9-24(mon) 程若真
"巴不得媽媽"終於做完, 真係算係近期最好睇o既劇集…有d笑位你真係估佢唔到…尤其係程若真同馮恨晚o個段真係一大亮點…完全out of expectation!
連年青版o既程若真都出咗少少位喎…朱婉儀都做得幾好…同埋真係有d似朱咪咪囉! 哈哈!
同埋搵king sir演古明華一角o個段亦都幾好笑!
仲要佢每一段戀情都有首主題歌配合…呢個安排又係幾好o既…即係一聽到"情若真~~~"就會諗起king sir同朱咪咪…一聽到"can't take my eyes off you"又會諗起羅仲謙同黃智雯!
香香公主岑麗香係幾cute o既, 樣都幾sweet, 最緊要身材好…難怪可以成為新一代高登女神! 不過佢講對白真係好似好辛苦囉!
大隻謙同黃智雯o個段其實真童話故事得太交關, 無咩說服力…同埋黃智雯個造型真係有d肉酸! 同埋死啦…我依家每次見到佢哋o係架車度都想笑…尤其我一路其實都覺得黃智雯有d似楊怡!
跟住楊怡同羅仲謙單新聞爆咗出o黎之後, o個晚"東張西望"即刻搵阿查小欣做個咩大龍鳳訪問…又進一步示範多次咩叫愈描愈黑! 楊怡又長又冗咁講d咩食麵又嘔落o個碗麵啲九唔撘八嘢…其實真係唔講好過講…我信佢哋可能真係無做…不過個解釋又係牽強咗d…點解想嘔仲會伏落大隻謙大脾度? 難道係想嘔落佢大脾? 同埋其實成個flow我有d lost! 咁樣烏o係度…又真係俾到位人入...騎呢咗! 不過阿大隻謙o係成段訪問表現得異常癡情囉…好似真係好冧阿楊怡咁喎!
呢單嘢真係勁好笑…d報導同埋之後d 討論同follow up比起件事本身好笑多百倍! 蘋果d記者真係應該一功...段動新聞我俾10個like佢!
嘩! 今年班亞洲先生參賽者…真係好有娛樂性! 見到咁情況, 其實我覺得我下年可以積極考慮參加港姐囉…哈哈!
weekend去咗睇葉蒨文演唱會! 佢果然有心有力…五十一歲又唱又跳都唔喘氣…但最感動嘅係可以o係廿年後現場睇番佢同杜德偉喺台上又唱又跳"信自己"...真係"say go sally go sally go~~~" 不過杜德偉雖然個樣keep得ok, 跳亦跳得十分好, 但把聲弱到幾乎聽唔到...唔知佢搞咩?
posted by 芒姐 at 11:30 下午
15 Comments:
我實在太喜歡程若真喇, 連帶朱婉儀都喜歡埋! :)
香香公主係好可愛啊, 五官同身材都好好呢, 佢講對白可能係有D辛苦, 但一定比另一上位女神苟姑娘舒服, both 講同聽果個! :p
香香公主認真睇硬照唔算靚,五官輪廓普通,但係鏡頭前真係好eye catching,好可愛精靈,比苟姑娘更有觀眾緣
唔記得講, 羅仲謙同黃智雯段戀情有兩首主題曲的, 甜甜蜜蜜時會播"can't take my eyes off you", 唔開心或鬧翻時就會播"separate lives"! :p
我係第一個匿名啊!
岑麗香在劇中因穿上貼身衣服，凸顯其逼爆身材，而且濕身鏡頭令她透Bra誘惑，成功冧掂網友，於網上被熱烈討論，更有少部分網民把她捧為新一代「宅男女神」，並將她於劇中的鏡頭連環截圖上載到網上分享。可是經大量報章報導後，其女神地位明顯受到大量網民反對，他們大喊冤枉不甘被屈，並稱高登女神指標每況愈下，「阿豬阿狗都可以做女神」。更有指是電視台要為她做宣傳，才與報章雜誌合謀吹谷其女神地位。更甚至有網民直指岑麗香樣衰，不配成為高登女神。
雖然岑無茍咁靚，但我鍾意佢多啲。。岑真係好可愛，而且係鏡頭前好真情流露，好自然。。 其實對於一個完全唔識睇同講中文，佢講得唔錯㗎啦。。
我係第二個匿名,其實普遍高登仔都唔認同香係女神,佢地俾人屈緊XD
岑麗香真人都ＯＫ啦。我响溫哥華見過佢。
我記得當年＂信自己＂係排被訪港嘅查理斯王子睇！杜德偉當年明明有樣又唱得又跳得，都叫做ＨＩＴ過一陣，但唔知點解紅唔到。呢行真係講運。
溫哥華匿名人
芒姐你聽到一定好開心：再生緣經典組合再現呀！
溫哥華匿名人
再生緣經典組合再現? when? how?
快將開拍的內地劇紫釵奇緣
溫哥華匿名人
唔係喎，我公司班IT仔+IT佬都好like香香公主喎，佢地話苟姑娘有d大山feel，香香就fit到漏！
其實大隻謙同黃智雯o個段好悶, 你見佢不停反覆播"can't take my eyes off you"同"separate lives"就知佢兩個有幾咁拉拉扯扯, 同埋劇情真係牽強得離譜, 現實生活中一個咁精英咁講究的男人, 點會鍾意一個又坐過監連自己個名都唔識寫的女子咁神魂癲倒?
仲有我想講, 泥水妹係有讀寫障礙姐, 唔係文盲丫, 點解導演portray到佢好似完全唔識字咁? 有讀寫障礙極都唔會唔識寫自己個名呀?
同埋我想問, 黃智雯究竟發生乜事? 點解醜樣左咁多? 我覺得唔關造型事, 佢係成個樣都醜左好多!
我唔知男性的心水...作為女性, 我覺得苟姑娘靚好多, 但香香公主o個隻就可愛d囉...你要我揀一個的話...我又可能會揀苟姑娘喎! 哈哈! 不過聽佢講嘢真係好辛苦!
雖然幾buy黃智雯, 但我都覺得佢忽然跌咗好多watt (外型-wise)!
oh, 再生緣經典組合再現? really?!?!?!?!! 咁犀利?!
發佈留言
<< Home