2012年12月3日星期一

12-3(mon) “十大過四十”音樂會

呢個世界o既事情真係好奇妙…因為幾年前o既一篇blog, 令我在fb認識了一個好特別o既朋友…

有個故事我想同大家分享吓...唔知大家仲記唔記得90年代2人女子組合叫"face to face"? 其中有一位成員jodi 20年前遇到交通意外全身癱瘓... 幾年前我寫過幾篇blog講佢哋o既故事, 估唔到輾轉居然俾jodi睇到...上個月我仲居然o係fb收到佢寫俾我o既msg...我收到呢個msg真係O咗嘴唔識反應...仲睇到喊! 除咗因為兒時偶像寫信俾我 (我當年真係聽佢哋o既歌大, 仲要佢哋o既首本名曲"情迷milano"係我屋企買咗部karaoke番o黎第一首熱唱歌曲), 更因為jodi o既故事真係好感動到我!

Jodi話我知佢哋12月1日搞咗個“十大過四十”音樂會, 因為知我當年miss咗“十大過二十”覺得好可惜, 所以今次特登通知我! 本來我買咗飛睇第二個show, 但呢個咁難得o既機會, 我當然盡量調動去支持...終於, 星期六晚我去睇咗呢個show! 真係好感動...20年後再次現場睇到face to face唱“情迷milano”同“一些”呢d經典名曲, 仲有見到jodi對生命o既熱誠…佢話意外後, 有朋友問佢有無問過個天“why me?”…但佢話唔會, 反而會問“why not me?” 點解我哋只會expect好事發生喺我哋身上, 而遇到逆境時就會問點解係我? 其實人生每個經歷, 無論表面上係好事定壞事, 都一定有佢正面之處, 在乎你點去演繹…jodi遇到人生咁大o既巨變都可以積極人生, 其實我哋平時遇到o既所謂困難又算係咩呢? 仲有佢同connie呢段廿年不變o既真友情, 亦同樣好令人感動…

我知道jodi有機會會睇到fb, 希望大家去俾個like佢, 話俾佢知有幾多人支持佢, 同埋其實我哋從來無忘記過face to face…:)



年青o既朋友如果唔知道face to face o既故事, 可以睇番呢度…真係好感人, 同埋好值得我哋學習!

仲搵到另一段報導…

1992年,Face to Face成員吳少芳(Jodi)和其經理人返回將軍澳寓所,距離寓所還有3分鐘車程與一架泥頭車相撞,這次相撞令吳少芳四肢癱瘓,其經理人逝世,而Face to Face隨之解散。

吳少芳獲家人照顧感動落淚
遇車禍致下身癱瘓

文章日期:2005年11月28日

【明報專訊】前Face to Face組合成員吳少芳(Jodi)昨日在胞妹陪同下,控制電動輪椅到港台接受訪問,舊拍檔蔡惠玲(Connie)、好友李國祥及李志剛亦有到場支持。

Jodi於1992年10月5日不幸地遇上交通意外,導致她頭部以下的身體癱瘓。Jodi昨日表現開心爽朗,但當談到不離不棄照顧她的妹妹及家人時,一度落淚。Jodi笑說﹕「現在身體情況是手腳不能郁動,只得左手可移動,控制到輪椅及用滑鼠上網。7、8 年前還有作曲,現在閒時只下廚,不時與朋友試食,上年肥到120磅,要節食了。」意外影響很深﹖「有好有壞,以前很貪玩,現在會動多些腦筋。」

事發後1年才知保母去世

Connie回憶當年意外發生後,並無接受任何訪問,各方只想知Jodi有無事,她到醫院病房探望對方時,叮囑自己不可以哭及想好說些什麼。

此外,Jodi在訪問表示意外中喪生的男保母是好朋友,並不是男友,現在仍懷念對方,她說﹕「很記得身邊人騙了我一年,我才知對方已逝去。」



話時話, “瘋狂歷史補習社”幾好睇喎…如果我當年讀中學有呢d節目, 中史成績應該會再好d…哈哈! 尤其慈禧嗰段做得好好囉!

同埋我真係要講多次, 依家下午兩點幾tbb播緊o既 "我外母唔係人”幾好睇…雖然無無聊聊但幾好笑! 仲要五六十年代背景我最like!

6 Comments:

Anonymous 你幾like個comment的留言者 said...

好感動, 幾年前睇芒姐有關face to face同jodi篇文時已經感動到喊, jodi比起好多健康壯健嘅人都要堅強樂觀, 諗起自己同身邊好多人的軟弱同消極, 真係好慚愧...... 芒姐, 請你代我向jodi講一聲, 我從心底裡欣賞佢、敬佩佢, 祝願佢繼續開開心心咁生活落去!

8:15 下午  
Anonymous 你幾like個comment的留言者 said...

我仲記得, face to face最活躍之時, 香港樂壇好蓬勃, 原來一眨眼又已經20年, 好懷念, 好唏噓......

8:19 下午  
Anonymous 匿名 said...

LIKE LIKE LIKE

10:14 下午  
Anonymous 匿名 said...

已like, 好感動... Jodi留左言呢!

9:52 上午  
Anonymous 匿名 said...

同樣全身癱瘓的斌仔終於撒手塵寰, 雖然對佢同佢屋企人來講未嘗唔係一個解脫, 不過仍然有點心酸...

2:03 下午  
Blogger 芒姐 said...

jodi的故事的確十分感動人心, 我要好好向佢學習!

7:06 下午  

發佈留言

Links to this post:

建立連結

<< Home