2013年1月4日星期五

1-4(fri) atv"歲月留聲"台⋯我俾1000000個like你!

原來atv由12月31晚開咗個”歲月留聲"台, 初時o係fb見到有人講咩”歲月留聲", 仲以為係港台節目…直到秘書小姐同我講話亞視開始咗個好似tbb咁o既經典台…係用原先播南方衛視o既13台頻道…仲剛剛播緊我好鍾意睇o既”變色龍”…仲有”甜甜廿四味”, "驟雨中的陽光", “萬家燈火”, “開心主流派”, “今夜不設防”…雖然好多都睇咗2000次, 但依然吸引喎!

又有得睇番"變色龍"...正! 勁多香港舊景睇…最鍾意! 話說08年重播時, 每晚睇到3點…同埋愛上咗潘志文叔叔同埋馬敏兒auntie! 前日o個集話過海巴士要一蚊雞…依家…睇番呢d對比真係好得意!

呢幾日我聽到唔少朋友話真係全日開住呢個台 (包括我本人), 幾乎放棄了黃金時段的tvb! 睇討論區亦都有好多人講呢個台! 我想話, 諗到呢條狂loop橋的人, 真係犀利過陳志雲! 雖然你唔會expect爭到好高收視, 但肯定會高過本港台! 同埋都可以吸引到一班愛懷舊的朋友! 因為atv(尤其rtv)呢代的舊劇…真係寶o黎o架喎…實有一jar觀眾! 簡直係無本生利! d人話atv今次終於做番年有意思嘅事! 呢個經典台真係好變態, 搞到人好addicted, 本來拎咗d嘢番屋企做, 終於望住個電視無咩做過…以後一眾電視迷會很忙囉!

"開心主流派"同"今夜不設防”都好好睇! 呢d綜藝節目就真係好少重播番喇…所以更珍貴! 前晚訪問王祖賢, 尋晚張曼玉! Oh, 兩個都好靚呀! 曼玉當年真係好靚好有氣質…女神一樣! 同埋黃霑真係鬼才…我好欣賞佢! "今夜不設防”堅係得呀! 希望遲d會重播埋"歷史也瘋狂"啦...我細個無睇過, 但d人話好好睇...話tbb個"瘋狂歷史補習社"都係模仿佢!

跟住weekend又會播亞姐選美…幾得意喎, 85年我真係未睇過! 大家記住要睇89年翁虹, 萬綺雯, 伍詠薇o個屆…尤其係伍姑娘個”河水不犯井水”論!

希望之後會播埋”未來偶像爭霸戰”, “美少女大賽”etc…仲有”殭屍”, “IQ成熟時”, “點解阿sir係隻鬼”…oh! 太多太多!

仲有, 尋晚居然喺同一個時段見到十年前後嘅林穎彤…好搞笑…


(萬家燈火vs法網狙擊)

哈哈…呢段幾好笑…黃德斌忍到笑嗰吓好嘢!



(宇宙最強「國語王者」陳豪!超越古天樂地位!)

7 Comments:

Anonymous 匿名 said...

亞視終於做番樣好嘢! 可惜,CCATV一定唔會播"還看今朝".

溫哥華匿名人

11:31 上午  
Anonymous 匿名 said...

變色龍成日同劉志榮做對手戲的男子,好似詹瑞文,點知原來佢叫劉緯民

9:44 下午  
Blogger 芒姐 said...

佢好樣過詹瑞文, 不過成日都覺得佢好乸型! 佢o係"大地恩情"好似就係做一個"基佬"

1:07 上午  
Blogger 芒姐 said...

但當年本港台好似都有重播過"還看今朝"呀...?!

1:08 上午  
Anonymous 匿名 said...

劉緯民又真係好似詹瑞文, 同埋真係好乸!!!

9:54 上午  
Blogger 芒姐 said...

所以cast得好啱...

唔知佢之後去咗邊呢?

10:12 上午  
Anonymous 匿名 said...

劉緯民做生意,甘生亞視百人有訪問佢。

2:08 上午  

發佈留言

Links to this post:

建立連結

<< Home