2012年11月2日星期五

11-2(fri) Ben哥哥姑姑配

"雷霆掃毒"其實初段幾好睇…但後段真係太heavy, 又吸毒, 又係咁死人, 又人人都係黑警! 有無咁多黑警? 搞到呢個世界真係好邪惡咁! 同埋點解近年有咁多劇要宣傳禁毒? 上次"美麗高解像"又係…有d太刻意囉!

不過話實我覺得林峯呢套做得幾好喎…係咪fan屎都係咁講…! 而徐子珊其實都ok…不過佢細佬死咗之後d劇情我已經唔係太頂得順…飛住o黎睇!

d風吹得咁行…大家又覺得今年應該會係徐子珊定楊怡拎視后呢?!

嘩! "名媛望族"d鄉音人真係去到一個太over的地步…尤其朱晨麗同周志文o個段…真係睇得人好辛苦好辛苦! 唔睇字幕係完全唔知佢兩個講緊咩! 同埋我再一次要強調朱晨麗o係呢套劇個look好恐怖! 我諗佢做完呢套都應該可以返去香港舞蹈團跳舞…其實佢跳舞應該真係好過做戲好多!

同埋搵阿ben哥哥同姑姑做一對…都真係十分唔襯吓! 我唔係好接受到囉!

Ben哥哥個樣同我哋廿幾年前睇"閃電傳真機"認識佢時無咩點變…但姑姑比起三十年前"神鵰俠侶"的姑姑, 的確老咗唔止三十年! 我唔明點解要咁cast佢哋? 呢套角色設定唔係講忘年戀呀? 點解要咁玩姑姑?

d人話tbb呢期興玩姊弟戀…之前"巴不得媽媽"又gigi姐同李成昌…又有"愛回家"o既林漪娸同徐榮…但呢兩pair外型上的差距好似都無咁誇張! 其實本身佢哋有年齡差距都唔係問題, 外型先係關鍵所在! 即使林漪娸同徐榮o既真實年齡相差成15年, 但係睇落都無真實年齡只係相差9年o既姑姑同ben哥哥差咁遠! 可能除咗因為林漪娸keep得好之外, 亦因為徐榮一向個樣都比較成熟…原來佢只係三十有八, 細過鄭嘉穎5年, 仲細郭晉安10年添!

姑姑其實可能應該唔好出番o黎, 令人留下一個美好o既回憶咪仲好…佢依家拍埋白茵姐度, 其實似兩姊妹多過兩母女! oh…一search之下, 原來白茵姐已經70歲…真係keep得幾好啊!

而原來53歲o既林漪娸有港產美魔女之稱…我真係唔知道…


上星期睇咗一套歌舞劇…叫"彩色青春a-go-go"! 幾好睇喎! 好明顯係"難兄難弟"d friend…呢d亦好明顯係我杯茶…因為我最鍾意睇歌舞連場! 估唔到睇呢d歌舞劇都有好多fans尖叫…原來係為咗"同事三分親"個marco趙永洪! 咁佢做奇哥都做得唔錯! 而梁小冰又真係好犀利…真人的確幾靚吓! 同埋四十幾歲可以keep到好似廿幾歲咁…仲好嬌俏吓…拍埋marco度都ok襯添! 所以都係唔好成日話女人唔kum老…其實有好多keep得好好的童顏例子!

另外兩個男角…港男白健恩同埋之前做咗n場"喝彩"舞台劇o既陳健豪都唔錯! 仲有做肥姐o個位演員都好得! 反而焦媛近年好刻意好刻意去表現+突出自己就好over, 吃力不討好! 以前佢反而幾得!

Oh…同場仲見到真正的胡楓o黎睇呢套影射佢o既舞台劇…其實粵語片年代的歌舞片我都好鍾意睇的…而修哥本人我亦好like! 佢係一個好有親和力o既長者!

13 Comments:

Blogger Jessica said...

芒姐,做肥姐那位男演員就是早前劇集《衝呀!瘦薪兵團》裏的刁生-何遠東
今年佢同古明華好hit

10:03 下午  
Anonymous 匿名 said...

雷霆開頭幾好,後來Pat做毒后,潘Sir變埋毒王,真係搵戲做,太多唔合情理,同埋好灰,不過局部場面都仲有可觀性。林峯做慣斯文,做火爆man d既都唔錯,徐子珊同楊怡我都覺的一般,看看米雪有冇機。

3:38 下午  
Anonymous 匿名 said...

林峯真係做得幾好! 今年視帝應該走唔甩掛? 輪左咁多年點都到佢啦

6:53 下午  
Anonymous 匿名 said...

乜做唔做到視帝係計輪左幾多年架?不過大家放心,如果今年真係搞一人一票,林峯實sure win!

7:07 下午  
Blogger 芒姐 said...

oh...原來係《衝呀!瘦薪兵團》o個位...唔怪得知咁熟面口!

10:47 上午  
Blogger 芒姐 said...

嘩! 雷霆最尾個禮拜拖到呢...我飛o黎睇都頂唔順!

11:03 上午  
Blogger 芒姐 said...

哈哈...睇咗電視咁多年, 大當然明白視帝點都有論資排輩的元素o既...你話完全一人一票...我真心唔信! 哈哈!

11:04 上午  
Anonymous 匿名 said...

以前視帝真係輪o架,匿名人唔知?不過林峯真係做得好,我都會投佢一票。雷霆好多細節位經不起推敲,但整體唔錯,追得過。

10:52 下午  
Anonymous 匿名 said...

演戲方面原本楊怡好些,功底扎實些。但她現在無論樣貌或演技都變得好差,感覺完全變了,而徐子珊在雷霆又進步好多。若不是徐子珊資歷較淺,如單純論今年表現,會比楊怡更有機。

9:14 下午  
Anonymous 匿名 said...

視帝點都有論資排輩的元素...

咁黑暗!

10:09 上午  
Anonymous 匿名 said...

除非大太監真係演得好到TVB唔俾獎都唔得,否則TVB係冇可能俾佢拿第3次視帝.而且真係俾佢都唔敢要.拿3次即係上咗神枱,以後都唔知開咩劇俾佢好.
其實今年無論論資排輩OR計表現林峯都好有機.不過個一人一票又搞到D人話靠FANS多.芒姐你點睇?

溫哥華匿名人

2:55 下午  
Anonymous 匿名 said...

"名媛望鼻"真係越來越唔掂, "大太監"一出, 即刻唔想再睇"名媛望鼻"!

8:45 下午  
Blogger 堂本冰子 said...

名媛望鼻<<<XDDDD
楊怡個鼻真係太OVER了…好掛住佢以前個樣…

我就係被《大太監》吸引咗放棄《名媛》的人了~

7:23 下午  

發佈留言

<< Home