咁都叫索, 有無搞錯?! 個黃婉曼就算大執完, 望落都仲係好一般, 講真, 行出街大把女仔都係咁上下甚至好過佢, 唔明點解咁都可以做女神, 香港人d taste真係越來越怪!
我D FRIEND話女人會buy朱千雪, 因為個樣有親和力d(其實我係睇完佢每個禮拜的真人show開始覺得佢表現幾大方得體), 男人就會buy張名雅多d!
睇番d新聞, 張堅庭係張名雅舅公先啱...舅公即係媽咪/daddy個舅父.
至於簽名相...你唔係真係想要呀? haha!
發佈留言
<< Home